Daniɛli 4:31 - Bibeli do fee

³¹ Si iri ku kpai adɔ̃ mɛɛjeu, ŋɔi amu Nebukanɛsaa ǹ wu iju ikpa lelei Aɔ̃, nɔ laakai jiida í baa sim. Ŋɔi ǹ saabu Ilaaɔ̃ nŋu iyi í wa hee lele nɔ kuwɛɛɛ kù nɛ kɔɔu. Ǹ wa n cũu, nɔ ǹ lɔsi ku fɔ idei bɛɛrɛɛ. Ntɔ ntɔ gbugbãi bommaɛ kù nɛ kɔɔ. Nŋui í jɛ ilaalu, nɔ bommaɛ á maa wɛɛi hee do ajɔ fei.

Daniɛli 4:31 Iomraidhean Croise

Kusintii Andunya 14:18

Ŋɔi Mɛɛkizedɛki ilaalui Salɛmu í naaò pɛ̃ɛ wa do atɛ̃ vɛ̃ɛ. Wee mɔkɔu woo weei Ilaaɔ̃ iyi í re mii feii.

Zɔɔbu 20:23

Idɔɔkɔ̃i Ilaaɔ̃ iyi á naa siɛi, á jɛ sɔndaɛ iyi á jɛ ku yo.

Iri ku kɔ̃ 145:13

Bommaɛ, bomma gɔi iyi á maa wɛɛ hee do ajɔ fei. Nɔ gbugbãi bommaɛu á maa wɛɛi hee si tɔku do tɔku ŋa fei. Aɔ̃ Lafɛ̃ɛ, awɔ ilu naanɛi si kuwãɛ ŋa fei. Ì ya nyisi kubiɛi si mii ŋa iyi ì waa ce fei.

Mɔnda ŋa 29:23

Faaui amanɛi í ya too do anyɔ, amma inɛ iyi í ya kaye araɛ á ba saabu.

Ezai 14:27

Aɔ̃ Lafɛ̃ɛi lele do ilɛi í ce lasabuu bɛ í jilɔɔ. To, yooi á yɔkɔ ku ganjiɛ. Í to awɔɛ wa, yooi á yɔkɔ ku sindaɛ.

Daniɛli 12:7

Ŋɔi inɛ iyi wa dasi jĩnɛ iyi à ce do acɔ ku nɛ sisimau í wu awɔ minjiɛ ŋau fei ikpa lelei Aɔ̃, nɔ í gbasi do irii inɛ iyi í wɛɛ hee do ajɔ feiu í ni, kukpɛi mii ŋau bɛ á cei zakai adɔ̃ mɛɛta do bubu. Nɔ á koo á leekĩi waati iyi gbugbãi inɛi Ilaaɔ̃ ŋau á kpa iri fei mam mam.

Daniɛli 4:24

Na nŋu, ǹ wa n tɔɔɛi i jɛsi ikɔm ilaalu lafɛ̃ɛm i fũsi dulum dɛɛ ŋau awɔ nɔ i ce iyi í jɛ dee dee. Ce araarei ilu are ŋa nɔ i teese laalɔ ŋa iyi ì ceu. Do yaase bɛɛbɛ, á yɔkɔ ku jɛ laakai ku sũɛ á mɔsi.

Daniɛli 4:26

Si waatii iri ku kpai adɔ̃ akã, ŋɔi ilaalu í dede wa dabii si antaii sikifai kabai bommai ilɛi Babilɔniu.

Daniɛli 4:30

Nɔ tengi bɛ gbakã, bɛɛbɛi ideu í ce. À leleɛi í fita hai si inɔi amanɛ ŋa, nɔ fɔfɔi í ya maa ŋɔ bɛi kɛtɛ ŋa. Ikpã í ya naai hai lele ku jɔ̀ araɛ kú cɔ̀. Iriɛ í wu nto ŋai bɛi ntoi kungbã. Nɔ cikãawɔɛ do cikãasɛɛ ŋa mɔ à sɔi bɛi ti yɛi ŋa.

Daniɛli 4:32

Baa do iyi inɛi andunya ŋa à kpɔ fei, a kù to nkãma si wajuɛ. Hunde ŋa iyi à wa lele hee do amanɛ ŋa iyi à wa si ilɛ ihɛ̃, bɛi í bii í ya ce nŋa. Inɛ kãma kù wɛɛ iyi á jɛ ku kɔ̀ ide si wajuɛ, nɔ inɛ kãma kaa jɛ ku beeɛ ku ni, mii ì waa ce bɛ.

Daniɛli 4:34

Na ŋɔi í jɔ̀ nsɛi bɛbɛi, amu Nebukanɛsaa ǹ wa n cĩ ilaalu iyi í wa lelei Aɔ̃u, ǹ wa n fɔ kulaɛ, nɔ ǹ mà bɛɛrɛɛ. Mii iyi wa ce waati kãma fei, í ya cooi si ntɔ nɔ í ya jɛ dee deei. Nɔ si gbugbãɛ, inɛ ŋa iyi à waa nɛ do faau, á yɔkɔ ku kaye gbugbã nŋa.

Daniɛli 5:20

Amma waati iyi í naa í dedeò faau nɔ í lele idɔɛ hee í baa í nɛ yaako ntɔ ntɔ si idɔɛu, à kɛkɛɛ hai si kitãi bommaɛu nɔ í kua bɛɛrɛɛu mɔ.

Daniɛli 5:28

PAASINIU bɛ mɔi í jɛ mii gɔ iyi à kpɛ̃. Aa kpɛ̃a inɛi Mɛɛdi ŋa do inɛi Pɛɛsi ŋa bommaɛui.

Daniɛli 6:27

Si anyii nŋu, nɔ Dariusi í ni má, wooda iyi ǹ wa n jilɛ wee. Si bommam nɔu, inɛ fei í nɛ ku mà bɛɛrɛi Ilaaɔ̃ Lafɛ̃ɛi Daniɛlii nɔ ku ya maa jirimaɛ, domi nŋui í jɛ Ilaaɔ̃ iyi í wɛɛ nɔ á maa wɛɛi hee do ajɔ fei. A kaa ce nfei bommaɛ ajɔ kãma, nɔ gbugbãɛu á maa wɛɛi kaa nɛ kɔɔ.

Matie 3:17

Nɔ à gbɔ ide ku fɔ gɔ wa hai lele í ni, inɛ ihɛ̃i í jɛ Amam. Ǹ buu jiida jiida, siɛi inɔ didɔ̃m fei í ya wa.

Luku 12:20

Amma Ilaaɔ̃ í sɔ̃ɔ í ni, awɔ nnyɛi, idũuyi mɔm aa nya hundeɛ. Sɔɔlui mii ŋa iyi ì ceu bɛ, ti yooi á jɛ.

Laabaau jiida iyi Zãa í kɔ 12:28

Baaba, jɔ̀ bɛɛrɛi awɔ takaɛ ku kɔ̃ɔsi. Iyi Jesu í fɔ bɛɛbɛ ŋɔi à gbɔ ide ku fɔ gɔ wa hai lele í ni, ǹ nɛ bɛɛrɛ tã nɔ an jɔ̀ ku kɔ̃ɔsi má.

Tɛsalonika 1, 5:3

Waati iyi inɛ ŋa à waa ni laakai ku sũ í wɛɛ, zigiida kù wɛɛ má, bɛ gbakã iri ku kpai andunya á boe ŋa bɛi ara kuro í ya ba bãasĩ. A kaa ba bii aa sa a bɔ má.

Kuyɛi Zãa 16:7

Si anyii nŋu, ǹ gbɔ ide ku fɔ gɔ má hai bi kuweeu í ni, ntɔi Aɔ̃ Lafɛ̃ɛ ilu gbugbã fei, kiitiɛ í tɛ í jɛ ntɔ.

Samuɛli 1, 13:14

Amma nsɛi bomma ku jɛi nyaanzeɛ ŋa kaa kpɛ má. Aɔ̃ Lafɛ̃ɛ í cica inɛ mmu gɔ iyi idɔi aŋaò í kò. Nɔ nŋui í jilɛ ku na ku jɛ bommau, si na iyi í jɔ̀ i kù jirima woodai Aɔ̃ Lafɛ̃ɛ.

Samuɛli 1, 15:23

Ntɔ ntɔ, kugaabui Aɔ̃ Lafɛ̃ɛ ku kɔ̀si í yɛi bɛi alisi ku ce, nɔ kugaabui woodaɛ ku donda mɔ í yɛi bɛi iwɛ̃ ku tɔɔ. Si na iyi í jɔ̀ ì kɔ̀si idei Aɔ̃ Lafɛ̃ɛ, nŋu mɔ á kɔ̀siɛ nɔ ku nyaɛ bomma.