Daniɛli 4:13 - Bibeli do fee

¹³ Lasabui amanɛ ku jɛɛu á kpaasii, nɔ idɔi mɛɛmui á sãasi. Nɔ bɛɛbɛi á maa wɛɛ hee adɔ̃ mɛɛje.

Daniɛli 4:13 Iomraidhean Croise

Zɔɔbu 12:24

Nŋui í ya kpa bisii inɛ ngboi ilɛ ŋa nɔ ku jɔ̀ a nyɔ a maa dabii si inɔ gbaa bii kpãa kù wa.

Iri ku kɔ̃ 103:20

I cĩ Aɔ̃ Lafɛ̃ɛ ŋa, iŋɛ amaleka ilu gbugbãɛ ŋa. Iŋɛi ì ya gbɔ ideɛ nɔ i ya ceò icɛ ŋa.

Iri ku kɔ̃ 89:7

Yooi í wa lele iyi aa wãò Aɔ̃ Lafɛ̃ɛ. Si inɔi inɛi lele ŋa, yooi aa wãò Aɔ̃ Lafɛ̃ɛ.

Daniɛli 4:10

Mii iyi ǹ nyi ǹ yɛ waati iyi ǹ wa n sũ si antaii daayim má wee. Ǹ yɛ amalekai Ilaaɔ̃ gɔ iyi í jɛ woo degbei andunya í kita wa hai lelei Aɔ̃.

Daniɛli 4:17

Ì yɛ jĩi nla nla gɔ iyi í na í nɛ gbugbã ntɔ ntɔ. Jĩi nɔu í gboka hee wa bɔ ku lu lelei Aɔ̃, nɔ inɛi andunya ŋa fei à ba à waa yɔɔ.

Daniɛli 4:23

Wooda iyi wa ni a jɔ̀ icui jĩi nɔu do icãɛ ŋau, yaaseɛi í jɛ iyi bommau á wɛɛi kú maa jɛ titɛɛ waati iyi aa na i mà iyi Ilaaɔ̃ iyi í wa leleui í jɛ Lafɛ̃ɛi inɛ fei.

Daniɛli 4:5

Hee do ankãanyii Daniɛli nŋu iyi à ya nyi a kpe Bɛlitasaa má si yaasei kukpei iwɛ̃m í na í naa bi titom. Daniɛliu inɛ nŋu njɛ í nɛ iwɛ̃ jiida ŋa. Ŋɔi ǹ sisiaa alau.

Daniɛli 7:1

Si adɔ̃ sintei bommai ku jɛi Bɛlisasaa ilaalui Babilɔni, Daniɛli í ce ala nɔ í yɛ mii nkpɔ nkpɔ. Wa sũi si daayiɛ í bɛi í ce kuyɛu. Si anyiɛ í bɛi í kɔ ala iyi í ceu. Ideu wee.

Daniɛli 7:17

Í ni, mɛɛmu nla mɛɛ ŋau bɛ, ilaalu mɛɛ mbɛ iyi aa na a naa si ilɛ.

Daniɛli 7:23

Ŋɔi inɛɛu í sɔ̃m í ni, mɛɛmu mɛɛsiau bɛ, bomma mɛɛsia iyi á naa si ilɛ mbɛ, nɔ inɛ nŋu á nya ikãi do bomma mmu ŋa iyi à gbe si ilɛ ihɛ̃ fei. Bomma inɛ nŋu, mii iyi í wa si andunyau fei, á jɔɔi. Á tɛɛsɛ mii feii ku lɛgɛ ŋa do kutɛɛ, nɔ ku ga ŋa.

Daniɛli 8:13

Ŋɔi ǹ gbɔ amaleka gɔ wa fɔ ide, nɔ amaleka mmuɛ gɔ wa ba inɛ iyi wa fɔ ideu ide ku fɔ wa ni, idei kuweei ajɔ fei iyi kuyɛu ihɛ̃ wa sɔ̃ wau bɛ, hee waati yoomai á kpɛ ku to ya. Aa na a leekĩɛ mbɛ? Kuce laalɔ ŋa iyi wa ce nfei mii feiu ihɛ̃, hee waati yoomai á koo leekĩ. Hee waati yoomai wahalai ile kumáu do ijuukpãi inɛi lelei Aɔ̃ ŋau á leekĩ.

Zakari 14:5

Angbɔɔu á bɔi hee Asali. Bɛi aa too i saò ŋa. Aa sa ŋai bɛi bala nŋɛ ŋa mɔ à saa kuyayai ilɛ wo, si waatii Oziasi ilaalui Zudaa. Waati bɛɛbɛi Aɔ̃ Lafɛ̃ɛm á naa do amalekaɛ ŋa fei.

Matie 25:31

Ŋɔi Jesu í ni má, si waati iyi amu Amai Amanɛ an naa do amboem do amaleka ŋau fei, an buba si batai bomma ilu amboem.

Maaku 1:24

mii í wa si gãmɛi awaɛ ŋa, awɔ Jesu inɛi Nazarɛti. Ì naa ku kpa wai? Ǹ mà inɛ iyi ì jɛ. Awɔi ì jɛ Inɛ Kumá iyi Ilaaɔ̃ í bɛ wa.

Luku 4:34

mii í wa si gãmɛi awaɛ ŋa awɔ Jesu inɛi Nazarɛti. Ì naa ku kpa wai? Ǹ mà inɛ iyi ì jɛ. Awɔi ì jɛ Inɛ Kumá iyi Ilaaɔ̃ í bɛ wa.

Wooda ku kɔsi 33:2

Í ni, Aɔ̃ Lafɛ̃ɛ í naai hai iri kutai Sinai. Bɛi inunu í ya dede, bɛɛbɛi í dede wa hai ilɛi Seii hai bi iri kutai Parãa ŋau í máa inɛɛ ŋau inya. Í naa bi inɛɛ ŋaui do amaleka dubu nkpɔ nkpɔ, nɔ wa mu wooda gɔ wa iyi í yɛ bɛi ina si awɔ njɛɛ.

Zudu 1:14

Enɔku mɔ iyi í jɛ tɔku mɛɛjesiai Adamu í ce walii na iri nŋa í ni, Aɔ̃ Lafɛ̃ɛ wee wa naa do amaleka kumáɛ ŋa bututu,

Kuyɛi Zãa 14:10

nŋu mɔ á mɔ atɛ̃ vɛ̃ɛ iyi í jɛ idɔɔkɔ̃i Ilaaɔ̃u. Atɛ̃ vɛ̃ɛu si kɔɔfui idɔɔkɔ̃i Ilaaɔ̃i í wa nɔ a kù yɔgɛɛ do inyi. Inɛ iyi wa ce bɛɛbɛ fei á yɛ bɔ̃nɛ si ina do fainwita si wajui ama angudãu do amaleka kumá ŋau.