Daniɛli 3:7 - Bibeli do fee

⁷ Na nŋu, waati iyi inɛ ŋa à gbɔ anu ku dɔ̃i kuu, do ti yee, do ti gitaa, do ti mɔɔlɔ, do ti kundigi hee do ti jĩnɛi iri ku kɔ̃ ikã ikã ŋau bɛ fei, zamaau fei, do dimi fei, do fee ikã ikã ŋau fei, à ya sɛɛbata a tɔɔ mii iyi à ce do wura iyi ilaalu í jɔ̀ à gũui.

Daniɛli 3:7 Iomraidhean Croise

Zeremi 51:7

Babilɔni í yɛi wo si awɔi Aɔ̃ Lafɛ̃ɛ bɛi kɔɔfui wura si bii atɛ̃ í wa si iyi wa kpa inɛi ilɛ ŋau fei. Inɛi ilɛ ŋau à mɔ atɛ̃ vɛ̃ɛu, na ŋɔi í jɔ̀ ide nŋa kù waa too kpãa má.

Daniɛli 2:46

Ŋɔi ilaalu Nebukanɛsaa í sɛɛbata hee ilɛ si wajui Daniɛli, nɔ í ni a cea nŋu kuwee ŋa nɔ a joa tuae ku dɔ̃ inunu ŋa nŋu ku saabuò Daniɛli.

Daniɛli 3:10

Nɔ à mɔsi do ide nŋa má à ni, ilaalu, ì na wooda ì ni, inɛ baa yooma iyi í gbɔ anu ku dɔ̃i kuu, do ti yee, do ti gitaa, do ti mɔɔlɔ, do ti kundigi hee do ti jĩnɛi iri ku kɔ̃ ikã ikãu fei, í nɛ ku sɛɛbatai ku tɔɔ mii iyi à ce do wurau,

Daniɛli 3:4

Ŋɔi inɛ iyi í jɛ inɛ ngboi bukiu í dede í dɔ̃ anu do gbugbã í ni, wooda iyi à waa na iŋɛ zamaau fei, do dimi fei, do fee ikã ikã ŋau fei wee.

Daniɛli 3:5

Waati iyi aa gbɔ anu ku dɔ̃i kuu ŋa fei, do ti yee, do ti gitaa, do ti mɔɔlɔ, do ti kundigi hee do ti jĩnɛi iri ku kɔ̃ ikã ikã fei, aa sɛɛbata ŋai i tɔɔ iwɛ̃ iyi à ce do wura iyi ilaalu Nebukanɛsaa í jɔ̀ à gũu.

Daniɛli 3:6

Inɛ baa yooma iyi í kɔ̀ ku sɛɛbata ku tɔɔɛ fei, aa sooi tengi bɛ gbakã a sɔsiɛ si inɔ bii ina nla nla gɔ wa jo.

Daniɛli 3:8

Ŋɔi gbakã inɛi Kaladee gɔ ŋa à na à waa yɛ taalei Zuifu ŋa.

Woo bɛ ŋa 14:16

Tako wo í jɔ̀ dimi fei wa too kpãa iyi í bi.

Zãa 1, 5:19

À mà iyi à jɛ amai Ilaaɔ̃ ŋa, nɔ andunyau fei í wa si gbugbãi inɛ laalɔu.

Kuyɛi Zãa 12:9

Ŋɔi à nyɔ akandama nla nlau wa ilɛ. Akandamaui í jɛ njo iyi í wɛɛ hai tako. Nŋui à ya kpe woo yɛ taalei inɛ walakɔ Seetam. Nɔ nŋui í dĩ ijui inɛi andunya ŋa fei. À nyɔɔ wa ilɛ do amalekaɛ ŋa ajɔ.

Kuyɛi Zãa 13:14

Í dĩ ijui inɛi andunya ŋa do dobu dobu ŋa iyi í ce si wajui mɛɛmu sinte iyi í náa gbugbãu. Wa sɔ̃ inɛi andunya ŋa a gbe mii iyi á jɔ mɛɛmu sinte iyi à tako à mɛɛ do taakuba nɔ kù kuu.

Kuyɛi Zãa 13:3

Iri akãi mɛɛmuu í jɔ bɛi í ba kumɛɛ iyi á yɔkɔ ku kpaa, amma kumɛɛu í tã nɔ í ba iri. Inɛi andunya ŋa fei à waa cɔɔ do biti nɔ à waa tooɛ.

Kuyɛi Zãa 13:8

Inɛi andunya fei á tɔɔɛ, waatɔ inɛ ŋa iyi Ilaaɔ̃ kù kɔ iri nŋa si tiai kuwɛɛ hee ku maa taka andunya, tia iyi í jɛ ti ama angudã iyi à kpau.

Kuyɛi Zãa 17:8

Mɛɛmu iyi ì yɛu bɛ í wɛɛ wo amma kù wɛɛ má nsɛi. Bii í kɔ̃ɔsi à fita wa hai si isa nla hai nɛ kɔɔu ku bɔ nfe ku ce. Inɛi andunya ŋa iyi Ilaaɔ̃ kù kɔ iri nŋa si tiai kuwɛɛ hee ku maa taka andunya, aa biti bii à yɛ mɛɛmuu má, domi í tako í wɛɛ wo amma kù wɛɛ má nsɛi nɔ á na ku faata wa má.

Kuyɛi Zãa 19:20

Ŋɔi masau do woo ce igũɛ ŋa à mu mɛɛmuu do walii ilu ibou ajɔ, nŋu iyi wa ce dobu dobu si wajui mɛɛmuu wo. Do dobu dobuui í dĩ ijui inɛ ŋa iyi à tako à nɛ nyindai mɛɛmuu nɔ à tɔɔ mii iyi à gbeu. À sɔsi aŋa minji fei si ina nla iyi wa jo do fainwitau njaawɛ.