Daniɛli 4:4 - Bibeli do fee

⁴ Ŋɔi woo ce alisi ŋa do woo ce dobu dobu ŋa do inɛi Kaladee ŋa do woo mà yaasei leleaɔ̃ ŋa, aŋa fei à tɔtɔɔ wa, nɔ ǹ sisi nŋa alam nɔu. Amma a kù yɔkɔ a kù tusɛɛm yaaseɛ.

Daniɛli 4:4 Iomraidhean Croise

Ezai 56:12

À ya fɔi a maa ni, i naa wa ŋa kaa dɛdɛ atɛ̃ vɛ̃ɛ nɔ ka mɔ atɛ̃ iyi í nɛ gbugbã. Nɔ ala má, bɛɛbɛi aa ka ce, domi nkpɔ nkpɔi í gbe iyi aa ka mɔ má.

Zeremi 48:11

Moabu í wɛɛi wo sɛ̃ɛ hai waatii awaasũɛ. Wa sĩmiɛi bɛi fokoi inyi. A kù sindaɛ bɛi à ya sinda ngɔgɔ hai si kaale. Nɔ inɛ kãma kù mu kù nɛòɛ ilɛ mmu gɔ. Didɔ̃ɛ do inunuɛ kãma kù kpaasi.

Ezekiɛli 28:17

Kusĩaɛ í jɔ̀ ì baa ì jɛ ilu faau. Nɔ waju ku bɔi kuwɛɛɛi í jɔ̀ i kù nɛ yaase má. An kɛkɛɛ ilɛi nɔ i baa i jɛ yaakoi ilaalu mmu ŋa.

Ezekiɛli 29:3

Aa sɔ̃ɔi i ni amu Aɔ̃ Lafɛ̃ɛ ǹ ni an naa si nŋu Faraɔ̃ ilaalui Ezibitiu, nŋu iyi í yɛi bɛi annyɛi nla nɔ wa sũ si aninii ido nlai Niliu nɔ wa ni idoi Niliu nŋui í nɔɔ, domi nŋui í coo.

Daniɛli 2:11

Ilaalu, mii iyi ì waa beeu bɛ, í gaabu ntɔ ntɔ. Inɛ kãma kaa yɔkɔ ku jɛɛ ideu bɛ, í gbe iwɛ̃ ŋa aŋa akã, amma wee ngu ŋa a kù wa si inɔi inɛi andunya ŋa ihɛ̃.

Daniɛli 4:19

awɔ ilaalu mbɛ. Awɔ iyi ì na ì la nɔ ì nɛ gbugbã, nɔ kulaɛu wa bɔ ku lu lelei Aɔ̃, awɔi gbugbãɛ í bɔ hee si kɔɔ ŋa si andunyau.

Daniɛli 5:8

Ŋɔi woo mà ŋau fei à lɔ wa, amma a kù yɔkɔ a kù cio kukɔu hee má jɛ a tusɛɛa ilaaluu yaaseɛ.

Sofoni 1:12

Waati bɛɛbɛ, an wusɛ ilui Zeruzalɛmui do fitila ŋa, nɔ n kpã inɛ ŋa iyi à wɛɛ sɛ̃ɛ ŋau iju, aŋa iyi à fɔ à waa ni, Aɔ̃ Lafɛ̃ɛ ci ya ce jiida, ci ya nɔ ku ce laalɔ.