Daniɛli 4:2 - Bibeli do fee

² Idũ ajɔ nŋu gɔ, ǹ wa n sũ si daayim, ŋɔi ǹ ce ala hee í da zigim. Ntɔ ntɔ, lasabu ŋa iyi í naa sim si antaii daayim nɔu, do kuyɛ ŋa iyi ǹ ceu, í jɔ̀ zigim í da jiida jiida.

Daniɛli 4:2 Iomraidhean Croise

Zɔɔbu 7:14

amma waati nŋui ì ya dede idɔm do àla sãmi ŋa, nɔ ì ya jɔ̀ zigim ku da do kuyɛ ŋau.

Iri ku kɔ̃ 51:14

Jɔ̀ n nɛ inɔ didɔ̃ iyi ǹ nɛ wo na faabam nɔ hunde jiidaɛ ku maa sobim.

Iri ku kɔ̃ 65:9

Inɛ ŋa iyi à wa si kɔɔi andunya zigi nŋa wa da na nyindaɛ ŋa. Awɔi ì ya jɔ̀ inɛi nunui daakɔ do inɛi nunui alɛ ŋa fei a maa dɔ̃ anu do inɔ didɔ̃.

Iri ku kɔ̃ 66:16

I naa i gbɔ ŋa, iŋɛ iyi ì waa jirima Aɔ̃ Lafɛ̃ɛ ŋa. An fɔ mii iyi í ceem si kuwɛɛm.

Iri ku kɔ̃ 71:18

Ilaaɔ̃, hee n koo n nɛ ntoi iri fũfũ, maà fũsim awɔ, ku ba n sisia inɛi nsɛi ŋa do inɛ ŋa iyi aa na a naa fei gbugbãɛ.

Daniɛli 2:1

Nebukanɛsaa í ce ala si adɔ̃ minjisiai bomma ku jɛɛ. Alau í jɔ̀ í biti ntɔ ntɔ hee njoo í nya siɛ.

Daniɛli 3:26

Si anyii nŋu, ilaalu Nebukanɛsaa í nɛ í bɔ kɔkɔi andɛ bii à dasi ina nla nlau nɔ í ni, Sadaaki, Mesaaki do Abɛdi-Nego, iŋɛ woo ce icɛi Ilaaɔ̃ iyi í wa leleu, i fita i naa wa. Ŋɔi Sadaaki do Mesaaki do Abɛdi-Nego ŋa à fita wa hai si inɔ inau.

Daniɛli 4:17

Ì yɛ jĩi nla nla gɔ iyi í na í nɛ gbugbã ntɔ ntɔ. Jĩi nɔu í gboka hee wa bɔ ku lu lelei Aɔ̃, nɔ inɛi andunya ŋa fei à ba à waa yɔɔ.

Daniɛli 4:24

Na nŋu, ǹ wa n tɔɔɛi i jɛsi ikɔm ilaalu lafɛ̃ɛm i fũsi dulum dɛɛ ŋau awɔ nɔ i ce iyi í jɛ dee dee. Ce araarei ilu are ŋa nɔ i teese laalɔ ŋa iyi ì ceu. Do yaase bɛɛbɛ, á yɔkɔ ku jɛ laakai ku sũɛ á mɔsi.

Daniɛli 4:25

Ide ŋa iyi Daniɛli í sɔ̃ ilaalu Nebukanɛsaau, fei ndɛɛ í na í baa.

Daniɛli 4:34

Na ŋɔi í jɔ̀ nsɛi bɛbɛi, amu Nebukanɛsaa ǹ wa n cĩ ilaalu iyi í wa lelei Aɔ̃u, ǹ wa n fɔ kulaɛ, nɔ ǹ mà bɛɛrɛɛ. Mii iyi wa ce waati kãma fei, í ya cooi si ntɔ nɔ í ya jɛ dee deei. Nɔ si gbugbãɛ, inɛ ŋa iyi à waa nɛ do faau, á yɔkɔ ku kaye gbugbã nŋa.

Daniɛli 5:18

[Ŋɔi Daniɛli í sɔ̃ɔ í ni,] ilaalu, Ilaaɔ̃ iyi í wa hee leleu í jɔ̀ Nebukanɛsaa baaɛu í jɛ ilaalu nla nla. Í nɛ amboe nɔ í nɛ bɛɛrɛ nla nla.

Daniɛli 6:27

Si anyii nŋu, nɔ Dariusi í ni má, wooda iyi ǹ wa n jilɛ wee. Si bommam nɔu, inɛ fei í nɛ ku mà bɛɛrɛi Ilaaɔ̃ Lafɛ̃ɛi Daniɛlii nɔ ku ya maa jirimaɛ, domi nŋui í jɛ Ilaaɔ̃ iyi í wɛɛ nɔ á maa wɛɛi hee do ajɔ fei. A kaa ce nfei bommaɛ ajɔ kãma, nɔ gbugbãɛu á maa wɛɛi kaa nɛ kɔɔ.

Daniɛli 7:25

Inɛ nŋui á na ku maa fɔaa Ilaaɔ̃ iyi í wa leleu ide sãmi ŋa, nɔ ku jɔ̀ inɛ ŋa iyi à jɛ inɛɛ ŋau a ba wahala. Á nɛ lasabui nŋu ku kpaasi waati ŋa do wooda ŋa, nɔ a so inɛi Ilaaɔ̃ ŋau a daa si awɔ zakai adɔ̃ mɛɛta do bubu.

Laabaau jiida iyi Zãa í kɔ 4:48

Ŋɔi Jesu í jɛaa í ni, iŋɛ i ci ya dasi naanɛ ajɔ kãma ŋa bii kù jɛ ì yɛ nyinda do maamaake gɔ ŋa sisi.

Zozue 7:19

Ŋɔi Zozue í sɔ̃ɔ í ni, kpaasim, jɔ̀ i mà kulai Aɔ̃ Lafɛ̃ɛi inɛi Izirɛli ŋa nɔ i jɔ̀ iriɛ ku nɛ bɛɛrɛ. Sɔ̃m ntɔ nsɛi. Sisiim mii iyi ì ce fei, maà singaam nkãma.