Daniɛli 4:34 - Bibeli do fee

³⁴ Na ŋɔi í jɔ̀ nsɛi bɛbɛi, amu Nebukanɛsaa ǹ wa n cĩ ilaalu iyi í wa lelei Aɔ̃u, ǹ wa n fɔ kulaɛ, nɔ ǹ mà bɛɛrɛɛ. Mii iyi wa ce waati kãma fei, í ya cooi si ntɔ nɔ í ya jɛ dee deei. Nɔ si gbugbãɛ, inɛ ŋa iyi à waa nɛ do faau, á yɔkɔ ku kaye gbugbã nŋa.

Daniɛli 4:34 Iomraidhean Croise

Samuɛli 2, 22:31

Kpãai Ilaaɔ̃ í tɛ. Idei Aɔ̃ Lafɛ̃ɛ í má. Nŋui í jɛ tɛlii inɛ iyi wa manji bi tɛɛ.

Bomma 1, 29:10

Ŋɔi Davidi wa saabu Aɔ̃ Lafɛ̃ɛ si wajui zamaau fei. Davidi wa ni, saabui í jɛ tɛɛ Aɔ̃ Lafɛ̃ɛi Izirɛli, awɔ iyi ì jɛ baa nwa hai tako hee do ajɔ fei.

Bomma 1, 29:13

Aɔ̃ Lafɛ̃ɛ, à waa saabuɛ, nɔ à waa cĩɛ.

Zɔɔbu 1:21

í ni, basĩi iyem í bím wa nɔ basĩi an nyi má. Aɔ̃ Lafɛ̃ɛi í muum, nɔ nŋui í gbaa má. Ka saabu Aɔ̃ Lafɛ̃ɛ.

Iri ku kɔ̃ 10:16

Aɔ̃ Lafɛ̃ɛ í jɛ ilaalu hee do ajɔ fei. Dimi mmu ŋa aa kpa iri si ilɛu.

Iri ku kɔ̃ 102:24

Si kuwɛɛm, í jɔ̀ ǹ kua gbugbã, nɔ í kaye kukpɔi ajɔm ŋa.

Iri ku kɔ̃ 107:15

A saabu Aɔ̃ Lafɛ̃ɛ na jiida ku jɛɛ, do na maamaake ŋa iyi í ce na amanɛ ŋa.

Iri ku kɔ̃ 107:22

A ce kuwee ŋa a saabu Aɔ̃ Lafɛ̃ɛ nɔ a fɔ idei icɛ ŋa iyi í ce do anu ku dɔ̃i inɔ didɔ̃.

Iri ku kɔ̃ 107:31

A saabu Aɔ̃ Lafɛ̃ɛ na jiida ku jɛɛ, do na maamaakeɛ ŋa iyi í ce na amanɛ ŋa.

Iri ku kɔ̃ 107:8

A saabu Aɔ̃ Lafɛ̃ɛ na jiida ku jɛɛ, do na maamaake ŋa iyi í ce na amanɛ ŋa.

Iri ku kɔ̃ 111:7

Icɛi awɔɛ ŋau à jɛ ntɔ nɔ à jɛ dee dee. Nɔ woodaɛ ŋa fei naanɛ í wa sii ntɔ ntɔ.

Iri ku kɔ̃ 121:1

Iri ku kɔ̃i kutɔɔ ku bɔ ku ce. Ǹ wu ijum ŋai ikpa antaii iri kuta ŋa. Hai do ikpa iwoi faabam á naa.

Iri ku kɔ̃ 123:1

Iri ku kɔ̃i kutɔɔ ku bɔ ku ce. Aɔ̃ Lafɛ̃ɛ, ǹ wu iju lele ikpa bi tɛɛ, awɔ iyi ì waa buba lelei Aɔ̃.

Iri ku kɔ̃ 145:13

Bommaɛ, bomma gɔi iyi á maa wɛɛ hee do ajɔ fei. Nɔ gbugbãi bommaɛu á maa wɛɛi hee si tɔku do tɔku ŋa fei. Aɔ̃ Lafɛ̃ɛ, awɔ ilu naanɛi si kuwãɛ ŋa fei. Ì ya nyisi kubiɛi si mii ŋa iyi ì waa ce fei.

Iri ku kɔ̃ 146:10

Aɔ̃ Lafɛ̃ɛ á jɛ bommai hee do ajɔ fei. Siɔ̃ɔ, Aɔ̃ Lafɛ̃ɛɛ á maa wɛɛi si tɔku do tɔku ŋa. I saabu Aɔ̃ Lafɛ̃ɛ ŋa.

Iri ku kɔ̃ 50:14

Saabui í nɛ ku jɛ kuwee iyi aa cea amu Ilaaɔ̃ Lafɛ̃ɛɛ nɔ i kɔ̃ kuwã ŋa iyi ì ce si gãmɛi amu iyi ǹ wa hee lele.

Iri ku kɔ̃ 66:7

Do gbugbãɛui í jɛò bomma hee do ajɔ fei. Wa cɔ inɛi andunya ŋa fei do laakai, ku ba woo kɔ̀ ide ŋa a maà tɔɔ fufu. Kusĩmi.

Iri ku kɔ̃ 7:17

Laalɔɛ í cuku si iriɛ, nɔ inɔ kukãɛ í cuku si ikpoɛ.

Iri ku kɔ̃ 9:2

Aɔ̃ Lafɛ̃ɛ, an saabuɛ do idɔm fei. An sisi mii jiida ŋa iyi ì ce fei.

Iri ku kɔ̃ 92:1

Iriu ihɛ̃ à ya kɔ̃ɔi si ajɔi kusĩmi.

Ezai 13:11

Aɔ̃ Lafɛ̃ɛ í ni, an kpã inɛi andunya ŋa ijui na inɔ kukã nŋa, inɛ laalɔ ŋau mɔ, an kpã ŋa ijui na kurara nŋa ŋa. An leekĩ faaui inɛ ŋa iyi à waa so ara nŋa hee leleui, nɔ n kaye inɛ ŋa iyi faau nŋa í jɔ̀ à waa kpã kpaasi ŋa ijuu.

Ezai 2:11

Waati bɛɛbɛ, inɛ iyi wa cɔ araɛ hee lele, á baaò ijuɛ wa ilɛi. Ilu faau mɔ í nɛ ku gulɛi, domi ajɔ nŋu bɛ, inɛ fei á jɛsi iyi Aɔ̃ Lafɛ̃ɛ nŋu akãi í jɛ inɛ nla.

Ezai 24:15

Na nŋu, iŋɛ inɛi ilɛi nunui daakɔ ŋau mɔ, i jɔ̀ i mà bɛɛrɛi Aɔ̃ Lafɛ̃ɛ ŋa. Iŋɛ iyi ì wa si gũngũm ŋau, i kɔ̃ iri i cĩ Aɔ̃ Lafɛ̃ɛi Izirɛliu ŋa.

Zeremi 10:10

Amma Aɔ̃ Lafɛ̃ɛi í jɛ Ilaaɔ̃ do ntɔ. Nŋui í jɛ ilu hunde, nɔ nŋui í jɛ ilaalu hee do ajɔ fei. Si idɔɔkɔ̃ɛ, ilɛ í ya yayai, nɔ inɛi andunya ŋa à ya kua gbugbãi si idɔɔkɔ̃ɛu.

Kukpata 3:38

Kù jɛ hai si gɛlɛi nŋu Ilaaɔ̃ iyi í wa hee lelei, jiida do laalɔ í ya naa?

Daniɛli 12:7

Ŋɔi inɛ iyi wa dasi jĩnɛ iyi à ce do acɔ ku nɛ sisimau í wu awɔ minjiɛ ŋau fei ikpa lelei Aɔ̃, nɔ í gbasi do irii inɛ iyi í wɛɛ hee do ajɔ feiu í ni, kukpɛi mii ŋau bɛ á cei zakai adɔ̃ mɛɛta do bubu. Nɔ á koo á leekĩi waati iyi gbugbãi inɛi Ilaaɔ̃ ŋau á kpa iri fei mam mam.

Daniɛli 2:44

Si waatii ilaalu ŋau bɛ, Ilaaɔ̃ Lafɛ̃ɛi lele á jilɛ bomma gɔ iyi kaa ce nfe ajɔ kãma, nɔ kaa jɛ arui dimi mmu kãma gɔ má. Bommau á lɛgɛ bomma ŋa iyi à cuaa wa ŋau feii, nɔ ku kpa irii kuwɛɛ nŋa. Bommau á maa wɛɛi hee do ajɔ fei.

Daniɛli 4:2

Idũ ajɔ nŋu gɔ, ǹ wa n sũ si daayim, ŋɔi ǹ ce ala hee í da zigim. Ntɔ ntɔ, lasabu ŋa iyi í naa sim si antaii daayim nɔu, do kuyɛ ŋa iyi ǹ ceu, í jɔ̀ zigim í da jiida jiida.

Daniɛli 4:26

Si waatii iri ku kpai adɔ̃ akã, ŋɔi ilaalu í dede wa dabii si antaii sikifai kabai bommai ilɛi Babilɔniu.

Daniɛli 4:3

Ǹ na woodai ǹ ni a jɔ̀ woo mài Babilɔni ŋau fei a naa wa bi titom ku ba a tusɛɛm yaasei ala iyi ǹ ceu ihɛ̃.

Daniɛli 4:32

Baa do iyi inɛi andunya ŋa à kpɔ fei, a kù to nkãma si wajuɛ. Hunde ŋa iyi à wa lele hee do amanɛ ŋa iyi à wa si ilɛ ihɛ̃, bɛi í bii í ya ce nŋa. Inɛ kãma kù wɛɛ iyi á jɛ ku kɔ̀ ide si wajuɛ, nɔ inɛ kãma kaa jɛ ku beeɛ ku ni, mii ì waa ce bɛ.

Daniɛli 5:18

[Ŋɔi Daniɛli í sɔ̃ɔ í ni,] ilaalu, Ilaaɔ̃ iyi í wa hee leleu í jɔ̀ Nebukanɛsaa baaɛu í jɛ ilaalu nla nla. Í nɛ amboe nɔ í nɛ bɛɛrɛ nla nla.

Daniɛli 5:21

Waati bɛɛbɛi à leleɛ hai si inɔi amanɛ ŋa, nɔ lasabuɛ í baa í yɛ bɛi ti mɛɛmu ŋa, nɔ í na í koo í nɛ bi kuwaɛi si inɔi sɛnga ŋa. Fɔfɔi à ya naa ku maa ŋɔ bɛi kɛtɛ ŋa, nɔ araɛ í ya le ikpãi hee í koo í to waati iyi í mà iyi Ilaaɔ̃ iyi í wa leleui í jɛ inɛ ngboi bommai amanɛ ŋa, nɔ inɛ iyi í bii í ya jilɛ ku jɛ ilaalu.

Daniɛli 6:26

Si anyiɛ, ilaalu Dariusi í kɔa zamaau fei, do dimi fei, do fee ŋa iyi à wa si andunyau fei. Nɔ í ni, laakai ku sũ nla nla ku wɛɛ do iŋɛ.

Daniɛli 7:14

Inɛ iyi à naaò wau, à naa gbugbã do bɛɛrɛ do yiikoi ilaalu. Nɔ zamaa fei do dimi fei do fee fei à lɔsi icɛ ku ceaa. Gbugbãɛ á maa wɛɛi hee do ajɔ fei, kaa nɛ kɔɔ, nɔ bommaɛ kaa cuku pai.

Daniɛli 7:27

Waati bɛɛbɛ, hai bommau do gbugbãɛ do kulai bomma ŋa iyi à wa si andunyau fei, ti inɛi Ilaaɔ̃ ŋaui á jɛ. Bommau á maa wɛɛi hee do ajɔ fei, nɔ ilu gbugbã ŋau fei aa gbɔ ideɛi nɔ a maa cea icɛ.

Daniɛli 9:14

Awɔ Aɔ̃ Lafɛ̃ɛ ì waa ce laakaii, nɔ ì jɔ̀ laalɔu í naa si wa, domi awɔ Aɔ̃ Lafɛ̃ɛ nwa ì jɛ dee dee si icɛɛ ŋa iyi wa ce fei, nɔ awa a kù de itĩ a kù gbɔ ideɛ.

Zonasi 1:14

Ŋɔi à tɔɔ Aɔ̃ Lafɛ̃ɛ à ni, Aɔ̃ Lafɛ̃ɛ, maà ce nfei kuwɛɛ nwa na irii inɛɛu ihɛ̃. Nɔ i maà jɔ̀ ikui inɛ iyi kù ce nwa nkãmau ihɛ̃ ku jɛ idei iri nwa, domi awɔ Aɔ̃ Lafɛ̃ɛ awɔi ì waa ce bɛi ì bi.

Misee 4:7

An jɔ̀ inɛ ŋa iyi à ba kumɛɛ à waa sukutɛ ŋau, a fita si. Inɛ ŋa iyi à waa jɛ inɛ njoo si ilɛ mmu, an jɔ̀ a baa a jɛ inɛ ŋa iyi ilɛ nŋa í nɛ gbugbã. Nɔ amu Aɔ̃ Lafɛ̃ɛi an jɛ ilaalu nŋa hai waati bɛɛbɛ hee do ajɔ fei si iri kutai Siɔ̃ɔ.

Luku 1:33

Nŋui á jɛ bomma si dimii Zakɔbu do ajɔ fei. Bommaɛ kaa nɛ kɔɔ.

Luku 18:13

Woo gba fiai lɛmpoou mɔ í leekĩ í mu araɛ ikã, kù yɔkɔ kù wu iju lele, í le awɔ si iri í ni, Ilaaɔ̃, ce araarem amu ilu dulum.

Laabaau jiida iyi Zãa í kɔ 5:26

Si bɛi Baaba takaɛ í jɛ irii kuwɛɛ, bɛɛbɛ mɔi í jɔ̀ amu Amaɛ ǹ jɛ.

Wooda ku kɔsi 32:4

Aɔ̃ Lafɛ̃ɛi í jɛ kuta ku nɛ gbugbã iyi wa degbe wa. Mii iyi wa ce fei, í ya cooi dee dee. Ideɛ ŋa iyi í jilɛ fei, si asaiyai í ya jɛ. Ilaaɔ̃ Lafɛ̃ɛ nwa ci ya kpaasi. Ci ya ce laalɔ ajɔ kãma. Waati kãma fei, iyi í jɛ dee dee do iyi í tɛi í ya ce.

Timɔtee 1, 1:17

Ilaaɔ̃ nŋu akãi í jɛ ilaalu hee do ajɔ fei, ci ya ku nɔ a ci ya yɔɔ do iju. Ka saabuɛ nɔ ka mà bɛɛrɛɛ hee do ajɔ fei. Ami.

Timɔtee 1, 6:16

Nŋu akãi í jɛ inɛ iyi ci ya ku. Nɔ í wa si inya kumá iyi inɛ gɔ kaa yɔkɔ ku maai si. Inɛ gɔ kù yɔɔ, nɔ inɛ gɔ kaa yɔkɔ ku yɔɔ mɔm. Nŋui í nɛ bɛɛrɛ do gbugbã iyi ci ya tã. Ami.

Kuyɛi Zãa 10:6

nɔ í gbasi do irii inɛ iyi í wɛɛ hee do ajɔ fei, iyi í taka lele do ilɛ do tenku do mii ndu ŋa ŋa fei. Amalekau í fɔ í ni, waati iyi í gbe kù waa sɔ má,

Kuyɛi Zãa 11:15

Si anyii nŋu, amaleka mɛɛjesiau í fã kãakãakĩɛ. Ŋɔi à gbɔ anu ku dɔ̃ nla nla gɔ ŋa lelei Aɔ̃ à ni, à sindoa Aɔ̃ Lafɛ̃ɛ nwa do inɛ iyi í cicau bommai andunyau, nɔ á jɛ bomma hee do ajɔ fei.

Kuyɛi Zãa 4:10

Waati iyi à waa kɔ̃ iri bɛɛbɛ fei inɛ ngbo kɔnfia do mɛɛ ŋau à ya sɛɛbataa a maa tɔɔɛi. Nɔ à ya bɔ fula nŋa ŋai a jilɔɔ si wajui kitãi bommau a maa ni,

Kuyɛi Zãa 4:9

Ilu hunde ŋau à waa kɔ̃ iri à waa saabu inɛ iyi wa buba si antaii kitãi bommau, nɔ à waa fɔ idei amboeɛ do bɛɛrɛɛ, nŋu iyi í wɛɛ do ajɔ fei.