Daniɛli 4:1 - Bibeli do fee

¹ Amu Nebukanɛsaa, ǹ wɛɛm nii wo si inɔ kpasɛ̃m do laakai ku sũ, nɔ ǹ wɛɛò inɔ didɔ̃ si inɔ kabai bommam.

Daniɛli 4:1 Iomraidhean Croise

Bomma 1, 12:18

Ŋɔi Davidi í fita í ko ŋa nɔ í ba ŋa ide ku fɔ í ni, bii í jɛ do inɔ akãi ì waa naaò wa bi tom ku ba i naa i sobim ŋa, idɔm á wa si ŋɛ. Amma bii í jɛ ì naa ku lɛlɛm ŋa ku ba mbɛɛm ŋa a tom awɔi, si bɛi n kù cea inɛ kãma laalɔ, Aɔ̃ Lafɛ̃ɛi bala nwa ŋau wa yɔɔ, nɔ á kiiti nwa.

Ɛsidarasi 4:17

Ide iyi ilaaluu í jɛ nŋa wee. Í ni, awɔ Rehumu inɛ ngboi ilui ikpa bɛ ŋa do Simekai woo kɔ tiaɛ do kpaasiɛ ŋa iyi à wa ilui Samari do bubui ilɛu iyi í wa ikpa nunui alɛi idoi Efaratau, ǹ ce iŋɛ fei fɔɔ.

Ɛsidarasi 5:7

À ni, awɔ ilaalu Dariusi à waa ceɛ fɔɔ.

Ɛsitɛɛ 3:12

Ŋɔi si ajɔ maatɛtasiai cukpa sinteu à kpe woo kɔ tiai ilaalu ŋau, nɔ bɛi Hamaa wa sɔ̃ ŋa fei à wasi ku kɔɔ. Nɔ amanlu ŋai à waa kɔa do inɛ ngboi ilɛ ŋau do inɛ ŋa iyi à jɛ inɛ ngbo si dimi ikã ikã fei. À kɔ tiaui ikã ikã si dimii kukɔ iyi inɛ ŋa à mà, do si fee iyi inɛ ŋa à waa fɔ fei si bommau. À kɔɔi do irii ilaaluu do sɛɛdai nŋu takaɛ.

Ɛsitɛɛ 8:9

Ajɔ nŋu bɛ, si ajɔ kɔnfia do mɛɛtasiai cukpa mɛɛtasia iyi à ya kpe Sivãau à kpe woo kɔ tiai ilaalu ŋau wa. Bɛi Maadosee í fɔ fei, bɛɛbɛi inɛ ŋau à kɔɔ. À kɔa Zuifu ŋa do amanlu ŋau do inɛ ngboi ilɛ ŋau do inɛ ŋa iyi à jɛ inɛ ngbo si ilɛ cifa do mɛɛje ŋa iyi à wa si bommau hai Ɛndi hee ku bɔ Etiopi. À kɔɔi do feei inɛ fei do yaase bɛi dimi ŋa iyi à wa si ilɛ ikã ikã ŋau fei à ya fɔ, do si feei Zuifu ŋa taka nŋa, do si yaase bɛi à ya kɔ.

Daniɛli 3:29

Nsɛi bɛbɛi, wooda iyi ǹ wa n na wee. Woodau í kã inɛ baa yooma fei, do zamaa fei, do inɛi ilɛ ŋa fei do fee dimi ikã ikã ŋa fei. Inɛ iyi á fɔ ide ku maa yaako Ilaaɔ̃ Lafɛ̃ɛi Sadaaki do Mesaaki do Abɛdi-Nego bɛbɛi, aa bububu lafɛ̃ɛi nɔ a lɛgɛ ileɛ ku baa ku ce timtim, domi iwɛ̃ gɔ kù wɛɛ iyi á yɔkɔ ku faaba inɛ bɛi nŋu má.

Daniɛli 3:4

Ŋɔi inɛ iyi í jɛ inɛ ngboi bukiu í dede í dɔ̃ anu do gbugbã í ni, wooda iyi à waa na iŋɛ zamaau fei, do dimi fei, do fee ikã ikã ŋau fei wee.

Daniɛli 6:25

Ŋɔi ilaalu í na wooda í ni a gbã inɛ ŋa iyi à yɛ taalei Daniɛli ŋau a naaò ŋa wa nɔ a sɔsi ŋa si inɔ isa bii muusu nla ŋau à wau, aŋa do ama nŋa ŋa do abo nŋa ŋa. [Waati iyi à so inɛ ŋau à waa dasi ŋa,] hai a kù to baa inɔ isau mɔm nii muusu nla ŋau à zoo si ŋa wa nɔ à lɛgɛ kũkũ nŋa ŋa fei.

Daniɛli 6:27

Si anyii nŋu, nɔ Dariusi í ni má, wooda iyi ǹ wa n jilɛ wee. Si bommam nɔu, inɛ fei í nɛ ku mà bɛɛrɛi Ilaaɔ̃ Lafɛ̃ɛi Daniɛlii nɔ ku ya maa jirimaɛ, domi nŋui í jɛ Ilaaɔ̃ iyi í wɛɛ nɔ á maa wɛɛi hee do ajɔ fei. A kaa ce nfei bommaɛ ajɔ kãma, nɔ gbugbãɛu á maa wɛɛi kaa nɛ kɔɔ.

Daniɛli 7:14

Inɛ iyi à naaò wau, à naa gbugbã do bɛɛrɛ do yiikoi ilaalu. Nɔ zamaa fei do dimi fei do fee fei à lɔsi icɛ ku ceaa. Gbugbãɛ á maa wɛɛi hee do ajɔ fei, kaa nɛ kɔɔ, nɔ bommaɛ kaa cuku pai.

Zakari 8:23

Waati bɛɛbɛ, hai si dimi fei inɛ ŋa iyi aa maa fɔ ide do fee ikã ikã, inɛ mɛɛwa á maa mu itĩi ibɔi Zuifu a maa ni, aa ka tooɛ domi à gbɔ iyi Ilaaɔ̃ í wɛɛ do iŋɛ.

Woo bɛ ŋa 2:6

Iyi à gbɔ ibau, ŋɔi zamaa nla nla í sɛi í koo í tɔtɔɔ bɛ nɔ à biti jiida jiida si na iyi í jɔ̀ à gbɔ woo dasi Jesu naanɛ ŋau à waa fɔ feei aŋa ikã ikã.

Efɛɛzu 1:2

Ilaaɔ̃ Baa nwa do Lafɛ̃ɛ Jesu Kirisi a mu nŋɛ didɔ̃ do laakai ku sũ.

Timɔtee 1, 1:2

Ǹ ceɛ tiau ihɛ̃ wai Timɔtee, awɔ iyi ì yɛ bɛi amaabím si kpãai naanɛ ku dasi. Ilaaɔ̃ Baaba do Jesu Kirisi Lafɛ̃ɛ nwa a ce araareɛ a muuɛ didɔ̃ do laakai ku sũ.

Piɛɛ 1, 1:2

Ilaaɔ̃ Baaba í cica ŋɛi si bɛi í dasi idɔ nŋu ku ce. Nɔ ì jɛ inɛɛ ŋa do saabui Hundeɛ ku ba i jirima Jesu Kirisi ŋa nɔ njɛɛ ku wɛ ŋɛ. Didɔ̃ do laakai ku sũ ku kɔ̃ɔsi si kuwɛɛ nŋɛ.