Daniɛli 3:25 - Bibeli do fee

²⁵ Nɔ ilaaluu í nyi í ni má, to wee nsɛi amanɛ mɛɛi ǹ wa n yɛ si inɔ inau bɛ mɛɛ, aŋa fei à waa nɛ nŋa nkãma kù waa dĩ ŋa, nɔ inɛ mɛɛsiau í jɔ inɛi lelei Aɔ̃ gɔ.

Daniɛli 3:25 Iomraidhean Croise

Zɔɔbu 1:6

Ŋɔi ajɔ nŋu gɔ amalekai Ilaaɔ̃ ŋa à naa bi Aɔ̃ Lafɛ̃ɛ, nɔ Seetam mɔ í wa inɔ nŋa wa.

Zɔɔbu 38:7

waati iyi leleaɔ̃i amɛɛjuumá ŋau à waa kɔ̃ iri ajɔ nɔ amalekai Ilaaɔ̃ ŋa à waa dɔ̃ anu do inɔ didɔ̃.

Zɔɔbu 5:19

Tuuba nkpɔ nkpɔi á nyaɛ hai si wahala. Nɔ waati kãma fei á ya nyaɛi hai si mbiisi, kaa jɔ̀ laalɔ ku baɛ.

Iri ku kɔ̃ 34:7

Waati iyi hai nɛ gbugbã gɔ í dɔ̃ anu si Aɔ̃ Lafɛ̃ɛ fei, í ya gbɔai nɔ í ya faabaɛi hai si bitandiɛ ŋa.

Mɔnda ŋa 30:4

Yooi í bɔ lele í baa. Yooi í kukutu fufu si awɔɛ ŋa. Yooi í wo inyi si ibɔ kumbooɛ. Yooi í jilɛ kɔɔi ilɛu fei. Bɛirei à ya kpoo nɔ bɛirei à ya kpe amaɛ. Fɔɔ bii í jɛ ì màai.

Ezai 43:2

Bii ì waa kua inyi, an wɛɛ do awɔ. Nɔ bii ì waa kua ido ŋa, inyi kaa nɛòɛ. Bii ì waa nɛ si ina ì waa kua, kaa joɛ nɔ amɛi inau kaa ceɛ nkãma.

Zeremi 1:19

Aa ce igũ do awɔ, amma a kaa kãmiaɛ, domi ǹ wɛɛ do awɔ ku ba n faabaɛ. Ide iyi amu Aɔ̃ Lafɛ̃ɛi ǹ fɔ mbɛ.

Zeremi 1:8

Ŋɔi Aɔ̃ Lafɛ̃ɛ í sɔ̃m má í ni, maà ce njo nŋa, domi ǹ wɛɛ do awɔ nɔ an faabaɛ.

Zeremi 15:21

An nyaɛ hai si awɔi inɛ laalɔ ŋa, nɔ n faabaɛ hai si awɔi woo taa inɛ gbugbã ŋa.

Daniɛli 3:18

Nɔ baa bii kù jɛ bɛɛbɛ mɔi, ilaalu, jɔ̀ i mà iyi a kaa ka tɔɔ iwɛ̃ɛ pai, nɔ a kaa ka sɛɛbataa iwɛ̃ɛ iyi ì jɔ̀ à ce do wura à koo à gũu bɛ.

Daniɛli 3:24

Ŋɔi gbakã ilaalu Nebukanɛsaa í dede anu akã do zigiida, nɔ í bee akaweɛ ŋa í ni, kù jɛ amanɛ mɛɛtai à dĩ à so à sɔsi inɔ inau? Nɔ aŋa mɔ à jɛaa à ni, oo ilaalu, ntɔ ntɔ bɛɛbɛi.

Daniɛli 3:28

Ŋɔi Nebukanɛsaa í ni, ka saabu Ilaaɔ̃ Lafɛ̃ɛi Sadaaki, do Mesaaki do Abɛdi-Nego iyi í bɛ inɛ gɔ wa í naa í faaba woo ce icɛɛ ŋa, domi à dasiɛ naanɛ, nɔ à kɔ̀ ku jirima woodai amu ilaalu, nɔ à jɛsi aŋa a ba ijuukpã do iyi aŋa aa koo a tɔɔ iwɛ̃ gɔ nɔ a fũsi Ilaaɔ̃ Lafɛ̃ɛ nŋa awɔ.

Daniɛli 6:23

Ilaaɔ̃ Lafɛ̃ɛm í bɛ amalekaɛ wa í na í cĩmbo gɛlɛi muusu nla ŋau. Muusu nla ŋau a kù ceem laalɔ kãma, si na iyi í jɔ̀ n kù nɛ taale kãma si wajui Ilaaɔ̃, nɔ n kù nɛ taale kãma si wajui awɔ takaɛ mɔ.

Maaku 16:18

Aa mu njo ŋa do awɔ, nɔ baa bii à mɔ kɔ̃ɔtɛ̃ gɔ kaa ce nŋa ide kãma. Aa lesi bɔ̃ɔ ŋa awɔ nɔ a ba iri.

Luku 1:35

Ŋɔi amalekau í jɛaa í ni, Hundei Ilaaɔ̃i á naa siɛ, nɔ gbugbãɛ ku biiɛ bɛi jĩjĩ. Nŋui í jɔ̀ ama iyi aa na i bíu á jɛ inɛ kumá nɔ a kpoo Amai Ilaaɔ̃.

Woo bɛ ŋa 28:5

Amma Pɔlu í gbugbã njou si ina kù nɔ kù gbɔ ara kuro kãma.

Romu 1:4

amma Hundei Ilaaɔ̃ í nyisi do gbugbã iyi ntɔi Amai Ilaaɔ̃i si waati iyi í dedeɛ hai si balɛ.

Piɛɛ 1, 3:13

Yooi á ce nŋɛ laalɔ bii ì hanya ì waa ce jiida ŋa.