Daniɛli 4:12 - Bibeli do fee

¹² Amma i jɔ̀ icuɛu do icãɛ ŋau si aninii fɔfɔ ŋa inɔ sako bɛ. I dĩ isɔ wɛwɛɛ do isɔ nkpa i kaakoò icuu ŋa. Nɔ ikpãi lele ku jɔ̀ icuu ku cɔ̀, nɔ fɔfɔ iyi á dedeu ku jɛ sɔndaɛ bɛi mɛɛmu ŋa.

Daniɛli 4:12 Iomraidhean Croise

Zɔɔbu 12:24

Nŋui í ya kpa bisii inɛ ngboi ilɛ ŋa nɔ ku jɔ̀ a nyɔ a maa dabii si inɔ gbaa bii kpãa kù wa.

Zɔɔbu 14:7

Jĩi í ya nɛ kpãa ku cɔi. Bii à daa, í ya wu mái nɔ ku nɛ wua kpɔtɔɔ.

Zɔɔbu 14:9

bii í ba mandii inyi í ya jĩi nɔ ku ce amaawɔ kpɔtɔɔ ŋa ku baa bɛi ama jĩi má.

Kukpata 4:20

Inɛ iyi í jɔ̀ à wɛɛ, ilaalu iyi Aɔ̃ Lafɛ̃ɛ í cicau, í dasi isa nŋau. Nŋui à waa ni wo, do saabuɛi aa ka ba ka maa wɛɛ si aninii inɛi ilɛ mmu ŋa.

Ezekiɛli 17:23

An koo n lɔɔi si iri kuta iyi í gboka í re si ilɛi Izirɛliu. Á yɔ amaawɔ ŋa, á so iso, á ce jĩi ndii sɛɛdi nla nla. Yɛi dimi ikã ikã feii á ya ce antɛɛ si amaawɔɛ ŋa nɔ aa ya wa si abɛ jĩjĩɛ.

Ezekiɛli 31:17

Inɛ ŋau bɛ mɔ à lɔ bi kuwai iku ŋaui do nŋu do inɛ ŋa iyi à ku si igũu. Aŋai à ya maa sobiɛ si igũ ku ceu. À ya maa wai si jĩjĩ nlaɛ, si aninii inɛi ilɛ ŋau.

Daniɛli 4:14

Idei ijuukpã iyi à fɔ à jilɛu bɛ, amalekai Ilaaɔ̃ ŋa, aŋa iyi à jɛ woo degbe andunyau, aŋai à jɔ̀ à gbɔɔ. Do yaase bɛɛbɛ, ilu hunde baa yooma fei á mà iyi Ilaaɔ̃ nŋu iyi í wa hee lelei í jɛ lafɛ̃ɛi bommai amanɛ ŋa. Nɔ inɛ iyi í bii í ya na. Nɔ á yɔkɔ ku soo mɔm ku na baa inɛ iyi inɛ ŋa a kù waa saalu.

Matie 13:32

Ngbou í kere í re ngbo ŋa iyi à gbe fei, amma bii à gbɔ̃ɔ, nŋui í ya fita ku lá ku re ama jĩi fei, hee yɛi ŋa à ya maa ce antɛ si amaawɔɛ ŋa.

Maaku 13:32

Jesu í sɔ̃ ŋa má í ni, inɛ kãma kù mà waatiu hee má jɛ ajɔ iyi mii ŋau aa ce, baa amaleka ŋa iyi à wa lele, baa amu Amau, í gbe Ilaaɔ̃ Baaba nŋu akã.

Maaku 4:32

Amma waati iyi à gbɔ̃ɔ à tã, nŋui í ya dede ku la ku re ama jĩi fei. Nɔ í ya ce amaawɔ nla nla hee yɛi ŋa a maa ce antɛ si amaawɔɛ ŋa, nɔ a wa si jĩjĩɛ.

Luku 13:19

Í yɛi bɛi ngboi mutaadi iyi inɛ gɔ í so í gbɛ̃ si ilɛɛ. Nɔ í fita í ce jĩi hee yɛi ŋa à ya maa ce antɛ si amaawɔɛ ŋa.