Daniɛli 3:10 - Bibeli do fee

¹⁰ Nɔ à mɔsi do ide nŋa má à ni, ilaalu, ì na wooda ì ni, inɛ baa yooma iyi í gbɔ anu ku dɔ̃i kuu, do ti yee, do ti gitaa, do ti mɔɔlɔ, do ti kundigi hee do ti jĩnɛi iri ku kɔ̃ ikã ikãu fei, í nɛ ku sɛɛbatai ku tɔɔ mii iyi à ce do wurau,

Daniɛli 3:10 Iomraidhean Croise

Bomma 1, 15:16

Ŋɔi Davidi í ni inɛ ngboi dimii Levii ŋau a nya woo kɔ̃ iri ŋa si inɔ nŋa do jĩnɛi ijo nŋa ŋa, kundigi ŋa do mɔɔlɔ ŋa do sɛmbali ŋa iyi aa cã a maa nyisiò inɔ didɔ̃.

Bomma 1, 15:28

Ŋɔi inɛi Izirɛli ŋau fei à koo à so kpakoi akabuui Aɔ̃ Lafɛ̃ɛu wa do anu ku dɔ̃i inɔ didɔ̃, à waa fãò kuu do kãakãakĩ ŋa, nɔ à waa cã sɛmbali ŋa do kundigi ŋa do mɔɔlɔ ŋa.

Bomma 2, 29:25

Ŋɔi í jɔ̀ inɛi Levii ŋau à waa leekĩ si bantumai kpasɛ̃i Aɔ̃ Lafɛ̃ɛ si yaase bɛi Aɔ̃ Lafɛ̃ɛ í jɔ̀ Davidi do Gadi woo yɛi ilaaluu do Natãa waliiu à na wooda. Inɛi Levii ŋau à waa mu sɛmbali ŋa do kundigi ŋa do mɔɔlɔ ŋa

Iri ku kɔ̃ 94:20

Mii wa tɔtɔɔ awɔ do woo ce kiiti laalɔ ŋau, aŋa iyi a ci ya ce kiiti bɛi wooda í ni.

Kufita 1:16

í ni, bii aboi inɛi Ebɛɛ ŋa à waa bi a bí, i ya cɔ amau ku ce ncɛɛ ŋa. Bii ama inɛmɔkɔi i kpaa ŋa, bii í jɛ ama inaabo mɔi i jɔ̀ɔ ŋa.

Kufita 1:22

Ŋɔi Faraɔ̃ í na inɛɛ ŋau fei wooda í ni, ama inɛmɔkɔ iyi inɛi Ebɛɛ ŋa à bí fei i nyɔ ŋa si inɔ ido nla iyi à ya kpe Niliu ŋa, nɔ i jɔ̀ ama inaabo ŋau fei a maa wɛɛ ŋa.

Woo lasabu 3:16

Iyi ǹ yɛ si andunya ihɛ̃ má wee. Ǹ yɛ bi ku ce kiiti iboi í ya gba agbɛi ntɔ.

Ezai 10:1

Inɔ kufɔi í jɛ ti woo jilɛ wooda hai jɛ dee dee ŋa. Wooda ŋa iyi à kɔui í ya naa inɛ ŋa inɔ kufɔ wa.

Daniɛli 3:11

nɔ inɛ baa yooma iyi í kɔ̀ ku sɛɛbata ku tɔɔɛ fei, aa sooi a sɔsiɛ si inɔ bii ina nla nla gɔ wa jou.

Daniɛli 3:15

Bɛbɛi i jɔ̀ i wɛɛò sɔɔlu ŋa. Waati iyi aa na i gbɔ anu ku dɔ̃i kuu ŋa, do ti yee, do ti gitaa, to ti mɔɔlɔ, do ti kundigi, hee do jĩnɛi iri ku kɔ̃ dimi ikã ikã ŋa iyi à gbe ŋau fei, i sɛɛbata i tɔɔ iwɛ̃ iyi ǹ jɔ̀ à ce do wurau ŋa. Bii ì kɔ̀ ku tɔɔɛ ŋa, tengi bɛ gbakã, aa so ŋɛi a sɔsi ŋɛ si inɔ ina nla nlau. Nɔ waati bɛɛbɛ, iwɛ̃ yoomai á yɔkɔ ku nya ŋɛ hai si awɔm.

Daniɛli 6:12

Ŋɔi gbakã mbɛɛ ŋau à kanju wa nɔ à naa à ba Daniɛli í wasi ku ce kutɔɔ wa kpe Ilaaɔ̃ Lafɛ̃ɛɛ.

Amɔsu 6:5

Ì ya bi iri ku kɔ̃ ŋai do mɔɔlɔ bɛi Davidi, nɔ ì ya ce jĩnɛi iri ku kɔ̃ titɔ̃ ŋa.

Laabaau jiida iyi Zãa í kɔ 11:57

Wee inɛ ngboi woo weei Ilaaɔ̃ ŋa do Farisi ŋa à na wooda à ni bii inɛ gɔ í mà bii Jesu í wa ku sɔ̃ aŋa a koo a muu.