Daniɛli 4:22 - Bibeli do fee

²² Aa leleɛi hai si inɔi amanɛ ŋa, nɔ aa koo i wai si inɔi mɛɛmui sako ŋa. Fɔfɔi aa ya maa jɛ bɛi kɛtɛ ŋa. Ikpãi á ya maa tontoo siɛ wa hai lele, nɔ bɛɛbɛi aa maa wɛɛ hee ku bɔ adɔ̃ mɛɛje. Bii adɔ̃ mɛɛjeu bɛ í koo í tã, aa mà iyi Ilaaɔ̃ iyi í wa leleui í jɛ Lafɛ̃ɛi bommai amanɛ ŋa, nɔ bommau nŋui í ya na inɛ iyi í bi.

Daniɛli 4:22 Iomraidhean Croise

Kusintii Andunya 28:12

Ŋɔi í laala í yɛ wee akpaa gɔ wa leekĩ ilɛ nɔ í koo í kã hee lelei Aɔ̃. Nɔ í yɛ amalekai Ilaaɔ̃ ŋa à gũ à wasi ku kita si akpaau.

Samuɛli 2, 12:7

Ŋɔi Natãa í sɔ̃ Davidi í ni, awɔi ì jɛ inɛɛu bɛ. Aɔ̃ Lafɛ̃ɛi inɛi Izirɛli ŋa í ni, amui ǹ cicaɛ ì jɛ ilaalui Izirɛli, nɔ ǹ faabaɛ hai si awɔi Saulu.

Bomma 2, 28:9

Wee walii gɔ í wa si iluu bɛ à ya kpoo Odɛdi. Ŋɔi í koo í ko sooge ŋa iyi à waa baa Samariu nɔ í sɔ̃ ŋa í ni, idɔɔkɔ̃i Aɔ̃ Lafɛ̃ɛi bala nŋɛ ŋa í dede si inɛi Zudaa ŋau. Na nŋu, í so ŋa í da nŋɛ si awɔ. Nɔ iŋɛ ì kpa ŋa i kù ce araare nŋa ŋa hee anu ku dɔ̃ nŋɛ í to hee lelei Aɔ̃.

Iri ku kɔ̃ 108:4

Aɔ̃ Lafɛ̃ɛ, an maa n cĩɛi si inɔi inɛi ilɛ ŋa nɔ n kɔ̃ iri n maa n saabuɛ si inɔi inɛi andunya ŋa,

Iri ku kɔ̃ 36:5

Bii wa sũ, laalɔi í ya maa lasabu si. Kpãa iyi kù sĩai í ya maa too nɔ ci ya fũsi laalɔ ku ce awɔ.

Zeremi 27:5

Amui ǹ ce ilɛ do amanɛ ŋa do mɛɛmu ŋa iyi à wa si ilɛu do gbugbãm do kumàm, nɔ inɛ iyi ǹ bii ǹ na ilɛu.

Ezekiɛli 17:3

Sɔ̃ ŋa i ni amu Aɔ̃ Lafɛ̃ɛi ǹ ni i sɔ̃ ŋa iyi kungbã nla iyi í nɛ ikpa sisɔ do nto sisɔ ku nɛ ila ikã ikãu, í bɔ hee Libãa nɔ í gũ iri kutaɛ ŋau í koo í cɛ imɔi jĩi ndii sɛɛdi wa.

Daniɛli 2:21

Nŋui í ya kpaasi waati ŋa do mii ŋa iyi à waa ce fei. Nŋui í ya kɛkɛ ilaalu ŋa, nɔ nŋui í ya nyi ku jilɛ ŋa má. Nŋui í ya muaa ilu laakai ŋa laakai jiida, nɔ nŋui í ya jɔ̀ ilu bisi ŋa a ba kumà.

Daniɛli 4:11

Amalekau í wasi ku dɔ̃ anu do gbugbã wa ni, i da jĩi nɔu bɛ nɔ i kɔta amaawɔɛ ŋa. I wɔ wuaɛ ŋau nɔ i fangaa isoɛ ŋau ŋa. Mɛɛmui sako ŋau a sa hai si abɛɛ, nɔ yɛi ŋau mɔ a fo hai si amaawɔɛ ŋau a nɛ.

Daniɛli 4:21

Ilaalu lafɛ̃ɛm, Ilaaɔ̃ iyi í wa leleu í nɛ lasabu iyi í ce í jilɛi na iriɛ. Lasabuu wee.

Daniɛli 4:29

Aa leleɛ i fitai hai si inɔi amanɛ ŋa i koo i maa wa si inɔi mɛɛmui sako ŋa, nɔ fɔfɔi aa ya maa ŋɔ bɛi kɛtɛ ŋa. Nɔ bɛɛbɛi aa maa wɛɛ hee ku bɔ adɔ̃ mɛɛje, hee koo to bii aa mà iyi Ilaaɔ̃ iyi í wa leleui í jɛ Lafɛ̃ɛi bommai amanɛ ŋa, nɔ inɛ iyi í bii í ya na.

Kuyɛi Zãa 18:5

domi dulum dɛɛu í kã hee lele, nɔ Ilaaɔ̃ kù gbɛjɛ laalɔ ŋa iyi í ce.