Daniɛli 3:18 - Bibeli do fee

¹⁸ Nɔ baa bii kù jɛ bɛɛbɛ mɔi, ilaalu, jɔ̀ i mà iyi a kaa ka tɔɔ iwɛ̃ɛ pai, nɔ a kaa ka sɛɛbataa iwɛ̃ɛ iyi ì jɔ̀ à ce do wura à koo à gũu bɛ.

Daniɛli 3:18 Iomraidhean Croise

Ilaalu 1, 19:14

Ŋɔi í jɛ í ni, ǹ jabu ntɔ ntɔ na iriɛ, awɔ Aɔ̃ Lafɛ̃ɛi lele do ilɛ, domi inɛi Izirɛli ŋa à fũsi akabuuɛ awɔ, à kɛkɛ bi kuweeɛ ŋau nɔ à kpa waliiɛ ŋau fei do taakuba. Amu akãi ǹ gbe, nɔ à waa dɛ ku kpam.

Ilaalu 1, 19:18

Amma an jɔ̀ amanɛ dubu mɛɛje (7.000) si ilɛi Izirɛli, aŋa iyi a kù gulɛ a kù tɔɔ Baali ŋa.

Zɔɔbu 13:15

Bii Ilaaɔ̃ í bi ku kpam, n kù wa n cɔ kpãai nkãma má. Amma an kɔ̀ò aram si wajuɛ, n fɔ kucem.

Mɔnda ŋa 28:1

Inɛ laalɔ í ya maa sai baa bii inɛ kãma kù waa leleɛ. Amma inɛ dee dee í ya maa wɛɛi do idɔ ku buba bɛi ama muusu nla.

Daniɛli 3:28

Ŋɔi Nebukanɛsaa í ni, ka saabu Ilaaɔ̃ Lafɛ̃ɛi Sadaaki, do Mesaaki do Abɛdi-Nego iyi í bɛ inɛ gɔ wa í naa í faaba woo ce icɛɛ ŋa, domi à dasiɛ naanɛ, nɔ à kɔ̀ ku jirima woodai amu ilaalu, nɔ à jɛsi aŋa a ba ijuukpã do iyi aŋa aa koo a tɔɔ iwɛ̃ gɔ nɔ a fũsi Ilaaɔ̃ Lafɛ̃ɛ nŋa awɔ.

Kuwee 19:4

I maà ti i sinda si iwɛ̃ ŋa nɔ i maà cea ara nŋɛ iwɛ̃ ŋa iyi à ya yɔ do isɔ. Amui ǹ jɛ Aɔ̃ Lafɛ̃ɛ nŋɛ.

Matie 10:28

I maà ce njoi inɛ ŋa iyi aa kpa ara nŋu akã, nɔ a kaa yɔkɔ a kpa hunde. Amma i ce njoi inɛ iyi á yɔkɔ ku kpa ara do hunde ajɔ si ina iyi ci ya ku.

Matie 10:39

Inɛ iyi í bi ku jɛ kuwɛɛ do idɔɔbiɛ á na ku kuaɛ. Amma inɛ iyi í kɔ̀si kuwɛɛɛ na irim, lafɛ̃ɛ á na ku báa ntɔ ntɔ.

Matie 16:2

Ŋɔi Jesu í jɛ nŋa í ni, bii inunu wa bɔ ku lɔ nɔ lele í kpã ì ya ni ŋa, iju iyi á má ala á sĩa.

Woo bɛ ŋa 4:19

Amma Piɛɛ do Zãa à sɔ̃ ŋa à ni, i bee ara nŋɛ ide bii á jɛ dee dee si wajui Ilaaɔ̃ ka gbɔ ide nŋɛ nɔ ka jɔ̀ ti Ilaaɔ̃.

Ebɛɛ 11:25

Í gbasi a kpã nŋu iju do inɛi Ilaaɔ̃ ŋa ajɔ do iyi nŋu á maa wɛɛò inɔ didɔ̃ si faayii dulum iyi kaa kpɛ.

Zozue 24:15

Bii ì nɔ ì yɔɔ iyi i kaa cea Aɔ̃ Lafɛ̃ɛ icɛ ŋai, to, i cica inɛ iyi ì bi i cea icɛ ŋa. Iwɛ̃ ŋa iyi bala nŋɛ ŋau à ya tako à maa tɔɔ do icei idoui ì bi i cea icɛ ŋa de, mà iwɛ̃i inɛi Amɔre ŋa si ilɛ bii ì wa ŋau. Amu de, amu do inɛi kpasɛ̃m ŋa Aɔ̃ Lafɛ̃ɛi aa ka cea icɛ.

Kuyɛi Zãa 12:11

Inɛ nwa ŋau à jɔɔ igũ do saabui njɛi ama angudãu do sɛɛdai ntɔu iyi à jɛ. A kù doo kuwɛɛ nŋa nkãma, amma à jɛsi aŋa a ku.