Daniɛli 3:1 - Bibeli do fee

¹ Ilaalu Nebukanɛsaa í jɔ̀ à yɔ wura à cea do iwɛ̃ gɔ. Kugbokaɛ í wɛɛi agbãawɔ kita, kucĩɛ mɔ agbãawɔ mɛɛfa. Nɔ í jɔ̀ à koo à gũu si lɔɔmai Dura si kukpɛ̃i ilɛi Babilɔniu.

Daniɛli 3:1 Iomraidhean Croise

Ilaalu 1, 12:28

Ŋɔi ilaaluu í koo í bee bɛi nŋu á ce, nɔ inɛ ŋa à náa ikɔ. Ŋɔi í ce ama kɛtɛ minji do wura, nɔ í sɔ̃ zamaau í ni, iŋɛ inɛi Izirɛli ŋa, Zeruzalɛmu ku bɔ nŋɛ í tã mbɛ. Lafɛ̃ɛ nŋɛ wee ihɛ̃. Nŋui í fitaò ŋɛ wa hai ilɛi Ezibiti.

Ɛsitɛɛ 1:1

Faaji iyi à waa ceu ihɛ̃ í cei si waatii ilaalu Asuerusi, nŋu iyi wa jɛ ilaalui ilɛ cifa do mɛɛje, hai Ɛndi hee ku bɔ Etiopi.

Iri ku kɔ̃ 135:15

Iwɛ̃ ŋa iyi dimi mmu ŋa à ce do isɔ fũfũ do wurau, icɛi awɔi amanɛ ŋai.

Kufita 20:23

I maà ya cea ara nŋɛ iwɛ̃ do wura walakɔ do isɔ fũfũ i maà tɔɔ ŋa si agbɛm ŋa.

Kufita 32:31

Ŋɔi Moizi í nyi bi Aɔ̃ Lafɛ̃ɛ má nɔ í sɔ̃ɔ í ni, Aɔ̃ Lafɛ̃ɛ, inɛ ŋau à ce dulum nla nla domi à cea ara nŋa iwɛ̃i wura gɔ.

Ezai 2:20

Ajɔ nŋu bɛ, iwɛ̃ ŋa iyi inɛ ŋa à ce do isɔ fũfũ, do iyi à ce do wura ŋa, nɔ à ya maa sɛɛbata nŋau, fei ndɛɛ aa dikãa boli ŋa do adã ŋai.

Ezai 30:22

Isɔ fũfũ iyi ì so ì biiò iwɛ̃ nŋɛ ŋa, do wura ŋa iyi ì bii ŋa do ŋa, aa jilɛ ŋai si mii hai maaju ŋa. Nɔ hee do buubuu nŋa ŋau fei, aa jilɛ ŋai si mii riisi ŋa. Aa nya ŋai i fitaò hai si anini nŋɛ.

Ezai 46:6

Inɛ gɔ ŋa à ya sinda mii ndii bɔgɔ nŋa ŋai, nɔ a wã kuwoi isɔ fũfũ do ti wura nŋa ŋa. Si anyiɛ à ya so woo mà icɛi wura ku cei ku ba ku ce nŋa iwɛ̃ gɔ iyi aa ya sɛɛbata si wajuɛ a maa tɔɔɛ.

Zeremi 10:9

À ya cea iwɛ̃ nŋa ŋau boodai do isɔ jiida iyi à baaò wa hai ilɛi Taasi, walakɔ do wura iyi wa naa hai Ufaazi. Woo ce icɛi awɔ ŋau, aŋai à ya rɔɔ, nɔ woo ce icɛi wura ŋai à ya ce icɛɛ. Jĩnɛ jiida nkpa ku nɛ fia ŋai à ya daa si, walakɔ bulam bulam. Iwɛ̃ ŋau bɛ fei, inɛ ŋa iyi à nɛ kumà, icɛi awɔ nŋa mbɛ.

Zeremi 16:20

Amanɛ á yɔkɔ ku ce iwɛ̃ ŋa nɔ a jɛ Ilaaɔ̃? Mii ŋa iyi amanɛ á ce, kaa jɛ Ilaaɔ̃.

Daniɛli 2:48

Si anyiɛ, ilaaluu í so Daniɛli lele, nɔ í ceaa amuai amani nkpɔ nkpɔ. Nɔ í so ilɛi Babilɔniu í naa ku jɛ inɛ ngboɛ, nɔ í soo kú jɛ inɛ ngbo iyi í wa antaii woo mài Babilɔni ŋau fei.

Daniɛli 2:49

Ŋɔi Daniɛli í tɔɔ ilaalu í ni ku na Sadaaki do Mesaaki do Abɛdi-Nego ŋa inɛ ngbo ku jɛ si kukpɛ̃i ilɛi Babilɔniu bii gɔ ŋa. Daniɛli inɛ nŋu í wa bi ilaaluu.

Daniɛli 3:14

Ŋɔi ilaalu Nebukanɛsaa í bee ŋa í ni, Sadaaki, Mesaaki, Abɛdi-Nego, ntɔi ì kɔ̀ ku tɔɔ iwɛ̃m ŋau nɔ ì kɔ̀ ku sɛɛbata ku tɔɔ iwɛ̃ iyi ǹ jɔ̀ à ce do wura ǹ jɔ̀ à gũu ŋa?

Daniɛli 3:30

Si anyii nŋu, ilaaluu í jɔ̀ icɛi Sadaaki do Mesaaki do Abɛdi-Nego í gũ lele í kɔ̃ɔsi. Í so ŋai í jilɛ ŋa si inya ilu bɛɛrɛ ŋa si ilɛi Babilɔni.

Daniɛli 5:23

Ì waa ce itĩ ku yikai si gãmɛi Ilaaɔ̃ Lafɛ̃ɛi leleu. Kɔɔfuɛ ŋa iyi à wa inɔ kpasɛ̃i awɔ takaɛu, ì jɔ̀ à koo à so ŋa wa, nɔ ì mɔò atɛ̃ vɛ̃ɛ awɔ do inɛ ngbo ŋa iyi à wa bi tɛɛ, do aboɛ ŋa do aboɛ mmuɛ gɔ ŋa má. Ì kɔ̃ iri ì saabu iwɛ̃ɛ ŋa iyi ì ce do isɔ fũfũ do iyi ì ce do wura do isɔ nkpa do isɔ alala do jĩi do kuta. Mii ŋau bɛ kãma nŋa kù waa yɛ ilu, a kù waa gbɔ ide nɔ a kù nɛ kumà kãma. Nɔ Ilaaɔ̃ nŋu iyi amiɛ fei í wa si awɔ gbugbã nlaɛ, nɔ nŋui wa gbãɛ, i kù mà bɛɛrɛɛ.

Daniɛli 5:4

Ŋɔi à mɔ atɛ̃ vɛ̃ɛu, nɔ à wasi ku saabu iwɛ̃ ŋa iyi à ce do wura ŋau do iyi à ce do isɔ fũfũ ŋau do ti isɔ nkpa ŋau do isɔ alala ŋau do iyi à ce do jĩi ŋa do ti kuta ŋau.

Ozee 2:8

Na nŋu, amu Aɔ̃ Lafɛ̃ɛ, an cĩmbo kpãaɛi do agũ ŋa. An ce bindii n kaakoɛ ku ba ku maà yɛ kpãaɛ ŋau má.

Ozee 8:4

Aŋa taka nŋai à soa ara nŋa ilaalu ŋa, nɔ kù jɛ baa do woodam. À soa ara nŋa akawe ŋa, nɔ kù jɛ do kumàsim. À cea ara nŋa iwɛ̃ ŋa do isɔ fũfũ nŋa ŋa do wura nŋa ŋa, nɔ nŋui í jɛ kpãa gɔ iyi á nyɔ ŋa.

Abakuku 2:19

Inɔ kufɔi á jɛ ti iŋɛ iyi ì sɔ̃ jĩi ì waa ni ku dede, nɔ ì sɔ̃ kuta gɔ iyi kaa yɔkɔ ku fɔ ide ì waa ni ku dede, aŋa iyi a kaa yɔkɔ a kɔ ŋɛ si nkãma, nɔ baa bii í jɛ à bii ŋa do wura do isɔ̃ fũfũ, hunde kãma de kù wa si ŋa.

Woo bɛ ŋa 17:29

Debɛi, si na iyi í jɔ̀ à jɛ amai Ilaaɔ̃ ŋa, kù sĩa ka maa ce lasabu ka ni Ilaaɔ̃ í yɛ bɛi iwɛ̃ iyi amanɛ í lasabu í coo í sĩa do wura walakɔ do isɔ fũfũ walakɔ do kuta.

Woo bɛ ŋa 19:26

Iŋɛ taka nŋɛ ì waa yɔɔ ŋa, ì nɔ ì waa gbɔ ŋa mii iyi Pɔlu wa ce. Wa ni kù jɛ iwɛ̃ ŋa iyi amanɛ ŋa à ce do awɔ nŋai aa tɔɔ. Nɔ í yɔkɔ í kãmia inɛ nkpɔ nkpɔ, kù nɔ kù jɛ baa Efɛɛzu ihɛ̃ nŋu akã, do si ilu nkpɔi ilɛi Azii feii.

Wooda ku kɔsi 7:25

Aa dasi mii ŋa iyi à jɔ iwɛ̃ nŋa ŋa iyi à gbe ŋau fei ina ŋai. I maà jɔ̀ kɔdɛɛ nŋɛ ku lɔ si isɔ fũfũ do wura iyi à daa iwɛ̃ nŋa ŋau si ku ba mii ŋau bɛ a maà na a jɛ nŋɛ cɛkũm, domi mii ŋau bɛ fei, Aɔ̃ Lafɛ̃ɛ wa cɔ ŋa mii laalɔi.

Kuyɛi Zãa 9:20

Do nŋu fei, inɛi andunya ŋa iyi à gbe a kù ku si bɔ̃nɛu à kɔ̀ ku kpaasi idɔ. Nɔ à kɔ̀ ku jɔ̀ mii ŋa iyi à ce do awɔ nŋa ku tɔɔ. À waa mɔsi inɛi inɔɔko ŋa ku tɔɔ do iwɛ̃ ŋa iyi à ce do wura do isɔ fũfũ do isɔ danya do kuta do jĩi ŋa, aŋa iyi a kaa yɔkɔ a gbɔ ide, a kaa nɔ a yɔkɔ a yɛ ilu, hee má jɛ a nɛ.