Daniɛli 4:32 - Bibeli do fee

³² Baa do iyi inɛi andunya ŋa à kpɔ fei, a kù to nkãma si wajuɛ. Hunde ŋa iyi à wa lele hee do amanɛ ŋa iyi à wa si ilɛ ihɛ̃, bɛi í bii í ya ce nŋa. Inɛ kãma kù wɛɛ iyi á jɛ ku kɔ̀ ide si wajuɛ, nɔ inɛ kãma kaa jɛ ku beeɛ ku ni, mii ì waa ce bɛ.

Daniɛli 4:32 Iomraidhean Croise

Bomma 2, 33:13

Í tɔɔ Aɔ̃ Lafɛ̃ɛ má, nɔ Aɔ̃ Lafɛ̃ɛ í gbɔ kutɔɔɛ, nɔ í baaɛ wa Zeruzalɛmu si bommaɛu má. Ŋɔi Manasee í mà iyi Aɔ̃ Lafɛ̃ɛ nŋu akãi í jɛ ntɔ.

Zɔɔbu 42:2

ǹ mà iyi aa yɔkɔ i ce mii fei, nɔ nkãma ci ya ganji mii iyi ì dasi idɔ ku ce.

Zɔɔbu 9:12

Mii iyi í gba do gbugbã, yooi á jɔ̀ ku sindo wa. Yooi á jɛ ku beeɛ ku ni, mii ì waa ce bɛ.

Iri ku kɔ̃ 115:3

Ilaaɔ̃ Lafɛ̃ɛ nwa lelei í wa. Nɔ mii iyi í bi feii í ya ce.

Iri ku kɔ̃ 135:6

Mii iyi Aɔ̃ Lafɛ̃ɛ í bi feii í ya ce si lele do si ilɛ, si inɔ tenku hee do si lɛlɛi tenku fei.

Kufita 8:10

Nɔ à tɔtɔɔ ŋa ikɔ ikɔ. Ŋɔi konkombi í fangaa si ilɛu fei.

Kufita 9:14

domi si tuubau ihɛ̃ an jɔ̀ wahala gɔ ku naa siɛ do si akaweɛ ŋa do si inɛɛ ŋa ku ba ku mà iyi inɛ kãma kù yɛ bɛi amu si andunya fei.

Kufita 9:29

Ŋɔi Moizi í jɛaa í ni, bii ǹ fita hai si iluu an wu awɔm ŋa lele ikpa bi Aɔ̃ Lafɛ̃ɛ n tɔɔɛ. Nɔ kulai ijĩu á leekĩ, kutai ijĩ ŋau mɔ a kaa cuku wa má, ku ba i mà iyi Aɔ̃ Lafɛ̃ɛi í nɛ ilɛu.

Ezai 37:20

Nsɛi bɛbɛi Aɔ̃ Lafɛ̃ɛ, awɔ iyi ì jɛ Aɔ̃ Lafɛ̃ɛ nwa, faaba wa hai si awɔi Senakeribu ku ba bomma ŋa iyi à wa si andunya fei a mà iyi awɔ akãi ì jɛ Aɔ̃ Lafɛ̃ɛ.

Ezai 40:15

Inɛi ilɛ ŋa à yɛi bi Aɔ̃ Lafɛ̃ɛ bɛi inyi iyi í tontoo wa gbakã akã hai si itĩi soo. À yɛi má bɛi kuta wɛwɛɛ akã iyi í wa si pɛrɛntii kiloo iyi à ya wãò mii ŋa. Inɛi gũngũm ŋau à fɛɛi bɛi ilùlù.

Ezai 40:17

Zamaai ilɛu ihɛ̃ fei sãa sãa kù jɛ nkãma si wajuɛ. Bi titɛɛ, bɛɛrɛ nŋa kù re nkãma.

Ezai 45:3

An naɛ amani ŋa iyi a kù waa yɛ ŋau do amani ŋa iyi wa singa ŋau fei. Do yaase bɛɛbɛ, aa mà iyi amui ǹ jɛ Aɔ̃ Lafɛ̃ɛ, nɔ amu takam nii ǹ cicaɛ, amu Aɔ̃ Lafɛ̃ɛi inɛi Izirɛli ŋa.

Zeremi 27:5

Amui ǹ ce ilɛ do amanɛ ŋa do mɛɛmu ŋa iyi à wa si ilɛu do gbugbãm do kumàm, nɔ inɛ iyi ǹ bii ǹ na ilɛu.

Daniɛli 2:21

Nŋui í ya kpaasi waati ŋa do mii ŋa iyi à waa ce fei. Nŋui í ya kɛkɛ ilaalu ŋa, nɔ nŋui í ya nyi ku jilɛ ŋa má. Nŋui í ya muaa ilu laakai ŋa laakai jiida, nɔ nŋui í ya jɔ̀ ilu bisi ŋa a ba kumà.

Daniɛli 4:31

Si iri ku kpai adɔ̃ mɛɛjeu, ŋɔi amu Nebukanɛsaa ǹ wu iju ikpa lelei Aɔ̃, nɔ laakai jiida í baa sim. Ŋɔi ǹ saabu Ilaaɔ̃ nŋu iyi í wa hee lele nɔ kuwɛɛɛ kù nɛ kɔɔu. Ǹ wa n cũu, nɔ ǹ lɔsi ku fɔ idei bɛɛrɛɛ. Ntɔ ntɔ gbugbãi bommaɛ kù nɛ kɔɔ. Nŋui í jɛ ilaalu, nɔ bommaɛ á maa wɛɛi hee do ajɔ fei.

Daniɛli 5:21

Waati bɛɛbɛi à leleɛ hai si inɔi amanɛ ŋa, nɔ lasabuɛ í baa í yɛ bɛi ti mɛɛmu ŋa, nɔ í na í koo í nɛ bi kuwaɛi si inɔi sɛnga ŋa. Fɔfɔi à ya naa ku maa ŋɔ bɛi kɛtɛ ŋa, nɔ araɛ í ya le ikpãi hee í koo í to waati iyi í mà iyi Ilaaɔ̃ iyi í wa leleui í jɛ inɛ ngboi bommai amanɛ ŋa, nɔ inɛ iyi í bii í ya jilɛ ku jɛ ilaalu.

Zozue 4:24

Í ce bɛɛbɛi ku ba inɛi andunya fei ku mà bɛi gbugbãɛ í la í to, nɔ iŋɛ taka nŋɛ i ya maa jirimaɛ ŋa hee do ajɔ fei.