Daniɛli 4:7 - Bibeli do fee

⁷ Waati iyi ǹ wa n sũ si antaii daayim, mii iyi ǹ yɛ wee. Ǹ yɛ jĩi nla nla gɔ wa leekĩ si aninii ilɛ.

Daniɛli 4:7 Iomraidhean Croise

Kusintii Andunya 41:24

Ŋɔi iya sako ngbɛu í mi iya sako jiidau. Yaase bɛi ǹ ce ala ŋau mbɛ. Ŋɔi ǹ sisia woo ce alisim ŋa. Amma kãma nŋa kù yɔkɔ ku tusɛɛm yaaseɛ.

Kusintii Andunya 41:8

Iyi iju í má daadaakɔu idɔi Faraɔ̃ kù sũ. Í kpe woo ce alisi ŋa do ilu bisi ŋa iyi à wa Ezibiti bɛ fei. Í sisi nŋa alaɛ ŋau, amma baa inɛ akã nŋa kù yɔkɔ ku mà yaasei ala ŋau.

Iri ku kɔ̃ 37:35

Ǹ yɛ ilu inɔ kukã hai nɛ araare wa la bɛi jĩi tũtũ.

Ezai 44:25

Nyindai mii ŋa iyi ilu faau ŋa à fɔ ideɛ, amui ǹ ya n ganji ku ce, nɔ amui ǹ ya n fɔtɔtɔi lasabui woo ce alisi ŋa, nɔ amui ǹ ya n jɔ̀ ilu laakai ŋa a nyi do anyi, nɔ ǹ ya n jɔ̀ kumà nŋa ku baa ku jɛi bɛi idei sũmu.

Ezekiɛli 31:3

Jĩi gɔ iyi à ya kpe sɛɛdi si ilɛi Libãai í jɔ. Amaawɔɛ ŋa à sĩa, nɔ à ya ce jĩjĩ jiida. Kugbokaɛ í bɔi hee lele, nɔ imɔɛ í maai si kudũi ijĩ.

Daniɛli 1:4

Inɛ ŋa iyi í ni a naaò wa ŋau, awaasũ ŋa iyi a kù nɛ leebu si ara nŋa ŋai aa jɛ, nɔ a jɛ mɔkɔ kusĩa ŋa, nɔ a jɛ inɛ ŋa iyi à kɔ̃ò laakai, nɔ a jɛ inɛ ŋa iyi à nɛ kumà nɔ à nɛ bisi, ku ba a ya yɔkɔ a maa ce icɛ inɔ kabai ilaalu, nɔ a kɔ ŋa si feei inɛi Kaladee ŋa ku fɔ. Aa kɔ ŋa si kukɔɛ do kukaɛ feii.

Daniɛli 2:10

Ŋɔi inɛi Kaladee ŋau à nyi à jɛaa ilaaluu má à ni, ilaalu, inɛ kãma kù wa si ilɛ ihɛ̃ iyi á yɔkɔ ku ce mii iyi ì waa beeu bɛ. Na ŋɔi í jɔ̀ ilaalu baa akã, baa bii í jɛ í la, walakɔ í jɛ ilu gbugbãi, kù bee woo ce alisi gɔ mii dimi bɛɛbɛ, hee má jɛ woo ce dobu dobu gɔ.

Daniɛli 2:27

Ŋɔi Daniɛli í jɛaa í ni, yaasei idei asii iyi ì waa beeu bɛ, ilu laakai ŋa, do woo ce dobu dobu ŋa, do woo ce alisi ŋa, do woo mà yaasei leleaɔ̃ ŋa, kãma nŋa kaa yɔkɔ ku tusɛɛ yaaseɛ.

Daniɛli 2:7

Ŋɔi à jɛ isɛ gbeejisia má à ni, ilaalu, sɔ̃ awa woo ce icɛɛ ŋau alaɛu wa ka gbɔ, nɔ ka sisiɛ yaaseɛ.

Daniɛli 3:8

Ŋɔi gbakã inɛi Kaladee gɔ ŋa à na à waa yɛ taalei Zuifu ŋa.

Daniɛli 4:18

Jĩi nɔu bɛ iyi í nɛ wua kusĩa ŋau bɛ, nɔ í nɛ iso nkpɔ nkpɔ ŋa iyi inɛ fei á ba ku jɛu, jĩi iyi mɛɛmui sako ŋa à ya maa sũ abɛɛ, nɔ yɛi ŋa à ce bi kuwa nŋa si amaawɔɛ ŋau,

Daniɛli 5:7

Ŋɔi í dɔ̃ anu do gbugbã, nɔ í na wooda í ni a kpea nŋu woo ce dobu dobu ŋau wa do inɛi Kaladee ŋau do woo mà yaasei leleaɔ̃ ŋau. [Waati iyi woo mà ŋau à to wa,] nɔ í sɔ̃ ŋa í ni, inɛ baa yooma iyi í yɔkɔ í cio kukɔu ihɛ̃, nɔ í tusɛɛm yaaseɛ, ibɔ kusĩa ŋai an daa si, nɔ n daa si sabai wura si kɔ̃ɔɛ, nɔ inya mɛɛtasia si bommau, titɛɛi á jɛ.

Daniɛli 5:8

Ŋɔi woo mà ŋau fei à lɔ wa, amma a kù yɔkɔ a kù cio kukɔu hee má jɛ a tusɛɛa ilaaluu yaaseɛ.