Daniɛli 3:15 - Bibeli do fee

¹⁵ Bɛbɛi i jɔ̀ i wɛɛò sɔɔlu ŋa. Waati iyi aa na i gbɔ anu ku dɔ̃i kuu ŋa, do ti yee, do ti gitaa, to ti mɔɔlɔ, do ti kundigi, hee do jĩnɛi iri ku kɔ̃ dimi ikã ikã ŋa iyi à gbe ŋau fei, i sɛɛbata i tɔɔ iwɛ̃ iyi ǹ jɔ̀ à ce do wurau ŋa. Bii ì kɔ̀ ku tɔɔɛ ŋa, tengi bɛ gbakã, aa so ŋɛi a sɔsi ŋɛ si inɔ ina nla nlau. Nɔ waati bɛɛbɛ, iwɛ̃ yoomai á yɔkɔ ku nya ŋɛ hai si awɔm.

Daniɛli 3:15 Iomraidhean Croise

Ilaalu 2, 18:35

Si inɔi iwɛ̃i ilɛ ŋau bɛ fei, yooma nŋai í yɔkɔ í faaba ilɛɛ hai si awɔm, Aɔ̃ Lafɛ̃ɛ mɔ ku bɛi ku yɔkɔ ku faaba Zeruzalɛmu hai si awɔm.

Kufita 32:32

Ǹ wa n tɔɔɛ i kpa idei dulum du ŋa. Bii kù nɔ kù jɛ bɛɛbɛ, kpa irim si tiaɛ iyi ì kɔ.

Kufita 5:2

Nɔ Faraɔ̃ í jɛ nŋa í ni, yooi í jɛ Aɔ̃ Lafɛ̃ɛ n bɛi n jirima ideɛ n jɔ̀ inɛi Izirɛli ŋa a nɛ. N kù mà Aɔ̃ Lafɛ̃ɛ nɔ n kaa n jɔ̀ inɛi Izirɛli ŋa a nɛ.

Ezai 37:23

Yooi ì donda, nɔ yooi ì waa bu. Yooi ì waa lasi. Amu Aɔ̃ Lafɛ̃ɛ Inɛ Kumái Izirɛliui ì wu iju lele ì waa cɔ.

Daniɛli 2:47

Ŋɔi ilaaluu í sɔ̃ Daniɛli má í ni, ntɔ ntɔ, Aɔ̃ Lafɛ̃ɛ nŋɛ í re iwɛ̃ ŋa fei. Nŋui í jɛ Lafɛ̃ɛi ilaalu ŋa, nɔ nŋu akãi í ya jɔ̀ inɛ ku gbɔ yaasei asii ŋa, domi ì yɔkɔ ì tusɛɛm yaasei idei asiiu ihɛ̃.

Daniɛli 2:9

Ǹ mà iyi ì tã sɔɔlu i sɔɔm ibo ŋai do ide ŋa iyi aa dasi inɛ ku nyɔ hee waatiu ku maa kpaasi. Ntɔ ntɔ, bii i kù jɔ̀ n kù mà yaasei alam nɔu ŋa, ijuukpã dimi akãi á ba iŋɛ fei. To, i sɔ̃m ala iyi ǹ ceu wa ŋa ku ba n mà iyi aa yɔkɔ i tusɛɛm yaaseɛ ŋa.

Daniɛli 3:17

Ilaaɔ̃ Lafɛ̃ɛ nwa iyi à waa tɔɔ á yɔkɔ ku faaba wa, nɔ ku nya wa hai si ina nla nlau do hai si awɔɛ awɔ ilaalu.

Daniɛli 6:16

Ŋɔi mbɛɛi Daniɛli ŋau à kanju à nyi bi ilaaluu má nɔ à sɔ̃ɔ à ni, ilaalu, í jɔ ì mà iyi woodai inɛi Mɛɛdi ŋa do ti inɛi Pɛɛsi ŋau í ni, wooda iyi à jilɛ do ide iyi ilaalu takaɛ í jilɛ nɔ í dasi nyindaɛ, kù nɛ ku kpaasi ya.

Daniɛli 6:20

Hai amɛɛjuumá daadaakɔ gbakã, ilaalu í dede. Nɔ wa ce saasa ku ba ku bɔ bi isa bii muusu nla ŋa à wau.

Matie 10:19

Amma bii à bɔò ŋɛ bi ku kiiti, i maà ti i biti do ide iyi aa fɔ ŋa walakɔ do yaase bɛi aa fɔɔò ŋa. Bii waatiu í to, Ilaaɔ̃ á mu nŋɛ ide iyi aa fɔ ŋa.

Matie 27:43

Í dasi Ilaaɔ̃ naanɛ nɔ í ni nŋu Amai Ilaaɔ̃i. Debɛi, bii Ilaaɔ̃ í nɛ kubiɛ ntɔ ntɔi ku faabaɛ.

Maaku 13:11

Waati iyi à mu ŋɛ à waa bɔ ku na woo ce kiiti ŋau, i maà ti i biti do ide iyi aa fɔ ŋa, amma bii awaatiu í to i fɔ ide iyi í naa nŋɛ si idɔ. Nɔ ide ŋa iyi aa fɔ ŋa kaa jɛ ide nŋɛ, Hundei Ilaaɔ̃i á fɔɔ.

Luku 12:11

Bii à bɔò ŋɛ ile bii à ya ce kutɔtɔɔ ŋa ku ba inɛ ngbo ŋa do ilu yiiko ŋa a kiiti ŋɛ, i maà ti i ce njo do bɛi aa ce i kɔò ara nŋɛ do ide iyi aa fɔ ŋa.

Luku 13:9

Á yɔkɔ ku jɛ adɔ̃ gɔ á so. Bii kù so i bɛi i daa.

Woo bɛ ŋa 4:19

Amma Piɛɛ do Zãa à sɔ̃ ŋa à ni, i bee ara nŋɛ ide bii á jɛ dee dee si wajui Ilaaɔ̃ ka gbɔ ide nŋɛ nɔ ka jɔ̀ ti Ilaaɔ̃.

Woo bɛ ŋa 5:29

Ŋɔi Piɛɛ do woo bɛ kpaasiɛ ŋau à jɛ à ni, tilasi idei Ilaaɔ̃i aa ka jirima, kù jɛ ti amanɛ ŋa.

Woo bɛ ŋa 6:15

Inɛ ŋa iyi à wa si igbɛu fei à kãsi Etiɛni iju ŋɔi à yɛ wajuɛ wa daana bɛi wajui amaleka.