Daniɛli 3:24 - Bibeli do fee

²⁴ Ŋɔi gbakã ilaalu Nebukanɛsaa í dede anu akã do zigiida, nɔ í bee akaweɛ ŋa í ni, kù jɛ amanɛ mɛɛtai à dĩ à so à sɔsi inɔ inau? Nɔ aŋa mɔ à jɛaa à ni, oo ilaalu, ntɔ ntɔ bɛɛbɛi.

Daniɛli 3:24 Iomraidhean Croise

Bomma 2, 22:4

Ŋɔi í ce mii iyi kù dɔ̃a Aɔ̃ Lafɛ̃ɛ si, bɛi kpasɛ̃i Akabu í ceu. Si anyii ikui baaɛu, inɛi kpasɛ̃i Akabu ŋai à jɛ woo kɔɛ ŋa iyi à naa nfe ku ce wa.

Daniɛli 3:17

Ilaaɔ̃ Lafɛ̃ɛ nwa iyi à waa tɔɔ á yɔkɔ ku faaba wa, nɔ ku nya wa hai si ina nla nlau do hai si awɔɛ awɔ ilaalu.

Daniɛli 3:23

Nɔ inɛ mɛɛta ŋau, Sadaaki do Mesaaki do Abɛdi-Nego à koo à cuku si inɔ ina nla nlau do kudĩ nŋa ŋau.

Daniɛli 3:25

Nɔ ilaaluu í nyi í ni má, to wee nsɛi amanɛ mɛɛi ǹ wa n yɛ si inɔ inau bɛ mɛɛ, aŋa fei à waa nɛ nŋa nkãma kù waa dĩ ŋa, nɔ inɛ mɛɛsiau í jɔ inɛi lelei Aɔ̃ gɔ.

Daniɛli 4:22

Aa leleɛi hai si inɔi amanɛ ŋa, nɔ aa koo i wai si inɔi mɛɛmui sako ŋa. Fɔfɔi aa ya maa jɛ bɛi kɛtɛ ŋa. Ikpãi á ya maa tontoo siɛ wa hai lele, nɔ bɛɛbɛi aa maa wɛɛ hee ku bɔ adɔ̃ mɛɛje. Bii adɔ̃ mɛɛjeu bɛ í koo í tã, aa mà iyi Ilaaɔ̃ iyi í wa leleui í jɛ Lafɛ̃ɛi bommai amanɛ ŋa, nɔ bommau nŋui í ya na inɛ iyi í bi.

Daniɛli 4:27

Nɔ í fɔ wa ni, iluu ihɛ̃ ilu nla iyi ǹ ma si ilɛi Babilɔnii kú jɛ bi kuwai kabai bommam. Ǹ maai na saabui gbugbã nlam ku ba n nyisi zaka bɛi kulai bɛɛrɛm í to.

Daniɛli 5:18

[Ŋɔi Daniɛli í sɔ̃ɔ í ni,] ilaalu, Ilaaɔ̃ iyi í wa hee leleu í jɔ̀ Nebukanɛsaa baaɛu í jɛ ilaalu nla nla. Í nɛ amboe nɔ í nɛ bɛɛrɛ nla nla.

Daniɛli 5:6

Nɔ gbakã wajuɛ í kpaasi, nɔ zigiida í jɔ̀ lasabuɛ ŋa í fɔtɔtɔ. Ikɔ̃i bũuɛ ŋa mɔ à sesi, nɔ ilugũɛ ŋa mɔ à waa cã si njɛ.

Daniɛli 6:22

Ŋɔi Daniɛli í jɛa ilaaluu í ni, hunde sisɔ kú jɛ ti awɔ ilaalu hee do ajɔ fei.

Daniɛli 6:7

Ŋɔi inɛ ngbo minji ŋau do akawei kukpɛ̃i ilɛ ŋau à bɔ bi ilaaluu nɔ à sɔ̃ɔ à ni, ilaalu Dariusi, hunde sisɔ kú jɛ ti awɔ ilaalu hee do ajɔ fei.

Woo bɛ ŋa 12:13

Iyi Piɛɛ í to bɛ ŋɔi í cã gamboi andɛ koofau ŋɔi abo woo ce icɛ gɔ iyi à ya kpe Rodu í koo í bee í ni, yooi.

Woo bɛ ŋa 26:13

Ilaalu, zakai dasã si kpãau ǹ yɛ inya kumá í naa hai lele í bii wa, amu do inɛ ŋa iyi à waa sim. Inya kumáu í re baa inya kumái inunu.

Woo bɛ ŋa 26:27

Awɔ ilaalu Agiripa, ì dasi idei walii ŋau naanɛ mbɛ? Ǹ mà sãa sãa iyi ì dasi naanɛ.

Woo bɛ ŋa 9:6

Dede i bɔ inɔ iluu, bɛi aa sɔ̃ɛ mii iyi aa ce.

Samuɛli 1, 17:55

Si waati iyi Saulu í yɛ Davidi wa bɔ Goliati ku ba igũ ku ce ŋɔi í bee Abinɛɛ inɛ ngboi sooge ŋau í ni, amai yooi ihɛ̃. Nɔ Abinɛɛ í jɛaa í ni, ntɔ ntɔ, n kù mà amai yooi.