Daniɛli 4:17 - Bibeli do fee

¹⁷ Ì yɛ jĩi nla nla gɔ iyi í na í nɛ gbugbã ntɔ ntɔ. Jĩi nɔu í gboka hee wa bɔ ku lu lelei Aɔ̃, nɔ inɛi andunya ŋa fei à ba à waa yɔɔ.

Daniɛli 4:17 Iomraidhean Croise

Ilaalu 1, 21:25

Ntɔ ntɔ, inɛ kãma kù wɛɛ iyi í ce mii laalɔ iyi kù dɔ̃a Aɔ̃ Lafɛ̃ɛ si bɛi Akabu, nɔ Zezabɛli aboɛi í tale siɛ.

Bomma 2, 28:22

Baa do iyi Ahazi í wa si wahala ŋau bɛ fei, í kɔ̀ í wasi dulum ku ce bi Aɔ̃ Lafɛ̃ɛ.

Iri ku kɔ̃ 103:19

Aɔ̃ Lafɛ̃ɛ í jilɛ kitãi bommaɛi lelei Aɔ̃, nɔ bommaɛui í wa antaii mii fei.

Iri ku kɔ̃ 12:8

Baa bii inɛ laalɔ ŋa à waa dabii bii fei, nɔ inɛ ŋa à bɛjɛ à waa koo, Aɔ̃ Lafɛ̃ɛ, awɔi aa maa mu awa hai nɛ gbugbã ŋau, nɔ i maa degbe wa si awɔi inɛ laalɔ ŋau bɛ do ajɔ fei.

Iri ku kɔ̃ 9:16

Isɛ mmu ŋa à dasi isa iyi aŋa taka nŋa à tu. Cɛkũm iyi à leu í mu isɛi aŋa taka nŋa.

Kufita 9:16

Amma ǹ jɔ̀ í wɛɛi ku ba ku yɛ gbugbãm nɔ inɛ ŋa a kpe irim si andunya fei.

Ezai 6:3

Ŋɔi à ya dɔ̃ anu a maa jɔ̀a njɛ a maa ni, Aɔ̃ Lafɛ̃ɛi lele do ilɛ, í má, í má, í má, nɔ amboeɛ í kɔ̃ ilɛ fei.

Ezai 6:8

Si anyii nŋu, ŋɔi ǹ gbɔ Aɔ̃ Lafɛ̃ɛ wa ni, yooi an bɛ. Yooi á jɛ inɛ iyi á koo ku fɔ nwa ide. Ŋɔi ǹ jɛaa ǹ ni, ǹ tã sɔɔlu, bɛm.

Ezekiɛli 25:17

Gbese ku sãm do ijuukpã iyi á naa si ŋa á la hee ku caa. Waati iyi á to si ŋa, aa mà iyi amui ǹ jɛ Aɔ̃ Lafɛ̃ɛ.

Ezekiɛli 7:24

An jɔ̀ dimi mmu kugaabu ŋa a naa si ŋa ku ba a gba kpasɛ̃ nŋa ŋa. An leekĩ faaui ilu gbugbã ŋau, nɔ n jɔ̀ ile bi kutɔɔ nŋa ŋau a so riisi.

Daniɛli 11:21

Si anyiɛ, inɛ gɔ iyi a kaa maa saalui á sãsi agbɛɛ. Lafɛ̃ɛ kaa nɛ kpãai a naa gbugbãi bommau. Amma á gba ndɛɛi do kpãa ŋa iyi a kù jɛ dee dee. Á gba bommaui si waati iyi ilɛu í wɛɛò laakai ku sũ.

Daniɛli 2:21

Nŋui í ya kpaasi waati ŋa do mii ŋa iyi à waa ce fei. Nŋui í ya kɛkɛ ilaalu ŋa, nɔ nŋui í ya nyi ku jilɛ ŋa má. Nŋui í ya muaa ilu laakai ŋa laakai jiida, nɔ nŋui í ya jɔ̀ ilu bisi ŋa a ba kumà.

Daniɛli 4:2

Idũ ajɔ nŋu gɔ, ǹ wa n sũ si daayim, ŋɔi ǹ ce ala hee í da zigim. Ntɔ ntɔ, lasabu ŋa iyi í naa sim si antaii daayim nɔu, do kuyɛ ŋa iyi ǹ ceu, í jɔ̀ zigim í da jiida jiida.

Daniɛli 4:25

Ide ŋa iyi Daniɛli í sɔ̃ ilaalu Nebukanɛsaau, fei ndɛɛ í na í baa.

Daniɛli 7:25

Inɛ nŋui á na ku maa fɔaa Ilaaɔ̃ iyi í wa leleu ide sãmi ŋa, nɔ ku jɔ̀ inɛ ŋa iyi à jɛ inɛɛ ŋau a ba wahala. Á nɛ lasabui nŋu ku kpaasi waati ŋa do wooda ŋa, nɔ a so inɛi Ilaaɔ̃ ŋau a daa si awɔ zakai adɔ̃ mɛɛta do bubu.

Romu 13:1

Inɛ fei ku jirima inɛ ngboi ilɛɛ, domi inɛ ngbo kãma kù wɛɛ iyi kù jɛ do kumàsii Ilaaɔ̃. Inɛ ngbo ŋa iyi à wɛɛ fei Ilaaɔ̃i í jilɛ ŋa.

Kɔrɛnti 1, 1:28

Nɔ Ilaaɔ̃ í cica hai nɛ gbugbã ŋa do inɛ ŋa iyi à ya maa donda, iyi a kù jɛ ngɔgɔ si andunya í kayeò inɛ ŋa iyi à waa cɔ ara nŋa bɛi inɛ nla ŋa.

Timɔtee 1, 5:21

Ǹ wa n tɔɔɛ si wajui Ilaaɔ̃ do Jesu Kirisi do si wajui amaleka kumáɛ ŋa, gbɔ idei kukɔsiu ihɛ̃, maà ti i ce njoi ijui inɛ gɔ. Nɔ i maà ti i ce ngɔgɔ na kubii kpaasi.

Kuyɛi Zãa 4:8

Ilu hunde mɛɛ ŋau à nɛ ikpa mɛɛfa mɛɛfa, nɔ à nɛ iju bii fei inɔ do waduude. À ya maa kɔ̃ iri waati kãma fei alɛò daakɔ a maa ni, Kumá, Kumá, Kumá, bɛɛbɛi Aɔ̃ Lafɛ̃ɛ ilu gbugbã fei í jɛ, nŋu iyi í tako í wɛɛ wo, nɔ í wɛɛ baa nsɛi, nɔ wa naa.

Samuɛli 1, 2:8

Awɔi ì ya dede kãma iyi í cuku ilɛ, nɔ ì ya nya ilu are hai si inɔ goo bi ku dikã mii riisi ŋa. Nɔ ì ya jɔ̀ a buba do inɛ nla ŋa, nɔ ì ya jɔ̀ a nɛ bɛɛrɛ. Awɔi ì jilɛ icui ilɛ, nɔ si antaiɛi ì lesi andunya.