Daniɛli 4:16 - Bibeli do fee

¹⁶ Ŋɔi Daniɛli nŋu iyi à ya nyi a kpe Bɛlitasaa máu í biti titã si waati keeke, nɔ zigiɛ í da ntɔ ntɔ. Nɔ ilaalu í so ide má í ni, Bɛlitasaa, maà jɔ̀ alau do kutusɛɛ ku da zigiɛ. Ŋɔi Bɛlitasaa í jɛ í ni, ilaalu lafɛ̃ɛm, í nɛ alau ihɛ̃ kú jɛ ti inɛ ŋa iyi à céɛi, nɔ kutusɛɛ kú jɛ ti mbɛɛɛ ŋa.

Daniɛli 4:16 Iomraidhean Croise

Samuɛli 2, 18:32

Ŋɔi ilaaluu í beeɛ í ni, Abusalɔmu ama awaasũu wa nɛ baani? Nɔ inɛi Etiopiu í jɛaa í ni, mii iyi í ba ama awaasũu bɛ, ku ba mbɛɛi ilaalu ŋau do inɛ ŋa iyi à dede à waa dɛ laalɔɛ fei.

Ezai 6:10

Lele idɔi inɛ ŋau nɔ i dĩ itĩ nŋa ku ba a maà ya gbɔ ide gɔ, bii iju nŋa ku ba a maà ya yɛ ngɔgɔ. Ce nŋa bɛɛbɛ ku ba a maà yɔkɔ a nyi wa bi Aɔ̃ Lafɛ̃ɛ hee a ba faaba.

Daniɛli 11:13

Nɔ ilaalui awɔ njɛi kpãai inunuu á nyi ku tɔtɔɔ wuaai sooge mmuɛ ŋa má a kpɔ a re baa inɛ sinte ŋau. Si anyii adɔ̃ ŋa iyi aa lɔ keeke, á nyi wa má do sooge ŋa nkpɔ nkpɔ, nɔ á naai do jĩnɛi igũ ŋa iyi à nɛ gbugbã ntɔ ntɔ.

Daniɛli 12:7

Ŋɔi inɛ iyi wa dasi jĩnɛ iyi à ce do acɔ ku nɛ sisimau í wu awɔ minjiɛ ŋau fei ikpa lelei Aɔ̃, nɔ í gbasi do irii inɛ iyi í wɛɛ hee do ajɔ feiu í ni, kukpɛi mii ŋau bɛ á cei zakai adɔ̃ mɛɛta do bubu. Nɔ á koo á leekĩi waati iyi gbugbãi inɛi Ilaaɔ̃ ŋau á kpa iri fei mam mam.

Daniɛli 4:23

Wooda iyi wa ni a jɔ̀ icui jĩi nɔu do icãɛ ŋau, yaaseɛi í jɛ iyi bommau á wɛɛi kú maa jɛ titɛɛ waati iyi aa na i mà iyi Ilaaɔ̃ iyi í wa leleui í jɛ Lafɛ̃ɛi inɛ fei.

Daniɛli 4:25

Ide ŋa iyi Daniɛli í sɔ̃ ilaalu Nebukanɛsaau, fei ndɛɛ í na í baa.

Daniɛli 7:25

Inɛ nŋui á na ku maa fɔaa Ilaaɔ̃ iyi í wa leleu ide sãmi ŋa, nɔ ku jɔ̀ inɛ ŋa iyi à jɛ inɛɛ ŋau a ba wahala. Á nɛ lasabui nŋu ku kpaasi waati ŋa do wooda ŋa, nɔ a so inɛi Ilaaɔ̃ ŋau a daa si awɔ zakai adɔ̃ mɛɛta do bubu.

Daniɛli 7:28

Kɔɔi ideui ihɛ̃ bɛ. Amu Daniɛli ideu í mum njo ntɔ ntɔ hee do si lasabum ŋa fei. Ideu í jɔ̀ wajum fei í baa í kpaasi, nɔ ǹ wasi ku lasabu si fei ndɛɛ si idɔm.

Ebɛɛ 1:11

Fei ndɛɛ á ce nfe amma awɔi aa wɛɛ. Lele do ilɛ fei á gboi bɛi ibɔ.

Kuyɛi Zãa 12:14

Amma à na abou ikpa minjii kungbã nla ku ba ku fo ku bɔ ikpa inya iyi Ilaaɔ̃ í ceaa sɔɔluɛu si gbaa bii aa woo adɔ̃ mɛɛta do bubu. Tengi bɛi á jĩò njou.