Daniɛli 4:5 - Bibeli do fee

⁵ Hee do ankãanyii Daniɛli nŋu iyi à ya nyi a kpe Bɛlitasaa má si yaasei kukpei iwɛ̃m í na í naa bi titom. Daniɛliu inɛ nŋu njɛ í nɛ iwɛ̃ jiida ŋa. Ŋɔi ǹ sisiaa alau.

Daniɛli 4:5 Iomraidhean Croise

Kusintii Andunya 41:1

Iyi í ce bɛi adɔ̃ minji ŋɔi Faraɔ̃ takaɛ í ce ala. Í yɛ wee nŋu í wa kɔkɔi ido iyi à ya kpe Nili.

Daniɛli 1:7

Ŋɔi inɛ ngboi akawe nla ŋau í na ŋa iri titɔ̃ mmuɛ ŋa. Ti Daniɛlii í jɛ Bɛlitasaa, Hanania mɔi í jɛ Sadaaki, Mikaɛli mɔi í jɛ Mesaaki, Azaria mɔi í jɛ Abɛdi-Nego.

Daniɛli 2:1

Nebukanɛsaa í ce ala si adɔ̃ minjisiai bomma ku jɛɛ. Alau í jɔ̀ í biti ntɔ ntɔ hee njoo í nya siɛ.

Daniɛli 2:3

Ŋɔi ilaaluu í sɔ̃ ŋa í ni, alai ǹ ce, nɔ alau í jɔ̀ ǹ biti ntɔ ntɔ. Na nŋu, ǹ wa n bi i sisiim yaasei alau ŋa.

Daniɛli 4:10

Mii iyi ǹ nyi ǹ yɛ waati iyi ǹ wa n sũ si antaii daayim má wee. Ǹ yɛ amalekai Ilaaɔ̃ gɔ iyi í jɛ woo degbei andunya í kita wa hai lelei Aɔ̃.

Daniɛli 4:13

Lasabui amanɛ ku jɛɛu á kpaasii, nɔ idɔi mɛɛmui á sãasi. Nɔ bɛɛbɛi á maa wɛɛ hee adɔ̃ mɛɛje.

Daniɛli 4:15

Si anyiɛ nɔ Nebukanɛsaa í ni, to, ala iyi ǹ ce mbɛ amu ilaalu Nebukanɛsaa. Awɔ Bɛlitasaa, tusɛɛm yaasei alam nɔu bɛ wa, domi woo nɛ kumà ŋa iyi à wa si bommam ŋau kãma nŋa kaa yɔkɔ ku tusɛɛm yaaseɛ. Amma awɔ, aa yɔkɔ, domi iwɛ̃ jiida ŋa à wa siɛ.

Daniɛli 4:19

awɔ ilaalu mbɛ. Awɔ iyi ì na ì la nɔ ì nɛ gbugbã, nɔ kulaɛu wa bɔ ku lu lelei Aɔ̃, awɔi gbugbãɛ í bɔ hee si kɔɔ ŋa si andunyau.

Daniɛli 5:10

Iyei ilaaluu í gbɔ anu ku dɔ̃i amaɛ do ti akawe nlaɛ ŋau. Ŋɔi í lɔ wa ile bii à waa ce jingauu nɔ í ni, hunde sisɔ kú jɛ ti ilaalu hee do ajɔ fei. Maà jɔ̀ lasabuɛ ŋau ku da zigiɛ, nɔ i maà jɔ̀ wajuɛ ku kpaasi.

Daniɛli 5:11

Inɛ gɔ í wa si bommaɛ ihɛ̃ iyi í nɛ iwɛ̃ jiida ŋa. Waati iyi baaɛ í wɛɛ si hunde, bi lafɛ̃ɛi à ba inya kumá do kumà, do laakai iyi í jɛ dimi akã do ti iwɛ̃ jiida ŋa. Na ŋɔi í jɔ̀ baaɛ ilaalu Nebukanɛsaa í soo í jɛ inɛ ngboi woo ce alisi ŋa do woo ce dobu dobu ŋa do inɛi Kaladee ŋa do inɛ ŋa iyi à ya mà yaasei leleaɔ̃ ŋa.

Daniɛli 7:1

Si adɔ̃ sintei bommai ku jɛi Bɛlisasaa ilaalui Babilɔni, Daniɛli í ce ala nɔ í yɛ mii nkpɔ nkpɔ. Wa sũi si daayiɛ í bɛi í ce kuyɛu. Si anyiɛ í bɛi í kɔ ala iyi í ceu. Ideu wee.

Daniɛli 7:28

Kɔɔi ideui ihɛ̃ bɛ. Amu Daniɛli ideu í mum njo ntɔ ntɔ hee do si lasabum ŋa fei. Ideu í jɔ̀ wajum fei í baa í kpaasi, nɔ ǹ wasi ku lasabu si fei ndɛɛ si idɔm.