Daniɛli 3:2 - Bibeli do fee

² Ŋɔi ilaalu Nebukanɛsaa í ni à kpe inɛ ngboi ilɛ ŋau wa, do woo gbã ilɛ ŋau, do ilu ilɛ ŋa, do woo na ikɔ ŋa, do woo singa fia ŋa, do woo mà asaiya ŋa, do woo kiiti nla ŋau, do inɛ ŋa iyi à jɛ inɛ ngboi kukpɛ̃i ilɛ ŋau fei. Í ni inɛ ŋau a tɔtɔɔ wai ku ba a naa a ce jingaui kucĩi iwɛ̃ iyi à ce do wura iyi nŋu í jɔ̀ à koo à gũu.

Daniɛli 3:2 Iomraidhean Croise

Ilaalu 1, 12:32

Ŋɔi í jilɛ jingau si ajɔ maatũsiai cukpa mɛɛjɔsia bɛi jingau iyi à ya jɛ ilɛi Zudaau. Nɔ nŋu takaɛ í bɔ Betɛli í koo í cea ama kɛtɛ ŋa iyi í ceu kuwee ŋa si antaii bi kuweeu. Nɔ í jilɛ woo wee ŋa si ilei iwɛ̃ ŋa iyi í mau.

Mɔnda ŋa 29:12

Bii amanlu wa ceò ibo icɛ, akaweɛ ŋa fei à ya na a gaabui.

Daniɛli 3:27

Ŋɔi inɛ ngboi ilɛ ŋau, do inɛ ngboi kukpɛ̃i ilɛ ŋau, do ilu ilɛ ŋau, do woo na ilaalu ikɔ ŋau, à koo à tɔtɔɔ à cɔ inɛ mɛɛta ŋau, nɔ à ba wee inau ku cea arai inɛ ŋau nkãma. À ba wee inau kù jo ntoi irii inɛ ŋau, nɔ kù cea ibɔ nŋa ŋa mɔ nkãma, nɔ inunui ina kãma kù wa si ŋa.

Daniɛli 3:3

Ŋɔi akawe nla ŋau bɛ fei à koo à tɔtɔɔ, nɔ à koo à leekĩ si wajui iwɛ̃u ku ba a ce jingaui kucĩɛ.

Kuka 25:2

Inaabo ŋaui à ya kpe inɛi Izirɛli ŋa tengi bii à waa cea iwɛ̃ nŋa ŋau kuwee ŋa, ŋɔi aŋa mɔ à ya koo, nɔ à ya jɛ ijɛi kuwee ŋau nɔ à gulɛa iwɛ̃ ŋau.

Kuyɛi Zãa 17:2

Abo à ce sakara nlau í dasi ilaalui andunya ŋa sakara ku ce, nɔ inɛi andunya ŋa à waa too si daa laalɔ nkpɔ nkpɔɛ hee í baa í sinda iri nŋa bɛi atɛ̃ vɛ̃ɛ í ya sinda irii inɛ.

Woo kiiti ŋa 16:23

Ŋɔi ajɔ nŋu gɔ ilaalu miiui inɛi Filisi ŋau à tɔtɔɔ ku ba a cea iwɛ̃ nŋa iyi à ya kpe Dagɔ̃ɔu kuwee nla nla na inɔ didɔ̃ iyi à wɛɛò. À wasi ku ni, iwɛ̃ nwa í da nwa Samusɔ̃ɔ mbɛɛ nwau si awɔ.