Daniɛli 4:27 - Bibeli do fee

²⁷ Nɔ í fɔ wa ni, iluu ihɛ̃ ilu nla iyi ǹ ma si ilɛi Babilɔnii kú jɛ bi kuwai kabai bommam. Ǹ maai na saabui gbugbã nlam ku ba n nyisi zaka bɛi kulai bɛɛrɛm í to.

Daniɛli 4:27 Iomraidhean Croise

Ilaalu 1, 21:29

ì yɛ bɛi Akabu í kaye araɛ si wajum? Na nŋu, n kaa n jɔ̀ laalɔu ku naa si waatii kuwɛɛɛ, si waatii kuwɛɛi amaɛi an jɔ̀ laalɔu ku naa si kpasɛ̃ɛ.

Iri ku kɔ̃ 119:46

An fɔ ideɛ ŋai bi ilaalu ŋa, n kaa n ce anyɔ.

Mɔnda ŋa 11:2

Bii faau í wa, bɛ mɔi anyɔ í ya wa, amma laakai í ya wa bi woo kaye ara ŋa.

Mɔnda ŋa 16:6

Si jiida ku jɛ do si ntɔi à ya kpaò idei kurara, nɔ bɛɛrɛi Aɔ̃ Lafɛ̃ɛ ku mài í ya jɔ̀ amanɛ ku saa laalɔ.

Mɔnda ŋa 28:13

Inɛ iyi wa singa kuraraɛ ŋa ci ya bɔ waju, amma inɛ iyi í ce tuubai kuraraɛ nɔ í jɔ̀ɔ à ya ce araareɛi.

Ezai 10:13

Nŋui í ya fɔ ku maa ni, mii iyi ǹ ce fei, ǹ cooi do gbugbãi amu takam, do kumà ku cem, domi amui ǹ nɛ bisi ǹ re. Amui ǹ tale kɔɔi ilɛ ŋa, nɔ amui ǹ ko amani nŋa ŋa. Ǹ cei bɛi ilu gbugbã ǹ jɔ̀ à kita amanlu ŋa si bomma.

Ezai 47:10

Ì dasi naanɛɛ feii si gbugbãi ilu kukuɛ ŋa. Nɔ ì ya fɔ si idɔɛ i maa ni, inɛ kãma kù waa yɛm. Si lasabuɛ, ì waa tamaa bɛi ì mà ku ce nɔ ì waa tamaa iyi ì nɛ bisi. Mii nŋu ŋau bɛi à jɔ̀ iriɛ í sinda nɔ à jɔ̀ ì waa ni, n kù nɛ saa. Baai amu baasi, inɛ gɔ kù wɛɛ má.

Ezai 47:8

Na nŋu, sotĩ i gbɔ bɛbɛi, awɔ kpaasii woo bi faayi ŋa. Ì bubai wo si laakai, nɔ ì fɔ ì waa ni, amu n kù nɛ saa. Ajɔ kãma, n kaa n jɛ jaaɔ̃, nɔ n kaa n kua amam ŋa mɔ.

Zeremi 29:7

I dɛdɛ bɛi ilu bii ǹ jɔ̀ ì koo ì wa ŋau á ce ku nɛ laakai ku sũ, nɔ i tɔɔ Aɔ̃ Lafɛ̃ɛ na irii iluu ŋa, domi laakai ku sũi iluui á jɛ laakai ku sũi iŋɛ mɔ.

Zeremi 38:20

Ŋɔi Zeremi í jɛa í ni, aawo, a kaa soɛ a da nŋa si awɔ. Sotĩ i gbɔ ide iyi Aɔ̃ Lafɛ̃ɛ wa sɔ̃ɛ si ide iyi ǹ wa n fɔ. Aa fita si mbɛ nɔ i wɛɛ si hunde nkãma kaa ceɛ.

Ezekiɛli 18:7

Inɛɛu ci ya takii inɛ ŋa, nɔ tɔɔma iyi í gba, í ya sindoi. Ci ya ce ile. Inɛ iyi ari wa kpa, í ya muaa sɔndai. Inɛ iyi í wɛɛ basĩ, í ya muaa jĩnɛi.

Ezekiɛli 29:3

Aa sɔ̃ɔi i ni amu Aɔ̃ Lafɛ̃ɛ ǹ ni an naa si nŋu Faraɔ̃ ilaalui Ezibitiu, nŋu iyi í yɛi bɛi annyɛi nla nɔ wa sũ si aninii ido nlai Niliu nɔ wa ni idoi Niliu nŋui í nɔɔ, domi nŋui í coo.

Ezekiɛli 29:9

Ilɛi Ezibitiu á kpɔò bommai nɔ inɛ fei á mà iyi amui ǹ jɛ Aɔ̃ Lafɛ̃ɛ. Í ni idoi Niliu nŋui í nɔɔ, domi nŋui í coo.

Zoɛli 2:14

Á yɔkɔ ku jɛ Aɔ̃ Lafɛ̃ɛ á kpaasi lasabuɛ, nɔ ku jɔ̀ jiida ku jɛɛ ku naa si ŋɛ. Waati bɛɛbɛ, aa yɔkɔ i naaò kuweei iyafũ do ti vɛ̃ɛ wa ŋa.

Amɔsu 6:13

Inɔ didɔ̃i igũ iyi ì jɛ si ilui Lo-Dabaai ì waa kpɛ̃ ŋa. Nɔ ì fɔ ì waa ni ŋa, na saabui gbugbã nwai à kãmiaò ilui Kanaimu.

Zonasi 3:9

Á yɔkɔ ku jɛ Ilaaɔ̃ á kpaasi idɔ, nɔ idɔɔkɔ̃ɛ á sũ kaa ce nfe nwa má.

Abakuku 1:11

Inɛ laalɔ ŋau à ya lɔi bɛi fufu nla nla. Gbugbã nŋai à waa kaaba, nŋui í jɛ bɛi iwɛ̃ nŋa.

Sofoni 2:15

Bɛi ilui Ninivu iyi í tako wa kaaba araɛ nɔ í wɛɛò laakai ku sũu á na ku jɛ mbɛ. Inɛɛ ŋa à ya fɔ wo a maa ni, inɛ kãma kù yɛ bɛi awa. To, nsɛi bɛirei. Iluu wee à lɛgɛɛ, nɔ í baa í jɛ bi kuwai mɛɛmu ŋa. Inɛ ŋa iyi à waa lɔ kɔkɔɛ bɛbɛi fei, à ya maa fã fooi na ideu iyi í tosi ŋa nɔ a maa gbugbã iri.

Matie 3:8

Na nŋu, i ce kookoosu jiida i nyisiò iyi ì kpaasi idɔ ŋa.

Luku 11:41

Í sĩa i na ilu are ŋa mii iyi í wa si inɔ jɛɛ do kɔɔfu, nɔ mii fei á má nŋɛ.

Woo bɛ ŋa 24:25

Amma si bɛi Pɔlu wa sisi nŋa idei dee dee ku jɛ do idei ara ku mu do kiiti iyi wa naa, zigii Felisi í da nɔ í ni, aa yɔkɔ i nɛ titã. Bii ǹ ba faya an kpeɛ má.

Woo bɛ ŋa 26:20

Sinte titã ǹ ce waazo Damasi, si anyiɛ nɔ ǹ ce Zeruzalɛmu do si ilɛi Zudee fei do bi dimi mmu ŋa. Ǹ sɔ̃ ŋa ǹ ni a kpaasi idɔ a sinda si Ilaaɔ̃, nɔ a ce icɛ iyi á jɔ̀ a yɛ si ŋa iyi à kpaasi idɔ.

Woo bɛ ŋa 8:22

Na nŋu, sinda idɔɛ hai si laalɔ ku ceɛ, nɔ i tɔɔ Ilaaɔ̃ ku ceɛ suurui lasabu laalɔ ku ceɛ bii á ce.

Kɔrɛnti 2, 5:11

Ilaaɔ̃ í mà wa sãa sãa, nɔ bɛɛbɛ mɔi ǹ tamaa iŋɛ taka nŋɛ ì mà wa ŋa. À waa dɛ ka kãmia inɛ ŋai si na iyi í jɔ̀ à mà bɛɛrɛi Lafɛ̃ɛ.

Galati 5:13

Iŋɛ inɛm ŋa, à kpe ŋɛi i na i nɛ ara nŋɛ. Do nŋu fei, i maà jɔ̀ ara ku nɛ nŋɛ ku mua daai iŋɛ taka nŋɛ kpãa i ceò idɔɔbii ara nŋɛ. Amma i ya maa sobi njɛ do kubi ŋa,

Galati 5:22

Amma mii iyi Hundei Ilaaɔ̃ í ya bí, nŋui í jɛ kubi, do inɔ didɔ̃, do laakai ku sũ, do temua, do jiida ku jɛ, do inɔ akã, do naanɛ,

Galati 5:6

Ntɔ ntɔ, bii à nɛ anu akã do Jesu Kirisi, à ce bango, a kù ce bango, kù jɛ ide kãma. Ide iyi í nɛ amboe í re nŋui í jɛ naanɛ ku dasi iyi wa ce icɛ do kubi.

Efɛɛzu 4:28

Inɛ iyi í ya ce ile wo, ku maà ce ile má, amma ku ya ce icɛ do awɔɛ. Bɛɛbɛi á ba mii jiida ŋa iyi á sobiò ilu are ŋa.

Wooda ku kɔsi 24:13

Bii inunu í lɔ, í nɛ ku sindoa lafɛ̃ɛ ndɛɛi ku ba ku bii nɔ ku weea, nɔ Aɔ̃ Lafɛ̃ɛ á yɔɔ iyi mii jiidai í ce.

Wooda ku kɔsi 32:27

Amma n kù bi mbɛɛ nŋa ŋa a na a maa yaakom, domi aa na a maa lasabu bɛi igũ ku jɛu wa naai hai si aŋa taka nŋa. Aa maa tamaa bɛi n kù nɛ si baa kãmai.

Wooda ku kɔsi 8:17

I ce laakai i maà na i fɔ si idɔ nŋɛ i ni, si gbugbã nwa do kookaai nwai à baò amani ŋau ihɛ̃.

Piɛɛ 1, 4:8

Iyi í re fei ndɛɛ, nŋui í jɛ i ce kookaai i bi njɛ ŋa, domi kubi í ya bii kurara nkpɔ.