Daniɛli 3:23 - Bibeli do fee

²³ Nɔ inɛ mɛɛta ŋau, Sadaaki do Mesaaki do Abɛdi-Nego à koo à cuku si inɔ ina nla nlau do kudĩ nŋa ŋau.

Daniɛli 3:23 Iomraidhean Croise

Iri ku kɔ̃ 34:19

Aɔ̃ Lafɛ̃ɛ í ya wa kɔkɔi ilu inɔ kufɔ ŋa, í ya faaba inɛ ŋa iyi a kù nɛ kpãa ku cɔ ŋa.

Ezai 43:2

Bii ì waa kua inyi, an wɛɛ do awɔ. Nɔ bii ì waa kua ido ŋa, inyi kaa nɛòɛ. Bii ì waa nɛ si ina ì waa kua, kaa joɛ nɔ amɛi inau kaa ceɛ nkãma.

Zeremi 38:6

Ŋɔi sooge ŋau à so Zeremi à sɔsiɛ si inɔ lɔgɔ hai nɛ inyi gɔ iyi à ce iyi í jɛ ti Malikia amai ilaaluu. Tengi bii à dasiɛu í wai si bantuma bii sooge ŋa à ya maa degbeu. À dasi Zeremi si inɔ bɛi do ikũ. Amma inyi kãma kù wa si inɔɛ, pɔkɔdɔ dei í nɛ, nɔ Zeremi í mile si inɔ pɔkɔdɔu.

Daniɛli 1:7

Ŋɔi inɛ ngboi akawe nla ŋau í na ŋa iri titɔ̃ mmuɛ ŋa. Ti Daniɛlii í jɛ Bɛlitasaa, Hanania mɔi í jɛ Sadaaki, Mikaɛli mɔi í jɛ Mesaaki, Azaria mɔi í jɛ Abɛdi-Nego.

Daniɛli 3:24

Ŋɔi gbakã ilaalu Nebukanɛsaa í dede anu akã do zigiida, nɔ í bee akaweɛ ŋa í ni, kù jɛ amanɛ mɛɛtai à dĩ à so à sɔsi inɔ inau? Nɔ aŋa mɔ à jɛaa à ni, oo ilaalu, ntɔ ntɔ bɛɛbɛi.

Kɔrɛnti 2, 4:17

Ijuukpã keeke iyi à waa yɛ si nsɛiu ihɛ̃ wa ce nwa sɔɔlui amboe iyi ci ya tãi iyi í la í re ijuukpãu.

Ebɛɛ 11:34

à kpa gbugbãi ina nla, à ba à fita hai si awɔi inɛ ŋa iyi à waa dɛ a kpa ŋa do taakuba. À kua gbugbã wo, amma à na à ba gbugbã má. À waa ce njo nŋa si igũ, à jɛ dimi mmu ŋa igũ.