Daniɛli 3:4 - Bibeli do fee

⁴ Ŋɔi inɛ iyi í jɛ inɛ ngboi bukiu í dede í dɔ̃ anu do gbugbã í ni, wooda iyi à waa na iŋɛ zamaau fei, do dimi fei, do fee ikã ikã ŋau fei wee.

Daniɛli 3:4 Iomraidhean Croise

Ɛsitɛɛ 8:9

Ajɔ nŋu bɛ, si ajɔ kɔnfia do mɛɛtasiai cukpa mɛɛtasia iyi à ya kpe Sivãau à kpe woo kɔ tiai ilaalu ŋau wa. Bɛi Maadosee í fɔ fei, bɛɛbɛi inɛ ŋau à kɔɔ. À kɔa Zuifu ŋa do amanlu ŋau do inɛ ngboi ilɛ ŋau do inɛ ŋa iyi à jɛ inɛ ngbo si ilɛ cifa do mɛɛje ŋa iyi à wa si bommau hai Ɛndi hee ku bɔ Etiopi. À kɔɔi do feei inɛ fei do yaase bɛi dimi ŋa iyi à wa si ilɛ ikã ikã ŋau fei à ya fɔ, do si feei Zuifu ŋa taka nŋa, do si yaase bɛi à ya kɔ.

Ezai 40:9

Siɔ̃ɔ, awɔ iyi ì naaò laabaau jiidau wa, gũ antaii iri kuta kugboka nɔ i dɔ̃ anu hee lele do gbugbã. Zeruzalɛmu, awɔ iyi ì naaò laabaau jiidau wa, dɔ̃ anu hee lele, maà jɔ̀ njo ku muɛ. Sɔ̃ inɛi ilui Zudaa ŋa i ni, i cɔ Aɔ̃ Lafɛ̃ɛ nŋɛ.

Ezai 58:1

Ŋɔi Aɔ̃ Lafɛ̃ɛ í ni, dɔ̃ anu hee lele, maà coko. Dɔ̃ anu hee lele bɛi kuu i sɔ̃ zamaam nɔu wooda ku kuaɛ. Sɔ̃ inɛi kpasɛ̃i Zakɔbu ŋa dulum du ŋa ŋa.

Daniɛli 3:10

Nɔ à mɔsi do ide nŋa má à ni, ilaalu, ì na wooda ì ni, inɛ baa yooma iyi í gbɔ anu ku dɔ̃i kuu, do ti yee, do ti gitaa, do ti mɔɔlɔ, do ti kundigi hee do ti jĩnɛi iri ku kɔ̃ ikã ikãu fei, í nɛ ku sɛɛbatai ku tɔɔ mii iyi à ce do wurau,

Daniɛli 3:3

Ŋɔi akawe nla ŋau bɛ fei à koo à tɔtɔɔ, nɔ à koo à leekĩ si wajui iwɛ̃u ku ba a ce jingaui kucĩɛ.

Daniɛli 3:7

Na nŋu, waati iyi inɛ ŋa à gbɔ anu ku dɔ̃i kuu, do ti yee, do ti gitaa, do ti mɔɔlɔ, do ti kundigi hee do ti jĩnɛi iri ku kɔ̃ ikã ikã ŋau bɛ fei, zamaau fei, do dimi fei, do fee ikã ikã ŋau fei, à ya sɛɛbata a tɔɔ mii iyi à ce do wura iyi ilaalu í jɔ̀ à gũui.

Daniɛli 4:1

Amu Nebukanɛsaa, ǹ wɛɛm nii wo si inɔ kpasɛ̃m do laakai ku sũ, nɔ ǹ wɛɛò inɔ didɔ̃ si inɔ kabai bommam.

Daniɛli 4:14

Idei ijuukpã iyi à fɔ à jilɛu bɛ, amalekai Ilaaɔ̃ ŋa, aŋa iyi à jɛ woo degbe andunyau, aŋai à jɔ̀ à gbɔɔ. Do yaase bɛɛbɛ, ilu hunde baa yooma fei á mà iyi Ilaaɔ̃ nŋu iyi í wa hee lelei í jɛ lafɛ̃ɛi bommai amanɛ ŋa. Nɔ inɛ iyi í bii í ya na. Nɔ á yɔkɔ ku soo mɔm ku na baa inɛ iyi inɛ ŋa a kù waa saalu.

Daniɛli 6:25

Ŋɔi ilaalu í na wooda í ni a gbã inɛ ŋa iyi à yɛ taalei Daniɛli ŋau a naaò ŋa wa nɔ a sɔsi ŋa si inɔ isa bii muusu nla ŋau à wau, aŋa do ama nŋa ŋa do abo nŋa ŋa. [Waati iyi à so inɛ ŋau à waa dasi ŋa,] hai a kù to baa inɔ isau mɔm nii muusu nla ŋau à zoo si ŋa wa nɔ à lɛgɛ kũkũ nŋa ŋa fei.

Ozee 5:11

À waa kpã Efaraimu iju, nɔ à waa tɛɛsɛ asaiyaɛ ŋa, si na iyi í jɔ̀ í bi nŋu ku maa sɛi si inya ngbɛ.

Misee 6:16

Ikɔi ilaalu Ɔmurii ì ya maa gbɔ ŋa, nɔ ì ya maa too si ikɔ do kucei amaɛ Akabu do ti inɛi kpasɛ̃ɛ ŋau ŋa. Na ŋɔi í ce an fũsi ŋɛ awɔ a ce nfe nŋɛ. An jɔ̀ a tɛɛsɛ ŋɛi i jɛ dɔ̃anyi ŋa, nɔ iŋɛi aa yɛ anyɔi inɛm ŋau ŋa.

Kuyɛi Zãa 5:9

Nɔ à kɔ̃ iri titɔ̃ gɔ à waa ni, awɔi ì to i gba tiau nɔ i ga sɛɛda ŋau, domi à kpaɛ wo, nɔ do njɛɛi ì raa Ilaaɔ̃ amanɛ ŋa hai si dimi fei, do fee ikã ikã fei, do ilɛ fei.