Daniɛli 4:21 - Bibeli do fee

²¹ Ilaalu lafɛ̃ɛm, Ilaaɔ̃ iyi í wa leleu í nɛ lasabu iyi í ce í jilɛi na iriɛ. Lasabuu wee.

Daniɛli 4:21 Iomraidhean Croise

Iri ku kɔ̃ 104:17

Si bɛi yɛi ŋa à ya ce bi kuwa nŋa. Si jĩi ndii sipɛrɛɛsi ŋai tilongo í ya ce bi kuwaɛ.

Ezekiɛli 17:23

An koo n lɔɔi si iri kuta iyi í gboka í re si ilɛi Izirɛliu. Á yɔ amaawɔ ŋa, á so iso, á ce jĩi ndii sɛɛdi nla nla. Yɛi dimi ikã ikã feii á ya ce antɛɛ si amaawɔɛ ŋa nɔ aa ya wa si abɛ jĩjĩɛ.

Ezekiɛli 31:6

Yɛi ŋa à ya ce antɛ nŋai si amaawɔɛ ŋa. Si abɛɛi mɛɛmui sako ŋa à ya bí ama nŋa ŋa. Inɛi andunya feii í ya wa abɛɛ na jĩjĩɛ.

Daniɛli 2:38

Nŋui í so amanɛ ŋa do mɛɛmui sako ŋa do yɛi ŋa í daaɛ si awɔ ku ba aŋa fei à maa sũɛ iri ilɛ tengi bii à wa fei. Awɔi ì jɛ iri iyi à ce do wura alalau.

Daniɛli 4:11

Amalekau í wasi ku dɔ̃ anu do gbugbã wa ni, i da jĩi nɔu bɛ nɔ i kɔta amaawɔɛ ŋa. I wɔ wuaɛ ŋau nɔ i fangaa isoɛ ŋau ŋa. Mɛɛmui sako ŋau a sa hai si abɛɛ, nɔ yɛi ŋau mɔ a fo hai si amaawɔɛ ŋau a nɛ.

Daniɛli 4:20

Si anyii nŋu ilaalu, ì nyi ì yɛ amalekai Ilaaɔ̃ iyi í jɛ woo degbei andunyau má wa kita wa hai lelei Aɔ̃, nɔ í ni, i da jĩi nɔu bɛ i kɛkɛɛ ŋa. Amma i jɔ̀ icuɛu ku gbe si ilɛ bɛ do icãɛ ŋau ŋa si inɔ fɔfɔ ŋa inɔ sako bɛ. I kaakoɛ do sesee ŋa do isɔ nkpa ŋa, nɔ ikpã ku ya naa hai lelei Aɔ̃ ku jɔ̀ ku cɔ̀, nɔ fɔfɔ iyi á dedeu ku jɛ sɔndaɛ bɛi mɛɛmui sako ŋa adɔ̃ mɛɛje.

Daniɛli 4:22

Aa leleɛi hai si inɔi amanɛ ŋa, nɔ aa koo i wai si inɔi mɛɛmui sako ŋa. Fɔfɔi aa ya maa jɛ bɛi kɛtɛ ŋa. Ikpãi á ya maa tontoo siɛ wa hai lele, nɔ bɛɛbɛi aa maa wɛɛ hee ku bɔ adɔ̃ mɛɛje. Bii adɔ̃ mɛɛjeu bɛ í koo í tã, aa mà iyi Ilaaɔ̃ iyi í wa leleui í jɛ Lafɛ̃ɛi bommai amanɛ ŋa, nɔ bommau nŋui í ya na inɛ iyi í bi.

Luku 13:19

Í yɛi bɛi ngboi mutaadi iyi inɛ gɔ í so í gbɛ̃ si ilɛɛ. Nɔ í fita í ce jĩi hee yɛi ŋa à ya maa ce antɛ si amaawɔɛ ŋa.