Daniɛli 4:14 - Bibeli do fee

¹⁴ Idei ijuukpã iyi à fɔ à jilɛu bɛ, amalekai Ilaaɔ̃ ŋa, aŋa iyi à jɛ woo degbe andunyau, aŋai à jɔ̀ à gbɔɔ. Do yaase bɛɛbɛ, ilu hunde baa yooma fei á mà iyi Ilaaɔ̃ nŋu iyi í wa hee lelei í jɛ lafɛ̃ɛi bommai amanɛ ŋa. Nɔ inɛ iyi í bii í ya na. Nɔ á yɔkɔ ku soo mɔm ku na baa inɛ iyi inɛ ŋa a kù waa saalu.

Daniɛli 4:14 Iomraidhean Croise

Zɔɔbu 24:20

Inɛ iyi í bí ŋa í ya gbɛjɛ ide nŋai. Aŋai à ya baa a jɛ ijɛ jiida iyi kokoo ŋa à ya bi ku re. A ci ya ce baa faajii inɛ dimi bɛɛbɛ ŋau. Laalɔ ku ce nŋau í ya kpa irii bɛi jĩi iyi í cuku.

Zeremi 27:5

Amui ǹ ce ilɛ do amanɛ ŋa do mɛɛmu ŋa iyi à wa si ilɛu do gbugbãm do kumàm, nɔ inɛ iyi ǹ bii ǹ na ilɛu.

Zeremi 51:6

I sa i fita hai ilɛi Babilɔni ŋa, nɔ inɛ fei ku saò hundeɛ. I maà jɔ̀ i maa coko ŋa na kuraraɛu, domi waatii gbese ku sãi Aɔ̃ Lafɛ̃ɛ mbɛ. Aɔ̃ Lafɛ̃ɛ á sãa mii iyi í nɛ ku baai.

Zeremi 51:9

À waa bi Babilɔni ku ba irii, amma kù ba iri. Debɛi ka fũsiɛ awɔ, nɔ awa fei ka sa ka nɛ ilɛi ide nwa. Ijuukpãɛu í bɔ hee lelei Aɔ̃, nɔ wa lu kudũi ijĩ ŋa.

Ezekiɛli 31:10

Amu Aɔ̃ Lafɛ̃ɛ ǹ ni, jĩi ndii sɛɛdiu í la, í dede í gboka, wuaɛ ŋa à maai si kudũi ijĩ, nɔ wa so araɛ lele.

Daniɛli 2:21

Nŋui í ya kpaasi waati ŋa do mii ŋa iyi à waa ce fei. Nŋui í ya kɛkɛ ilaalu ŋa, nɔ nŋui í ya nyi ku jilɛ ŋa má. Nŋui í ya muaa ilu laakai ŋa laakai jiida, nɔ nŋui í ya jɔ̀ ilu bisi ŋa a ba kumà.

Daniɛli 3:4

Ŋɔi inɛ iyi í jɛ inɛ ngboi bukiu í dede í dɔ̃ anu do gbugbã í ni, wooda iyi à waa na iŋɛ zamaau fei, do dimi fei, do fee ikã ikã ŋau fei wee.

Daniɛli 4:12

Amma i jɔ̀ icuɛu do icãɛ ŋau si aninii fɔfɔ ŋa inɔ sako bɛ. I dĩ isɔ wɛwɛɛ do isɔ nkpa i kaakoò icuu ŋa. Nɔ ikpãi lele ku jɔ̀ icuu ku cɔ̀, nɔ fɔfɔ iyi á dedeu ku jɛ sɔndaɛ bɛi mɛɛmu ŋa.

Daniɛli 4:23

Wooda iyi wa ni a jɔ̀ icui jĩi nɔu do icãɛ ŋau, yaaseɛi í jɛ iyi bommau á wɛɛi kú maa jɛ titɛɛ waati iyi aa na i mà iyi Ilaaɔ̃ iyi í wa leleui í jɛ Lafɛ̃ɛi inɛ fei.

Daniɛli 4:29

Aa leleɛ i fitai hai si inɔi amanɛ ŋa i koo i maa wa si inɔi mɛɛmui sako ŋa, nɔ fɔfɔi aa ya maa ŋɔ bɛi kɛtɛ ŋa. Nɔ bɛɛbɛi aa maa wɛɛ hee ku bɔ adɔ̃ mɛɛje, hee koo to bii aa mà iyi Ilaaɔ̃ iyi í wa leleui í jɛ Lafɛ̃ɛi bommai amanɛ ŋa, nɔ inɛ iyi í bii í ya na.

Daniɛli 5:20

Amma waati iyi í naa í dedeò faau nɔ í lele idɔɛ hee í baa í nɛ yaako ntɔ ntɔ si idɔɛu, à kɛkɛɛ hai si kitãi bommaɛu nɔ í kua bɛɛrɛɛu mɔ.

Daniɛli 5:21

Waati bɛɛbɛi à leleɛ hai si inɔi amanɛ ŋa, nɔ lasabuɛ í baa í yɛ bɛi ti mɛɛmu ŋa, nɔ í na í koo í nɛ bi kuwaɛi si inɔi sɛnga ŋa. Fɔfɔi à ya naa ku maa ŋɔ bɛi kɛtɛ ŋa, nɔ araɛ í ya le ikpãi hee í koo í to waati iyi í mà iyi Ilaaɔ̃ iyi í wa leleui í jɛ inɛ ngboi bommai amanɛ ŋa, nɔ inɛ iyi í bii í ya jilɛ ku jɛ ilaalu.

Matie 3:10

Wee dagba wa kãsi tã mɔm a daò icui jĩi. Na nŋu, jĩi iyi kù waa so iso jiida fei aa daai a dasi ina.

Matie 7:19

Nɔ jĩi iyi kù waa so iso jiida fei à ya daai a dasi ina.

Luku 3:9

Wee dagba wa kã si jĩi tã mɔm a daò icuɛ. Na nŋu, jĩi iyi kù waa so iso jiida fei aa daai a dasi ina.

Kuyɛi Zãa 10:3

Nɔ í dɔ̃ anu bɛi muusu nla. Iyi í dɔ̃ anu í tã ŋɔi ǹ gbɔ kulai ijĩ tuuba mɛɛje.

Kuyɛi Zãa 18:2

Í dɔ̃ anu í ni, Babilɔni ilu nlau, í cuku, í cuku. Nsɛi í baa í jɛ bi kuwai zĩi ŋa do bi kumanjii inɛi inɔɔko baa yooma fei. Yɛi hai maaju do mɛɛmu hai maaju do mɛɛmu laalɔ ŋa fei à wa bɛ.