Daniɛli 3:12 - Bibeli do fee

¹² To, Zuifu ŋa iyi ì so inɛ ngbo ku jɛi kukpɛ̃i ilɛi Babilɔni ì daa si awɔ ŋau, Sadaaki do Mesaaki do Abɛdi-Nego, a kù saalu woodaɛu. À kɔ̀ ku tɔɔ iwɛ̃ɛ ŋau, nɔ a kù tɔɔ mii iyi ì ce do wura ì jɔ̀ à gũu.

Daniɛli 3:12 Iomraidhean Croise

Ɛsitɛɛ 3:8

Ŋɔi Hamaa í koo í sɔ̃ ilaalu Asuerusi í ni, dimi gɔ ŋa à wa si ilɛu ihɛ̃, à wɛɛ ikã nɔ à fangaa bii fei si bommaɛu. Wooda nŋa ŋa à jɛ ikã do ti inɛ ŋa iyi à gbe nɔ a kù waa jirima woodaɛ ŋa. Kaa jɛɛ aranfãani bii ì jɔ̀ inɛ ŋau sɛ̃ɛ.

Mɔnda ŋa 27:4

Idɔɔkɔ̃ í ya kpa inɛ, nɔ ara gbãa í gaabu, amma yooi á nɔ igu ku gɛɛɛ.

Woo lasabu 4:4

Nɔ ǹ yɛ icɛ iyi amanɛ ŋa à waa ce fei do himma nŋa fei à waa cooi do njɛ ku wã ku ba à re kpaasi nŋa ŋa. Nɔ nŋu mɔ má ngbɛi. Í yɛi bɛi amanɛ wa sɛi si fufu.

Daniɛli 1:7

Ŋɔi inɛ ngboi akawe nla ŋau í na ŋa iri titɔ̃ mmuɛ ŋa. Ti Daniɛlii í jɛ Bɛlitasaa, Hanania mɔi í jɛ Sadaaki, Mikaɛli mɔi í jɛ Mesaaki, Azaria mɔi í jɛ Abɛdi-Nego.

Daniɛli 2:48

Si anyiɛ, ilaaluu í so Daniɛli lele, nɔ í ceaa amuai amani nkpɔ nkpɔ. Nɔ í so ilɛi Babilɔniu í naa ku jɛ inɛ ngboɛ, nɔ í soo kú jɛ inɛ ngbo iyi í wa antaii woo mài Babilɔni ŋau fei.

Daniɛli 2:49

Ŋɔi Daniɛli í tɔɔ ilaalu í ni ku na Sadaaki do Mesaaki do Abɛdi-Nego ŋa inɛ ngbo ku jɛ si kukpɛ̃i ilɛi Babilɔniu bii gɔ ŋa. Daniɛli inɛ nŋu í wa bi ilaaluu.

Daniɛli 3:11

nɔ inɛ baa yooma iyi í kɔ̀ ku sɛɛbata ku tɔɔɛ fei, aa sooi a sɔsiɛ si inɔ bii ina nla nla gɔ wa jou.

Daniɛli 3:16

Ŋɔi Sadaaki do Mesaaki do Abɛdi-Nego à jɛa ilaalu Nebukanɛsaa à ni, a kù nɛ bukaatai ka jɛɛ ide kãma.

Daniɛli 3:29

Nsɛi bɛbɛi, wooda iyi ǹ wa n na wee. Woodau í kã inɛ baa yooma fei, do zamaa fei, do inɛi ilɛ ŋa fei do fee dimi ikã ikã ŋa fei. Inɛ iyi á fɔ ide ku maa yaako Ilaaɔ̃ Lafɛ̃ɛi Sadaaki do Mesaaki do Abɛdi-Nego bɛbɛi, aa bububu lafɛ̃ɛi nɔ a lɛgɛ ileɛ ku baa ku ce timtim, domi iwɛ̃ gɔ kù wɛɛ iyi á yɔkɔ ku faaba inɛ bɛi nŋu má.

Daniɛli 3:30

Si anyii nŋu, ilaaluu í jɔ̀ icɛi Sadaaki do Mesaaki do Abɛdi-Nego í gũ lele í kɔ̃ɔsi. Í so ŋai í jilɛ ŋa si inya ilu bɛɛrɛ ŋa si ilɛi Babilɔni.

Daniɛli 6:13

Ŋɔi à koo à ba ilaaluu nɔ à beeɛ à ni, n jɔ ì jilɛ wooda gɔ nɔ ì dasi nyindaɛ ì ni si afei ajɔ kuntaau ihɛ̃, inɛ baa yooma iyi í tɔɔ iwɛ̃ gɔ, walakɔ inɛ mmu gɔ, bii kù jɛ awɔ ilaalu, aa so lafɛ̃ɛi a sɔsi inɔ isa bii muusu nla ŋau à wa mɛɛ. Ŋɔi ilaaluu í jɛ í ni, kãm kãm bɛɛbɛi, nɔ woodau ti inɛi Mɛɛdi ŋai do ti inɛi Pɛɛsi ŋa iyi ci ya nɛ inɛ gɔ ku kpaasi ngɔgɔ.

Daniɛli 6:14

Nɔ à so ide má si wajui ilaaluu à ni, Daniɛli inɛ akãi inɛ ŋa iyi à mu wa hai ilɛi Zudaau kù saaluɛ hee má jɛ ku saalu wooda iyi ì jilɛ nɔ ì dasi nyindaɛu. Í ya maa ce kutɔɔɛi, ajɔ akã fei fii mɛɛta.

Woo bɛ ŋa 17:7

nɔ wee Zasɔ̃ɔ í jɔ̀ à sɔ kpasɛ̃ɛ. Aŋa fei à waa bɛjɛ woodai ilaalu nlai Romu à waa ni ilaalu gɔ í wɛɛ má iyi à ya kpe Jesu.

Woo bɛ ŋa 5:28

í ni, à kɔ̀ nŋɛ mam mam à ni i maà ya ce waazo do irii mɔkɔu má ŋa. Amma wee ì ce waazo nŋɛ ì waa koo ŋa hee ì kɔ inɛi Zeruzalɛmu ŋa fei si cio nŋɛ nɔ ì waa bi i dasi wa taalei ikui mɔkɔu ŋa.