Daniɛli 3:19 - Bibeli do fee

¹⁹ Ŋɔi idɔi Nebukanɛsaa í kɔ̃ ntɔ ntɔ si Sadaaki do Mesaaki do Abɛdi-Nego. Nɔ í na wooda í ni si inya bii ina nla nla í ya wau, a dasi ina a gbãaɛ ku re zaka bɛi à tako à nɛ dɔ̃ɔnɛu ikɔ mɛɛje.

Daniɛli 3:19 Iomraidhean Croise

Kusintii Andunya 31:2

Nɔ nŋu takaɛ í ce laakaii wajui Labãa nɔ í ba kù waa yɛa bɛi í ya tako ku maa yɛa wo.

Ɛsitɛɛ 3:5

Ŋɔi Hamaa í ba wee ntɔ ntɔi Maadosee í kɔ̀ ku sɛɛbata si wajui nŋu, nɔ idɔɛ í kɔ̃.

Ɛsitɛɛ 7:7

Nɔ si bɛi idɔi ilaaluu í kɔ̃, í dede í fita hai bi ku ce jingauu í koo í lɔ inɔ lamboi kpasɛ̃ɛu. Ŋɔi Hamaa í gbe bɛ í wasi ku tɔɔ Ɛsitɛɛ suuru, domi í mà tã iyi ilaalu Asuerusi á kpa nŋui.

Iri ku kɔ̃ 76:10

Ì dede ì waa ce kiitiɛi ku ba i faaba inɛ ŋa iyi à kaye ara nŋa. Kusĩmi.

Mɔnda ŋa 16:14

Idɔɔkɔ̃i ilaalu í ya jɔ̀ ku kpa amanɛ, amma ilu laakaii í ya ce kookaai ku lɛlɛɛ.

Mɔnda ŋa 21:24

Woo yaako inɛ fei ilu faaui do woo tɔɔ fufu. Faau hai nɛ yaasei í ya maa tale siɛ si mii iyi wa ce fei.

Ezai 51:23

Inɛ ŋa iyi à waa bíɛɛ inɔ kufɔ ŋaui an na, aŋa iyi à ya tako a sɔ̃ɛ wo a maa ni, sɛɛbata nɔ ka gũ antaiɛ ka nɛ si. Nɔ ì ya jɔ̀ nŋa anyiɛi bɛi sãai kpãa a maa nɛ si.

Daniɛli 2:12

Ŋɔi idɔi ilaalu í kɔ̃ ntɔ ntɔ, nɔ í na wooda í ni a kpa woo mà ŋa iyi à wa si ilɛi Babilɔni ŋau fei.

Daniɛli 3:13

Ŋɔi idɔi Nebukanɛsaa í kɔ̃ ntɔ ntɔ, nɔ í na wooda í ni a naaò Sadaaki do Mesaaki do Abɛdi-Nego wa. Nɔ à gbã ŋa à kooò ŋa bi ilaaluu.

Daniɛli 3:20

Si anyii nŋu, si inɔi soogeɛ ŋa, í na sooge ŋa iyi à nɛ gbugbã à re kpaasi ŋau wooda í ni a dĩ Sadaaki do Mesaaki do Abɛdi-Nego, nɔ a so a sɔsi ŋa si inɔ bii ina nla nla wa jou.

Daniɛli 5:6

Nɔ gbakã wajuɛ í kpaasi, nɔ zigiida í jɔ̀ lasabuɛ ŋa í fɔtɔtɔ. Ikɔ̃i bũuɛ ŋa mɔ à sesi, nɔ ilugũɛ ŋa mɔ à waa cã si njɛ.

Daniɛli 6:24

Ŋɔi do inɔ didɔ̃ nla nla, ilaalu í na wooda í ni a nya Daniɛli wa hai si inɔ isau. Ŋɔi à nya Daniɛli wa hai si inɔ isau, nɔ nkãma kù coo si na iyi í jɔ̀ í dasi naanɛɛ si Ilaaɔ̃ Lafɛ̃ɛɛ.

Kuwee 26:18

Bii í nɔ í jɛ do nŋu fei ì kɔ̀ ku gbɔ idem ŋa, an kɔ̃ɔsi ijuukpãi dulum du ŋɛi bɛi ikɔ mɛɛje.

Kuwee 26:21

Bii ì lele idɔ nŋɛ nɔ ì kɔ̀ ku gbɔ idem ŋa, an kɔ̃ɔsi ijuukpãi dulum du ŋɛi bɛi ikɔ mɛɛje.

Kuwee 26:24

amu mɔ an lele si ŋɛ nɔ n jɔ̀ ijuukpãi dulum du ŋɛ ku kɔ̃ɔsi bɛi ikɔ mɛɛje.

Kuwee 26:28

amu mɔ an lele si ŋɛ do idɔɔkɔ̃, nɔ n kɔ̃ɔsi ijuukpãi dulum du ŋɛ ikɔ mɛɛje.

Woo bɛ ŋa 5:33

Iyi à gbɔ ideu ŋɔi idɔ nŋa í kɔ̃ hee à waa bi a kpa ŋa.

Woo bɛ ŋa 7:54

Iyi inɛ ŋau à gbɔ ideu ŋɔi idɔ nŋa í kɔ̃ si Etiɛni hee à waa ŋɔ amaawɔ nŋa ŋa.