Daniɛli 4:3 - Bibeli do fee

³ Ǹ na woodai ǹ ni a jɔ̀ woo mài Babilɔni ŋau fei a naa wa bi titom ku ba a tusɛɛm yaasei ala iyi ǹ ceu ihɛ̃.

Daniɛli 4:3 Iomraidhean Croise

Zɔɔbu 25:2

Ilaaɔ̃ í nɛ gbugbã iyi í to njo. Nŋui í jɔ̀ laakai ku sũ í wa hee lele.

Iri ku kɔ̃ 104:24

Aɔ̃ Lafɛ̃ɛ, icɛɛ ŋa a kù nɛ jia, ì ce fei ndɛɛi do laakai. Ilɛ í kɔ̃i do mii ŋa iyi ì taka.

Iri ku kɔ̃ 105:27

Ŋɔi Aɔ̃ Lafɛ̃ɛ í jɔ̀ à ce mii nla nla ŋa bi inɛi Ezibiti ŋau. À ce maamaake ŋa si ilɛi Kamu.

Iri ku kɔ̃ 145:13

Bommaɛ, bomma gɔi iyi á maa wɛɛ hee do ajɔ fei. Nɔ gbugbãi bommaɛu á maa wɛɛi hee si tɔku do tɔku ŋa fei. Aɔ̃ Lafɛ̃ɛ, awɔ ilu naanɛi si kuwãɛ ŋa fei. Ì ya nyisi kubiɛi si mii ŋa iyi ì waa ce fei.

Iri ku kɔ̃ 66:7

Do gbugbãɛui í jɛò bomma hee do ajɔ fei. Wa cɔ inɛi andunya ŋa fei do laakai, ku ba woo kɔ̀ ide ŋa a maà tɔɔ fufu. Kusĩmi.

Iri ku kɔ̃ 72:18

Saabu ku jɛ ti Aɔ̃ Lafɛ̃ɛi inɛi Izirɛli ŋa. Nŋu akãi í ce maamaake nkpɔ nkpɔ.

Iri ku kɔ̃ 77:19

Si ibai kulai ijĩɛ si fufu nlau, kuŋɔi ijĩ ŋau à má inyai si andunya, nɔ ilɛ í yaya nla nla.

Iri ku kɔ̃ 86:10

Ntɔ ntɔ, awɔ akãi ì jɛ Ilaaɔ̃ iyi í la, nɔ awɔi ì ya ce maamaake ŋa.

Iri ku kɔ̃ 92:5

Aɔ̃ Lafɛ̃ɛ, mii iyi ì ceem, í jɔ̀ ǹ nɛ inɔ didɔ̃. Nɔ do inɔ didɔ̃i an maa n dɔ̃ anu na mii iyi ì ce.

Ezai 25:1

Aɔ̃ Lafɛ̃ɛ, awɔi ì jɛ Aɔ̃ Lafɛ̃ɛm. Awɔi an saabu n maa n fɔ jiida ku jɛɛ, nɔ an kɔ̃ iri n cĩɛ, domi ì ce mii jiida nla nla ŋa iyi ì dasi idɔ i ce hai ku kpɛ ŋau, nɔ à wɛɛi si agbɛ nŋa dim dim.

Ezai 28:29

Kuce dimi bɛɛbɛ mɔ wa naai hai bi Aɔ̃ Lafɛ̃ɛi lele do ilɛ. Lasabui mii ŋa iyi í ce í jilɛ í ya mu inɛ biti. Lasabui mii ŋa ku mà ku ceɛ í la hee í caa.

Ezai 9:7

Aɔ̃ Lafɛ̃ɛ í fɔ si tɔkui Zakɔbu ŋa ide, nɔ ideu í cuku si ŋa aŋa inɛi bommai Izirɛli ŋau.

Zeremi 10:10

Amma Aɔ̃ Lafɛ̃ɛi í jɛ Ilaaɔ̃ do ntɔ. Nŋui í jɛ ilu hunde, nɔ nŋui í jɛ ilaalu hee do ajɔ fei. Si idɔɔkɔ̃ɛ, ilɛ í ya yayai, nɔ inɛi andunya ŋa à ya kua gbugbãi si idɔɔkɔ̃ɛu.

Daniɛli 2:2

Ŋɔi ilaalu í ni a kpe woo mà ŋa wa do woo ce alisi ŋa do woo ce dobu dobu ŋa do inɛi Kaladee ŋa ku ba a naa a sisiaa yaasei alaɛ ŋau. Ŋɔi inɛ ŋau à naa à na à leekĩ si wajuɛ.

Daniɛli 2:44

Si waatii ilaalu ŋau bɛ, Ilaaɔ̃ Lafɛ̃ɛi lele á jilɛ bomma gɔ iyi kaa ce nfe ajɔ kãma, nɔ kaa jɛ arui dimi mmu kãma gɔ má. Bommau á lɛgɛ bomma ŋa iyi à cuaa wa ŋau feii, nɔ ku kpa irii kuwɛɛ nŋa. Bommau á maa wɛɛi hee do ajɔ fei.

Daniɛli 4:17

Ì yɛ jĩi nla nla gɔ iyi í na í nɛ gbugbã ntɔ ntɔ. Jĩi nɔu í gboka hee wa bɔ ku lu lelei Aɔ̃, nɔ inɛi andunya ŋa fei à ba à waa yɔɔ.

Daniɛli 7:14

Inɛ iyi à naaò wau, à naa gbugbã do bɛɛrɛ do yiikoi ilaalu. Nɔ zamaa fei do dimi fei do fee fei à lɔsi icɛ ku ceaa. Gbugbãɛ á maa wɛɛi hee do ajɔ fei, kaa nɛ kɔɔ, nɔ bommaɛ kaa cuku pai.

Daniɛli 7:27

Waati bɛɛbɛ, hai bommau do gbugbãɛ do kulai bomma ŋa iyi à wa si andunyau fei, ti inɛi Ilaaɔ̃ ŋaui á jɛ. Bommau á maa wɛɛi hee do ajɔ fei, nɔ ilu gbugbã ŋau fei aa gbɔ ideɛi nɔ a maa cea icɛ.

Romu 11:33

Irei ì gbɔ bɛi amanii Ilaaɔ̃ do bisiɛ do kumàɛ í la í to. Inɛ gɔ kaa yɔkɔ ku mà yaasei lasabuɛ. Inɛ gɔ mɔ kù nɔ kù wɛɛ iyi á mà kpãaɛ sãa sãa.

Wooda ku kɔsi 4:34

Mà iwɛ̃ gɔ í lasabu baa ajɔ akã nŋu ku naa ku nya inɛi nŋu ŋa wa hai si awɔi mbɛɛ nŋa ŋa do laakai ku cɔ gɔ ŋa do sɛɛda gɔ ŋa do maamaake gɔ ŋa do nyinda gɔ ŋa do igũ do gbugbã nla nla iyi á jɔ̀ njo ku mu inɛ ŋa bɛi Aɔ̃ Lafɛ̃ɛ nŋɛ í ce ilɛi Ezibiti si waju nŋɛ?

Timɔtee 1, 1:17

Ilaaɔ̃ nŋu akãi í jɛ ilaalu hee do ajɔ fei, ci ya ku nɔ a ci ya yɔɔ do iju. Ka saabuɛ nɔ ka mà bɛɛrɛɛ hee do ajɔ fei. Ami.

Ebɛɛ 1:8

Amma Amaɛi wa fãa iyi í ni, awɔi ì jɛ Ilaaɔ̃. Ǹ jilɛ bommaɛ hee do ajɔ fei. Dee dee ku jɛi í jɛ akpai bommaɛ.

Ebɛɛ 2:4

Nɔ Ilaaɔ̃ í ce maamaake ikã ikã fei ku ba gbugbãi sɛɛda nŋau ku kɔ̃ɔsi. Nɔ í cea inɛ ŋa amua ikã ikãi Hundeɛ si bɛi í bi.

Piɛɛ 1, 4:11

Inɛ iyi wa waazo, ku fɔ idei Ilaaɔ̃. Inɛ mɔ iyi wa cea inɛ gɔ icɛ ku coo do gbugbã iyi Ilaaɔ̃ í muaa ku ba si mii fei amboei ku jɛ ti Ilaaɔ̃ do saabui Jesu Kirisi, nŋu iyi í nɛ amboe do gbugbã hee do ajɔ fei. Ami.

Kuyɛi Zãa 11:15

Si anyii nŋu, amaleka mɛɛjesiau í fã kãakãakĩɛ. Ŋɔi à gbɔ anu ku dɔ̃ nla nla gɔ ŋa lelei Aɔ̃ à ni, à sindoa Aɔ̃ Lafɛ̃ɛ nwa do inɛ iyi í cicau bommai andunyau, nɔ á jɛ bomma hee do ajɔ fei.