Daniɛli 3:17 - Bibeli do fee

¹⁷ Ilaaɔ̃ Lafɛ̃ɛ nwa iyi à waa tɔɔ á yɔkɔ ku faaba wa, nɔ ku nya wa hai si ina nla nlau do hai si awɔɛ awɔ ilaalu.

Daniɛli 3:17 Iomraidhean Croise

Kusintii Andunya 17:1

Iyi Aburamu í nɛ adɔ̃ cinɛò fɛɛwa do mɛɛsã ŋɔi Aɔ̃ Lafɛ̃ɛ í naa bi tɛɛ í ni, amui ǹ jɛ Ilaaɔ̃ ilu gbugbã fei. Jɛ kuwɛɛɛ si wajum ku ba i maà nɛ taale kãma.

Kusintii Andunya 18:14

Ntɔ ntɔ ǹ wa n sɔ̃ɛi, nkãma kù wɛɛ iyi í gaabum. Adɔ̃ gɔ suku bɛi, an nyi wa ihɛ̃ n naa n ba Sara í nɛ ama inɛmɔkɔ.

Zɔɔbu 34:29

Bii Ilaaɔ̃ wa cokoɛ, yooi á yɛ taaleɛ. Bii í nɔ í bi ku manji mɔi yooi á yɔɔ. Amma á yɔkɔ ku tilasi ilɛ gɔ walakɔ amanɛ ŋa

Zɔɔbu 5:19

Tuuba nkpɔ nkpɔi á nyaɛ hai si wahala. Nɔ waati kãma fei á ya nyaɛi hai si mbiisi, kaa jɔ̀ laalɔ ku baɛ.

Iri ku kɔ̃ 115:3

Ilaaɔ̃ Lafɛ̃ɛ nwa lelei í wa. Nɔ mii iyi í bi feii í ya ce.

Iri ku kɔ̃ 37:39

Aɔ̃ Lafɛ̃ɛi wa faaba inɛ dee dee ŋa. Nŋui í ya singa ŋa si waatii wahala.

Iri ku kɔ̃ 37:40

Aɔ̃ Lafɛ̃ɛ wa sobi ŋa nɔ wa nya ŋa hai si awɔi ilu inɔ kukã ŋa, wa faaba ŋai si na iyi í jɔ̀ bi titɛɛi à wa.

Iri ku kɔ̃ 73:20

Aɔ̃ Lafɛ̃ɛ, waati iyi ì dede, ì kpa iri nŋai, nɔ à gbɛjɛ ide nŋa bɛi ala iyi inɛ í ce í bɛi í jĩ.

Ezai 12:2

Ntɔ ntɔ Ilaaɔ̃i í jɛ woo faaba nwa, siɛi naanɛ nwa í wa, a kù nɛ zigiida má. Aɔ̃ Lafɛ̃ɛi í jɛ gbugbã nwa, nŋui aa ka kɔ̃aa iri. Nŋui í jɛ woo faaba nwa.

Ezai 54:14

Dee dee ku jɛ á jɔ̀ i nɛ gbugbãi ntɔ ntɔ. Fa araɛ i jĩò woo taa inɛ ŋa gbugbã. I kaa wɛɛò njo do zigiida má. Njo do zigiidau, kaa naa bi tɛɛ má.

Zeremi 1:8

Ŋɔi Aɔ̃ Lafɛ̃ɛ í sɔ̃m má í ni, maà ce njo nŋa, domi ǹ wɛɛ do awɔ nɔ an faabaɛ.

Zeremi 15:20

An jɔ̀ i jɛi bɛi bindii isɔ danya ku nɛ gbugbã bi inɛ ŋau bɛ. Aa naa siɛ igũ, amma a kaa jɛɛ igũ, domi ǹ wɛɛ do awɔ ku ba n faabaɛ nɔ n nyaɛ. Amu Aɔ̃ Lafɛ̃ɛi ǹ fɔ bɛɛbɛ.

Zeremi 15:21

An nyaɛ hai si awɔi inɛ laalɔ ŋa, nɔ n faabaɛ hai si awɔi woo taa inɛ gbugbã ŋa.

Daniɛli 3:26

Si anyii nŋu, ilaalu Nebukanɛsaa í nɛ í bɔ kɔkɔi andɛ bii à dasi ina nla nlau nɔ í ni, Sadaaki, Mesaaki do Abɛdi-Nego, iŋɛ woo ce icɛi Ilaaɔ̃ iyi í wa leleu, i fita i naa wa. Ŋɔi Sadaaki do Mesaaki do Abɛdi-Nego ŋa à fita wa hai si inɔ inau.

Daniɛli 6:16

Ŋɔi mbɛɛi Daniɛli ŋau à kanju à nyi bi ilaaluu má nɔ à sɔ̃ɔ à ni, ilaalu, í jɔ ì mà iyi woodai inɛi Mɛɛdi ŋa do ti inɛi Pɛɛsi ŋau í ni, wooda iyi à jilɛ do ide iyi ilaalu takaɛ í jilɛ nɔ í dasi nyindaɛ, kù nɛ ku kpaasi ya.

Daniɛli 6:23

Ilaaɔ̃ Lafɛ̃ɛm í bɛ amalekaɛ wa í na í cĩmbo gɛlɛi muusu nla ŋau. Muusu nla ŋau a kù ceem laalɔ kãma, si na iyi í jɔ̀ n kù nɛ taale kãma si wajui Ilaaɔ̃, nɔ n kù nɛ taale kãma si wajui awɔ takaɛ mɔ.

Daniɛli 6:27

Si anyii nŋu, nɔ Dariusi í ni má, wooda iyi ǹ wa n jilɛ wee. Si bommam nɔu, inɛ fei í nɛ ku mà bɛɛrɛi Ilaaɔ̃ Lafɛ̃ɛi Daniɛlii nɔ ku ya maa jirimaɛ, domi nŋui í jɛ Ilaaɔ̃ iyi í wɛɛ nɔ á maa wɛɛi hee do ajɔ fei. A kaa ce nfei bommaɛ ajɔ kãma, nɔ gbugbãɛu á maa wɛɛi kaa nɛ kɔɔ.

Misee 7:7

Amma amu, ikpa bi Aɔ̃ Lafɛ̃ɛi an sinda, siɛi kpãa ku cɔm í wa, nŋui á jɛɛm nɔ ku faabam.

Luku 1:37

Maari, jɔ̀ i mà iyi nkãma kù wɛɛ iyi Ilaaɔ̃ í mɔngɔ.

Woo bɛ ŋa 20:24

Amma kuwɛɛm kù jɛ ngɔgɔ bi tom, n kù nɔ n kù wa n saaluɛ, amu de n ba n tambɔ icɛm iyi Jesu Lafɛ̃ɛ í dasim n ce. Icɛu nŋui í jɛ n sisi laabaau jiidai didɔ̃ iyi Ilaaɔ̃ í ce nwa.

Woo bɛ ŋa 21:13

Amma í ni, na mii í ce ì waa kpata bɛɛbɛ ŋa ì waa ganji wɔɔkɔm ŋa. Ǹ tã sɔɔlu n ku na irii icɛi Lafɛ̃ɛ Jesu Zeruzalɛmu bɛ, kù jɛ ku dĩ nŋu akã.

Romu 8:31

Debɛi bɛirei aa ka fɔ má. Bii Ilaaɔ̃ í jɛ tu wa, yooi á yɔkɔ ku jɛ mbɛɛ nwa.

Kɔrɛnti 2, 1:10

Nŋui í nya wa hai si iku dimi bɛɛbɛ, á nɔ ku nya wa má. Ntɔi, à waa cɔ kpãaɛ á nyi ku nya wa má.

Ebɛɛ 7:25

Na nŋu á yɔkɔ ku faaba inɛ ŋa iyi à waa sɛkɛɛ si Ilaaɔ̃ do saabuɛ mam mam, domi í wɛɛi hee do ajɔ fei ku maa tɔɔ Ilaaɔ̃ na iri nŋa.

Samuɛli 1, 17:37

Aɔ̃ Lafɛ̃ɛ í faabam hai si cikãawɔi mɛɛmui sako laalɔ ŋa, bɛɛbɛ mɔi á faabam má hai si awɔi inɛi Filisiu bɛ. Ŋɔi Saulu í sɔ̃ɔ í ni, koo, nɔ Aɔ̃ Lafɛ̃ɛ ku sobiɛ.

Samuɛli 1, 17:46

Nnyi mɔm Aɔ̃ Lafɛ̃ɛ á soɛ ku daam si awɔ, an kpaɛ nɔ n bu iriɛ. Nnyi an so ikui inɛi Filisi ŋa n na yɛi ŋa do mɛɛmui sako ŋa a jɛ. Nɔ inɛi andunya fei a mà iyi Ilaaɔ̃ í wɛɛ do inɛi Izirɛli ŋa.