Daniɛli 3:29 - Bibeli do fee

²⁹ Nsɛi bɛbɛi, wooda iyi ǹ wa n na wee. Woodau í kã inɛ baa yooma fei, do zamaa fei, do inɛi ilɛ ŋa fei do fee dimi ikã ikã ŋa fei. Inɛ iyi á fɔ ide ku maa yaako Ilaaɔ̃ Lafɛ̃ɛi Sadaaki do Mesaaki do Abɛdi-Nego bɛbɛi, aa bububu lafɛ̃ɛi nɔ a lɛgɛ ileɛ ku baa ku ce timtim, domi iwɛ̃ gɔ kù wɛɛ iyi á yɔkɔ ku faaba inɛ bɛi nŋu má.

Daniɛli 3:29 Iomraidhean Croise

Ilaalu 2, 10:27

Ŋɔi à tale kuta iyi à lɔa Baaliu nɔ à lɛgɛ ileɛ à ma bi ku ce angule ŋa si agbɛɛ nɔ à wɛɛ hee ku baa nnyi.

Ɛsidarasi 6:11

Wooda iyi ǹ jilɛ mbɛ. Inɛ iyi í nɔ í kua woodau fei aa nya jĩi kpalɔɛ akãi hai si ileɛ nɔ a bagãɛ si jĩi nɔu nɔ a lɛgɛ ileɛu.

Iri ku kɔ̃ 3:8

Aɔ̃ Lafɛ̃ɛm, dede i faabam. Tɛɛsɛ mbɛɛm ŋau, nɔ i jɔ̀ ilu inɔ kukã ŋau a kua gbugbã.

Iri ku kɔ̃ 76:10

Ì dede ì waa ce kiitiɛi ku ba i faaba inɛ ŋa iyi à kaye ara nŋa. Kusĩmi.

Daniɛli 1:19

Nɔ í ba aŋa fei ide ku fɔ. Si inɔ nŋa, kãma nŋa kù yɛ bɛi Daniɛli do Hanania do Mikaɛli do Azaria. Na ŋɔi í jɔ̀ aŋa fei à koo à jɛ woo cea ilaaluu icɛ.

Daniɛli 1:7

Ŋɔi inɛ ngboi akawe nla ŋau í na ŋa iri titɔ̃ mmuɛ ŋa. Ti Daniɛlii í jɛ Bɛlitasaa, Hanania mɔi í jɛ Sadaaki, Mikaɛli mɔi í jɛ Mesaaki, Azaria mɔi í jɛ Abɛdi-Nego.

Daniɛli 2:17

Si anyii nŋu, nɔ Daniɛli í sinda í nyi kpasɛ̃ í koo í sisiaa Hanania do Mikaɛli do Azaria kpaasiɛ ŋau yaasei ideu

Daniɛli 2:47

Ŋɔi ilaaluu í sɔ̃ Daniɛli má í ni, ntɔ ntɔ, Aɔ̃ Lafɛ̃ɛ nŋɛ í re iwɛ̃ ŋa fei. Nŋui í jɛ Lafɛ̃ɛi ilaalu ŋa, nɔ nŋu akãi í ya jɔ̀ inɛ ku gbɔ yaasei asii ŋa, domi ì yɔkɔ ì tusɛɛm yaasei idei asiiu ihɛ̃.

Daniɛli 2:49

Ŋɔi Daniɛli í tɔɔ ilaalu í ni ku na Sadaaki do Mesaaki do Abɛdi-Nego ŋa inɛ ngbo ku jɛ si kukpɛ̃i ilɛi Babilɔniu bii gɔ ŋa. Daniɛli inɛ nŋu í wa bi ilaaluu.

Daniɛli 2:5

Ŋɔi í jɛa inɛi Kaladee ŋau í ni, mii iyi ǹ dasi idɔ n ce wee. Bii i kù jɔ̀ n kù mà yaasei alam nɔu ŋa an jɔ̀ a gagaga ŋɛi, nɔ kpasɛ̃ nŋɛ ŋa a baa a kpɔò bɛi iri ankitã.

Daniɛli 3:12

To, Zuifu ŋa iyi ì so inɛ ngbo ku jɛi kukpɛ̃i ilɛi Babilɔni ì daa si awɔ ŋau, Sadaaki do Mesaaki do Abɛdi-Nego, a kù saalu woodaɛu. À kɔ̀ ku tɔɔ iwɛ̃ɛ ŋau, nɔ a kù tɔɔ mii iyi ì ce do wura ì jɔ̀ à gũu.

Daniɛli 3:15

Bɛbɛi i jɔ̀ i wɛɛò sɔɔlu ŋa. Waati iyi aa na i gbɔ anu ku dɔ̃i kuu ŋa, do ti yee, do ti gitaa, to ti mɔɔlɔ, do ti kundigi, hee do jĩnɛi iri ku kɔ̃ dimi ikã ikã ŋa iyi à gbe ŋau fei, i sɛɛbata i tɔɔ iwɛ̃ iyi ǹ jɔ̀ à ce do wurau ŋa. Bii ì kɔ̀ ku tɔɔɛ ŋa, tengi bɛ gbakã, aa so ŋɛi a sɔsi ŋɛ si inɔ ina nla nlau. Nɔ waati bɛɛbɛ, iwɛ̃ yoomai á yɔkɔ ku nya ŋɛ hai si awɔm.

Daniɛli 3:17

Ilaaɔ̃ Lafɛ̃ɛ nwa iyi à waa tɔɔ á yɔkɔ ku faaba wa, nɔ ku nya wa hai si ina nla nlau do hai si awɔɛ awɔ ilaalu.

Daniɛli 3:28

Ŋɔi Nebukanɛsaa í ni, ka saabu Ilaaɔ̃ Lafɛ̃ɛi Sadaaki, do Mesaaki do Abɛdi-Nego iyi í bɛ inɛ gɔ wa í naa í faaba woo ce icɛɛ ŋa, domi à dasiɛ naanɛ, nɔ à kɔ̀ ku jirima woodai amu ilaalu, nɔ à jɛsi aŋa a ba ijuukpã do iyi aŋa aa koo a tɔɔ iwɛ̃ gɔ nɔ a fũsi Ilaaɔ̃ Lafɛ̃ɛ nŋa awɔ.

Daniɛli 6:28

Nŋui í ya nya inɛ, nɔ nŋui í ya faabaɛ. Nŋui í ya ce nyinda ŋa do maamaake ŋa ikpa lelei Aɔ̃ do si ilɛ. Nŋui í nya Daniɛli hai si gbugbãi muusu nla ŋau.

Wooda ku kɔsi 32:31

Amma mbɛɛi inɛi Izirɛli ŋau taka nŋa à mà iyi iwɛ̃ woo degbei aŋau kù nɛ gbugbã bɛi Aɔ̃ Lafɛ̃ɛi inɛi Izirɛli ŋau.