Daniɛli 4:6 - Bibeli do fee

⁶ Ŋɔi ǹ sɔ̃ɔ ǹ ni, Bɛlitasaa awɔ inɛ ngboi woo ce alisi ŋau, ǹ mà iyi iwɛ̃ jiida ŋa à wa siɛ. Idei asii kãma kaa muɛ biti. Na nŋu, tusɛɛm yaasei ala iyi ǹ ceu bɛ wa.

Daniɛli 4:6 Iomraidhean Croise

Kufita 7:11

Amma Faraɔ̃ í kpe woo ce alisiɛ ŋa do ilu iwɔɛ ŋa, nɔ aŋa mɔ à ce dimi bɛɛbɛ do iwɔ ku ce dobu dobu nŋau.

Ezai 8:19

Inɛ gɔ ŋa à ya ni, i koo i ce kubee bi inɛ ŋa iyi à ya ba hundei iku ŋa ide ku fɔ, do bi inɛ ŋa iyi à ya maa fɔ mii iyi á na ku ce, aŋa iyi à ya maa ce gendi ŋau bɛ. À ya nyi a sɔ̃ ŋɛ má a ni, inɛ ŋa à nɛ a ya tɔɔ iwɛ̃ nŋa ŋai, nɔ a ya ba hundei iku ŋa ide ku fɔ na aranfãanii inɛ ŋa iyi à wɛɛ si hunde ŋa. Bii à na à waa sɔ̃ ŋɛ bɛɛbɛ, i jɛ nŋa i ni,

Daniɛli 1:17

Ŋɔi Ilaaɔ̃ í muaa awaasũ mɛɛ ŋau kumà, nɔ í jɔ̀ à mà yaasei mii fei ku wũaa si gãmɛi tia ku kɔ do kukaɛ, nɔ í jɔ̀ à jɛ ilu laakai. Si antaii iyi bɛ ŋa, í jɔ̀ Daniɛli í mà yaasei kuyɛ ŋa do ala ŋa fei ku tusɛ.

Daniɛli 2:2

Ŋɔi ilaalu í ni a kpe woo mà ŋa wa do woo ce alisi ŋa do woo ce dobu dobu ŋa do inɛi Kaladee ŋa ku ba a naa a sisiaa yaasei alaɛ ŋau. Ŋɔi inɛ ŋau à naa à na à leekĩ si wajuɛ.

Daniɛli 2:48

Si anyiɛ, ilaaluu í so Daniɛli lele, nɔ í ceaa amuai amani nkpɔ nkpɔ. Nɔ í so ilɛi Babilɔniu í naa ku jɛ inɛ ngboɛ, nɔ í soo kú jɛ inɛ ngbo iyi í wa antaii woo mài Babilɔni ŋau fei.

Daniɛli 4:15

Si anyiɛ nɔ Nebukanɛsaa í ni, to, ala iyi ǹ ce mbɛ amu ilaalu Nebukanɛsaa. Awɔ Bɛlitasaa, tusɛɛm yaasei alam nɔu bɛ wa, domi woo nɛ kumà ŋa iyi à wa si bommam ŋau kãma nŋa kaa yɔkɔ ku tusɛɛm yaaseɛ. Amma awɔ, aa yɔkɔ, domi iwɛ̃ jiida ŋa à wa siɛ.

Daniɛli 5:11

Inɛ gɔ í wa si bommaɛ ihɛ̃ iyi í nɛ iwɛ̃ jiida ŋa. Waati iyi baaɛ í wɛɛ si hunde, bi lafɛ̃ɛi à ba inya kumá do kumà, do laakai iyi í jɛ dimi akã do ti iwɛ̃ jiida ŋa. Na ŋɔi í jɔ̀ baaɛ ilaalu Nebukanɛsaa í soo í jɛ inɛ ngboi woo ce alisi ŋa do woo ce dobu dobu ŋa do inɛi Kaladee ŋa do inɛ ŋa iyi à ya mà yaasei leleaɔ̃ ŋa.

Daniɛli 5:7

Ŋɔi í dɔ̃ anu do gbugbã, nɔ í na wooda í ni a kpea nŋu woo ce dobu dobu ŋau wa do inɛi Kaladee ŋau do woo mà yaasei leleaɔ̃ ŋau. [Waati iyi woo mà ŋau à to wa,] nɔ í sɔ̃ ŋa í ni, inɛ baa yooma iyi í yɔkɔ í cio kukɔu ihɛ̃, nɔ í tusɛɛm yaaseɛ, ibɔ kusĩa ŋai an daa si, nɔ n daa si sabai wura si kɔ̃ɔɛ, nɔ inya mɛɛtasia si bommau, titɛɛi á jɛ.