Daniɛli 4:19 - Bibeli do fee

¹⁹ awɔ ilaalu mbɛ. Awɔ iyi ì na ì la nɔ ì nɛ gbugbã, nɔ kulaɛu wa bɔ ku lu lelei Aɔ̃, awɔi gbugbãɛ í bɔ hee si kɔɔ ŋa si andunyau.

Daniɛli 4:19 Iomraidhean Croise

Kusintii Andunya 31:35

Nɔ Rasɛli í sɔ̃ baaɛ í ni, maà mum do. Si bɛi ì mà awa inaabo ŋa, awɔm nii wa mu. Nŋui í jɔ̀ n kaa yɔkɔ n dede. Ŋɔi Labãa í dɛdɛ í gbɛɛji, amma kù yɛ ngɔgɔ.

Kusintii Andunya 32:18

Nɔ í sɔ̃ inɛ sinteu í ni, bii igbãm Esau í naa í koɛ, bii wa beeɛ hai bi inɛ iyi ì waa baa, walakɔ bii ì waa bɔ, bii í ni mɛɛmui yooi ì waa tasi waju bɛ,

Kusintii Andunya 40:12

Ŋɔi Zozɛfu í sɔ̃ɔ í ni, yaasei alaɛu wee. Amaawɔ mɛɛtau ajɔ mɛɛta mbɛ.

Ilaalu 1, 18:7

Si bɛi Abudiasi í dasi kpãa wa nɛ, ŋɔi í koo í ko Elii. Ŋɔi í màa, nɔ í sɛɛbata í ni, awɔi lafɛ̃ɛm Elii?

Kufita 32:32

Ǹ wa n tɔɔɛ i kpa idei dulum du ŋa. Bii kù nɔ kù jɛ bɛɛbɛ, kpa irim si tiaɛ iyi ì kɔ.

Zeremi 29:7

I dɛdɛ bɛi ilu bii ǹ jɔ̀ ì koo ì wa ŋau á ce ku nɛ laakai ku sũ, nɔ i tɔɔ Aɔ̃ Lafɛ̃ɛ na irii iluu ŋa, domi laakai ku sũi iluui á jɛ laakai ku sũi iŋɛ mɔ.

Zeremi 4:19

Inɔm wa dɔ̃m. Ǹ wa n kakaa do ara kuro. Idɔm wa gba hee wa bi ku la. Laakaim nii í dede. N kaa n yɔkɔ n coko. Ǹ gbɔ imui kuu do anu ku dɔ̃i igũ wa.

Daniɛli 1:7

Ŋɔi inɛ ngboi akawe nla ŋau í na ŋa iri titɔ̃ mmuɛ ŋa. Ti Daniɛlii í jɛ Bɛlitasaa, Hanania mɔi í jɛ Sadaaki, Mikaɛli mɔi í jɛ Mesaaki, Azaria mɔi í jɛ Abɛdi-Nego.

Daniɛli 2:26

Ŋɔi ilaaluu í bee Daniɛli nŋu iyi à ya nyi a kpe Bɛlitasaa máu í ni, aa yɔkɔ i sisi ala iyi ǹ ceu nɔ i tusɛɛm yaaseɛ?

Daniɛli 2:37

Ilaalu, awɔi ì la ì re ilaalu ŋa fei. Ilaaɔ̃ Lafɛ̃ɛi leleui í jɔ̀ ì jɛ bomma, nɔ í muuɛ gbugbã do bɛɛrɛ.

Daniɛli 4:24

Na nŋu, ǹ wa n tɔɔɛi i jɛsi ikɔm ilaalu lafɛ̃ɛm i fũsi dulum dɛɛ ŋau awɔ nɔ i ce iyi í jɛ dee dee. Ce araarei ilu are ŋa nɔ i teese laalɔ ŋa iyi ì ceu. Do yaase bɛɛbɛ, á yɔkɔ ku jɛ laakai ku sũɛ á mɔsi.

Daniɛli 5:12

Daniɛliu, hunde iyi í nɛ, í nya ikã. Í mà mii fei ku kiiti nɔ í nɛ kumà. Í mà yaasei ala ŋa mɔ ku tusɛ, nɔ í ya gbɔ yaasei mii ŋa iyi à gaabu fei. Nɔ í ya ba iwɔi ide kugaabu ŋa fei. Daniɛli nŋu iyi baaɛ í sɔ Bɛlitasaau, jɔ̀ a kpoo ku naa wa. [Bii í to wa,] á sisiɛ mii iyi à kɔ si idĩu bɛ.

Daniɛli 5:18

[Ŋɔi Daniɛli í sɔ̃ɔ í ni,] ilaalu, Ilaaɔ̃ iyi í wa hee leleu í jɔ̀ Nebukanɛsaa baaɛu í jɛ ilaalu nla nla. Í nɛ amboe nɔ í nɛ bɛɛrɛ nla nla.

Daniɛli 5:19

Na saabui kula iyi í jɔ̀ í lau, inɛi andunya ŋa fei, do dimi fei, do fee ikã ikã fei à waa ce njoɛ, nɔ à ya maa yaya si wajuɛi. Inɛ iyi í bii í ya kpa, nɔ inɛ iyi í bi mɔi í ya jɔ̀. Inɛ iyi í bii í ya so lele, nɔ inɛ iyi í bii í ya kaye.

Daniɛli 7:15

Ŋɔi amu Daniɛli, ideu í mum biti hee si lɛlɛi idɔm ntɔ ntɔ. Mii iyi ǹ yɛu, í mum njo ntɔ ntɔ.

Daniɛli 7:28

Kɔɔi ideui ihɛ̃ bɛ. Amu Daniɛli ideu í mum njo ntɔ ntɔ hee do si lasabum ŋa fei. Ideu í jɔ̀ wajum fei í baa í kpaasi, nɔ ǹ wasi ku lasabu si fei ndɛɛ si idɔm.

Daniɛli 8:27

Ŋɔi amu Daniɛli, ǹ kua gbugbã ajɔ nkpɔ nkpɔ nɔ ǹ ce bɔ̃ɔ. Si anyiɛ, nɔ ǹ dede ǹ wa n cea ilaalu wũaɛ ŋa. Ǹ cukui hee ilɛ na kuyɛu, domi n kù gbɔ yaaseɛ.

Abakuku 3:10

Iri kuta ŋa à yɛɛ nɔ à waa yaya, ijĩ wa wɔ do gbugbã nɔ í cã wa lɔ, nɔ à waa gbɔ ibai kutãngãm dii tenku iyi wa bɔ hee lele.

Samuɛli 1, 1:15

Ŋɔi Ana í jɛaa í ni, aawo. Atɛ̃ kù waa kpam. Ǹ wɛɛò inɔ kufɔ nlai amma n kù mɔ atɛ̃. Ǹ wa n sɔ̃ Aɔ̃ Lafɛ̃ɛ inɔ kufɔm nii.

Samuɛli 1, 24:8

Ide iyi Davidi í fɔu bɛi í ganji inɛɛ ŋa a kpa Saulu. Ŋɔi Saulu í dede í fita hai inɔ isau nɔ í dasi kpãa wa nɛ.

Samuɛli 1, 26:15

Ŋɔi Davidi í sɔ̃ɔ í ni, i kù jɛ inɛmɔkɔi? Si inɔi soogei ilɛi Izirɛli ŋa, kãma kù jɛ saaɛ. To, bɛirei í ce i kù yɔkɔ i kù degbe ilaalu lafɛ̃ɛɛ. I kù mà iyi inɛ gɔ í naa ku kpaa?

Samuɛli 1, 3:17

Nɔ Elii í ni, ide yoomai Ilaaɔ̃ í baɛ ku fɔ. Sɔ̃m fei sãa sãa. Bii i kù sɔ̃m fei sãa sãa, Ilaaɔ̃ kú kpãɛ iju ntɔ ntɔ.