Daniɛli 4:29 - Bibeli do fee

²⁹ Aa leleɛ i fitai hai si inɔi amanɛ ŋa i koo i maa wa si inɔi mɛɛmui sako ŋa, nɔ fɔfɔi aa ya maa ŋɔ bɛi kɛtɛ ŋa. Nɔ bɛɛbɛi aa maa wɛɛ hee ku bɔ adɔ̃ mɛɛje, hee koo to bii aa mà iyi Ilaaɔ̃ iyi í wa leleui í jɛ Lafɛ̃ɛi bommai amanɛ ŋa, nɔ inɛ iyi í bii í ya na.

Daniɛli 4:29 Iomraidhean Croise

Kusintii Andunya 6:3

Ŋɔi Aɔ̃ Lafɛ̃ɛ í ni, hundem kaa maa wa si amanɛ do ajɔ fei domi amanɛ ilu arai nɔ kukpɔi adɔ̃ɛ kaa re adɔ̃ cifa (120).

Woo lasabu 8:11

Si bɛi a ci ya kpã woo ce laalɔ ŋa iju gbãa gbãa, ŋɔi í jɔ̀ amanɛ ŋa à ya maa bi laalɔ ku ce.

Daniɛli 4:14

Idei ijuukpã iyi à fɔ à jilɛu bɛ, amalekai Ilaaɔ̃ ŋa, aŋa iyi à jɛ woo degbe andunyau, aŋai à jɔ̀ à gbɔɔ. Do yaase bɛɛbɛ, ilu hunde baa yooma fei á mà iyi Ilaaɔ̃ nŋu iyi í wa hee lelei í jɛ lafɛ̃ɛi bommai amanɛ ŋa. Nɔ inɛ iyi í bii í ya na. Nɔ á yɔkɔ ku soo mɔm ku na baa inɛ iyi inɛ ŋa a kù waa saalu.

Daniɛli 4:22

Aa leleɛi hai si inɔi amanɛ ŋa, nɔ aa koo i wai si inɔi mɛɛmui sako ŋa. Fɔfɔi aa ya maa jɛ bɛi kɛtɛ ŋa. Ikpãi á ya maa tontoo siɛ wa hai lele, nɔ bɛɛbɛi aa maa wɛɛ hee ku bɔ adɔ̃ mɛɛje. Bii adɔ̃ mɛɛjeu bɛ í koo í tã, aa mà iyi Ilaaɔ̃ iyi í wa leleui í jɛ Lafɛ̃ɛi bommai amanɛ ŋa, nɔ bommau nŋui í ya na inɛ iyi í bi.

Daniɛli 4:30

Nɔ tengi bɛ gbakã, bɛɛbɛi ideu í ce. À leleɛi í fita hai si inɔi amanɛ ŋa, nɔ fɔfɔi í ya maa ŋɔ bɛi kɛtɛ ŋa. Ikpã í ya naai hai lele ku jɔ̀ araɛ kú cɔ̀. Iriɛ í wu nto ŋai bɛi ntoi kungbã. Nɔ cikãawɔɛ do cikãasɛɛ ŋa mɔ à sɔi bɛi ti yɛi ŋa.

Piɛɛ 1, 3:20

inɛ ŋa iyi a kù tako a kù waa jirima Ilaaɔ̃ si waati iyi í temuaò ŋa hee Nowee í koo í ceò akɔi inyiu í tã. Inɛ ŋa iyi à lɔ si akɔi inyiu a kù kpɔ, a kù re aŋa mɛɛjɔ, nɔ à ba faaba hai si inɔ inyi nlau.

Piɛɛ 2, 3:15

I doo temuai Lafɛ̃ɛ nwa bɛi kpãai faaba nŋɛ, si bɛi Pɔlu baakɔɔ nwa í kɔ nŋɛ do bisi iyi Ilaaɔ̃ í muaa.

Kuyɛi Zãa 2:21

Ǹ muaa waati ku kpaasi idɔɛ, amma kù bi ku jɔ̀ sakara ku ceɛ.