Daniɛli 3:28 - Bibeli do fee

²⁸ Ŋɔi Nebukanɛsaa í ni, ka saabu Ilaaɔ̃ Lafɛ̃ɛi Sadaaki, do Mesaaki do Abɛdi-Nego iyi í bɛ inɛ gɔ wa í naa í faaba woo ce icɛɛ ŋa, domi à dasiɛ naanɛ, nɔ à kɔ̀ ku jirima woodai amu ilaalu, nɔ à jɛsi aŋa a ba ijuukpã do iyi aŋa aa koo a tɔɔ iwɛ̃ gɔ nɔ a fũsi Ilaaɔ̃ Lafɛ̃ɛ nŋa awɔ.

Daniɛli 3:28 Iomraidhean Croise

Kusintii Andunya 9:26

Ŋɔi í ni má, ka saabu Aɔ̃ Lafɛ̃ɛ, Lafɛ̃ɛi Sɛmu, nŋu mɔ ku weea Sɛmu nɔ Kanaã ku jɛ aruɛ.

Bomma 1, 5:20

Si waatii igũu, à tɔɔ Ilaaɔ̃, nɔ í gbɔ kutɔɔ nŋa si na iyi í jɔ̀ à dasiɛ naanɛ, nɔ í da nŋa inɛ ŋau si awɔ.

Bomma 2, 20:20

Iyi iju í má daadaakɔu ŋɔi à dasi kpãai gbaai Tekoa. Iyi à waa bi a nɛ, ŋɔi Zozafati í naa bi tu ŋa nɔ í ni, i gbɔ idem ŋa, iŋɛ inɛi Zudaa do Zeruzalɛmu ŋa. I dasi Aɔ̃ Lafɛ̃ɛ nŋɛ naanɛ ŋa, aa ba gbugbã ŋa. I dasi waliiɛ ŋau naanɛ, aa jɛ igũ ŋa.

Bomma 2, 32:21

Ŋɔi Aɔ̃ Lafɛ̃ɛ í bɛ amaleka gɔ si asɔi inɛi Asiri ŋau, nɔ amalekau í kpa sooge ilu wɔɔkɔ ŋau do inɛ ngbo nŋa ŋau fei. Ŋɔi ilaalui Asiriu í nyi ilɛɛ do anyɔ nla nla. Ŋɔi ajɔ nŋu gɔ í koo í lɔ ilei iwɛ̃ɛu, nɔ amai nŋu takaɛ ŋa à kpaa bɛ.

Ɛsidarasi 1:3

Si inɔ nŋɛ, iŋɛ iyi ì jɛ inɛɛ ŋa fei, à waa kpe ŋɛ i nyi Zeruzalɛmu i koo i teese i ma kpasɛ̃i Aɔ̃ Lafɛ̃ɛi inɛi Izirɛli ŋau, nŋu iyi inɛ ŋa à waa tɔɔ Zeruzalɛmu bɛ. Nɔ Ilaaɔ̃ Lafɛ̃ɛ nŋɛ ku wɛɛ do iŋɛ.

Ɛsidarasi 6:11

Wooda iyi ǹ jilɛ mbɛ. Inɛ iyi í nɔ í kua woodau fei aa nya jĩi kpalɔɛ akãi hai si ileɛ nɔ a bagãɛ si jĩi nɔu nɔ a lɛgɛ ileɛu.

Iri ku kɔ̃ 103:20

I cĩ Aɔ̃ Lafɛ̃ɛ ŋa, iŋɛ amaleka ilu gbugbãɛ ŋa. Iŋɛi ì ya gbɔ ideɛ nɔ i ya ceò icɛ ŋa.

Iri ku kɔ̃ 147:11

Inɛ ŋa iyi à mà bɛɛrɛɛ, nɔ à waa kaabaɛ, aŋai í ya bi.

Iri ku kɔ̃ 33:18

Amma inɛ ŋa iyi à waa jirima Aɔ̃ Lafɛ̃ɛ nɔ naanɛ nŋa í wa si kubiɛ, aŋai í ya maa degbe.

Iri ku kɔ̃ 33:21

Ntɔ ntɔ, à ya ka nɛ inɔ didɔ̃i na iriɛ domi si iri kumáɛui kaaba nwa fei í wa.

Iri ku kɔ̃ 34:22

Laalɔ ku ce í ya kpa inɛ laalɔi, nɔ inɛ ŋa iyi à cé inɛ dee dee, aa sã nŋa gbesei laalɔ nŋai.

Iri ku kɔ̃ 62:8

Si Ilaaɔ̃i faabam do bɛɛrɛm í wa, nŋui í jɛ kuta ku nɛ gbugbãm. Ilaaɔ̃i í jɛ bi ku manjim.

Kufita 20:5

I maà gulɛ si wajui mii bɛɛbɛ ŋa i maà tɔɔ ŋa ŋa, domi amu Aɔ̃ Lafɛ̃ɛ nŋɛ ǹ jɛ Ilaaɔ̃ iyi í kɔ̀ mii dimi bɛɛbɛ ŋa. Inɛ ŋa iyi à cém, ijuukpãm á naa si ŋa do si ama nŋa ŋa hee ku koo si tɔku gbɛɛta walakɔ tɔku gbɛ̃ɛsia nŋa ŋa.

Ezai 12:2

Ntɔ ntɔ Ilaaɔ̃i í jɛ woo faaba nwa, siɛi naanɛ nwa í wa, a kù nɛ zigiida má. Aɔ̃ Lafɛ̃ɛi í jɛ gbugbã nwa, nŋui aa ka kɔ̃aa iri. Nŋui í jɛ woo faaba nwa.

Ezai 37:36

Ŋɔi amalekai Aɔ̃ Lafɛ̃ɛ í fita nɔ í koo í kpa inɛmɔkɔ dubu cĩɔ do cinɛ do miiu (185.000) si asɔi inɛi Asiri ŋa. Iyi iju í má daadaakɔ, ŋɔi à ba wee iku ŋa mbɛ fei.

Ezai 50:10

Bii inɛ gɔ si inɔ nŋɛ í mà bɛɛrɛi Aɔ̃ Lafɛ̃ɛ, ku sotĩ ku gbɔ idei woo ce icɛɛ. Inɛ iyi wa nɛ si ilu kuku nɔ inya kumá wa gaiziaɛ, ku dasi Aɔ̃ Lafɛ̃ɛ naanɛ nɔ ku jɔ̀ gbugbãɛ ku wa si Aɔ̃ Lafɛ̃ɛɛu.

Daniɛli 2:47

Ŋɔi ilaaluu í sɔ̃ Daniɛli má í ni, ntɔ ntɔ, Aɔ̃ Lafɛ̃ɛ nŋɛ í re iwɛ̃ ŋa fei. Nŋui í jɛ Lafɛ̃ɛi ilaalu ŋa, nɔ nŋu akãi í ya jɔ̀ inɛ ku gbɔ yaasei asii ŋa, domi ì yɔkɔ ì tusɛɛm yaasei idei asiiu ihɛ̃.

Daniɛli 3:25

Nɔ ilaaluu í nyi í ni má, to wee nsɛi amanɛ mɛɛi ǹ wa n yɛ si inɔ inau bɛ mɛɛ, aŋa fei à waa nɛ nŋa nkãma kù waa dĩ ŋa, nɔ inɛ mɛɛsiau í jɔ inɛi lelei Aɔ̃ gɔ.

Daniɛli 4:34

Na ŋɔi í jɔ̀ nsɛi bɛbɛi, amu Nebukanɛsaa ǹ wa n cĩ ilaalu iyi í wa lelei Aɔ̃u, ǹ wa n fɔ kulaɛ, nɔ ǹ mà bɛɛrɛɛ. Mii iyi wa ce waati kãma fei, í ya cooi si ntɔ nɔ í ya jɛ dee deei. Nɔ si gbugbãɛ, inɛ ŋa iyi à waa nɛ do faau, á yɔkɔ ku kaye gbugbã nŋa.

Daniɛli 6:16

Ŋɔi mbɛɛi Daniɛli ŋau à kanju à nyi bi ilaaluu má nɔ à sɔ̃ɔ à ni, ilaalu, í jɔ ì mà iyi woodai inɛi Mɛɛdi ŋa do ti inɛi Pɛɛsi ŋau í ni, wooda iyi à jilɛ do ide iyi ilaalu takaɛ í jilɛ nɔ í dasi nyindaɛ, kù nɛ ku kpaasi ya.

Daniɛli 6:26

Si anyiɛ, ilaalu Dariusi í kɔa zamaau fei, do dimi fei, do fee ŋa iyi à wa si andunyau fei. Nɔ í ni, laakai ku sũ nla nla ku wɛɛ do iŋɛ.

Matie 4:10

Nɔ Jesu í jɛaa í ni, sɛkɛɛ bɛ Seetam. Kukɔi idei Ilaaɔ̃ í ni, Aɔ̃ Lafɛ̃ɛɛi aa gulɛa, nɔ nŋu akãi aa tɔɔ.

Woo bɛ ŋa 4:19

Amma Piɛɛ do Zãa à sɔ̃ ŋa à ni, i bee ara nŋɛ ide bii á jɛ dee dee si wajui Ilaaɔ̃ ka gbɔ ide nŋɛ nɔ ka jɔ̀ ti Ilaaɔ̃.

Woo bɛ ŋa 5:19

Ŋɔi idũu amalekai Ilaaɔ̃ í naa í cĩ gamboi ile piisɔ̃ɔu í nya ŋa nɔ í sɔ̃ ŋa í ni,

Romu 12:1

Na nŋu iŋɛ inɛm ŋa, ǹ wa n tɔɔ ŋɛi na saabui araare iyi Ilaaɔ̃ í ce nŋɛ, i na Ilaaɔ̃ ara nŋɛ. I jɔ̀ kuwɛɛ nŋɛ ku jɛaa bɛi kuwee gɔ iyi í má nɔ í sĩaa si. Do yaase bɛɛbɛi í sĩa i ya tɔɔ Ilaaɔ̃ ŋa.

Kɔrɛnti 1, 13:3

Baa bii ǹ kpɛ̃a ilu are ŋa amanim fei, nɔ baa bii ǹ jɔ̀ à sɔ̃ aram bɛi iŋai kuwee, bii n kù nɛ kubi, n kaa n ba riba.

Filipi 1:20

Mii iyi ǹ dasi idɔ nɔ ǹ wa n cɔ kpãaɛ kãm kãm nŋui í jɛ n maà n ce nkãma iyi á jɔ̀ anyɔ ku mum. Mii iyi ǹ bi nŋui í jɛ n nɛ wɔɔkɔ bɛi ǹ nɛ hai tako n maa n nyisiò kulai Kirisi bii ǹ wɛɛ si hunde walakɔ baa bii í jɛ ǹ ku mɔi.

Ebɛɛ 1:14

Debɛi, mii amaleka ŋa à jɛ. Aŋa fei à jɛ hunde ŋa iyi à waa cea Ilaaɔ̃ icɛ. Aŋai í ya bɛ a koo a sobi inɛ ŋa iyi aa ba faaba.

Ebɛɛ 11:37

À ta inɛ gɔ nŋa ŋa kuta à kpa ŋa, inɛ gɔ nŋa ŋa mɔ à bu ŋa kiti minji, gɔgɔ nŋa ŋa mɔ à kpa ŋa do taakuba. Inɛ gɔ nŋa ŋa mɔ à dĩ batai angudã do batai iwo à waa dabiiò. A kù nɛ nkãma, à kpã ŋa iju, à wahala ŋa,

Piɛɛ 1, 1:21

Na saabuɛi ì dasi Ilaaɔ̃ naanɛ ŋa, nŋu iyi í dedeɛ hai si balɛ nɔ í muaa amboe ku ba naanɛ ku dasi nŋɛ do kpãa ku cɔ nŋɛ ku wa si Ilaaɔ̃.

Kuyɛi Zãa 12:11

Inɛ nwa ŋau à jɔɔ igũ do saabui njɛi ama angudãu do sɛɛdai ntɔu iyi à jɛ. A kù doo kuwɛɛ nŋa nkãma, amma à jɛsi aŋa a ku.