Daniɛli 2:9 - Bibeli do fee

⁹ Ǹ mà iyi ì tã sɔɔlu i sɔɔm ibo ŋai do ide ŋa iyi aa dasi inɛ ku nyɔ hee waatiu ku maa kpaasi. Ntɔ ntɔ, bii i kù jɔ̀ n kù mà yaasei alam nɔu ŋa, ijuukpã dimi akãi á ba iŋɛ fei. To, i sɔ̃m ala iyi ǹ ceu wa ŋa ku ba n mà iyi aa yɔkɔ i tusɛɛm yaaseɛ ŋa.

Daniɛli 2:9 Iomraidhean Croise

Ilaalu 1, 22:22

Ŋɔi Aɔ̃ Lafɛ̃ɛ í beeɛ í ni, do yaase bɛire. Ŋɔi í ni, an koo nɔ n tale si waliiɛ ŋau fei ibo ku sɔ. Nɔ Aɔ̃ Lafɛ̃ɛ í ni, awɔi aa yɔkɔ i lɛlɛɛ hee i toò kɔɔ. Koo nɔ i ce bɛɛbɛ.

Ilaalu 1, 22:6

Ŋɔi ilaalui Izirɛli í tɔtɔɔ walii ŋa zakai aŋa cĩɔ mɛɛ nɔ í bee ŋa í ni, n bɔ igũ Ramɔti si ilɛi Galaadiu? Mà n jɔ̀ɔɛ. Ŋɔi à jɛaa à ni, koo, Aɔ̃ Lafɛ̃ɛ á daɛ iluu si awɔ.

Ɛsitɛɛ 4:11

ku ni, inɛ fei hai woo ce icɛi ilaalu ŋau do inɛi ilɛ ŋa iyi à wa si bommaɛ fei à mà iyi wooda wa ganji inɛ ŋa a lɔ bi ilaalu. Inɛmɔkɔ walakɔ inaabo iyi í lɔ si inɔ bantumai kpasɛ̃i ilaaluu, bii kù jɛ ilaalui í kpoo, lafɛ̃ɛ á kui, í gbe bii ilaaluu í toaa goloi wuraɛ. Iyi í jɛ ti idei amu takam, ajɔ kuntaai ihɛ̃ bɛbɛi iyi a kù kpem bi ilaaluu.

Mɔnda ŋa 12:19

Ntɔ í ya wɛɛi waati kãma fei, amma ibo ci ya kpɛ.

Ezai 41:23

Ntɔ ntɔ, i sɔ̃ wa mii ŋa iyi á na ku ce ŋa nɔ ka mà iyi ì jɛ saai amu Ilaaɔ̃ ŋai do ntɔ. I ce ngɔgɔ nŋu akã ŋa iyi í jɛ jiida walakɔ iyi í jɛ laalɔ ku ba ka cĩ iju nwa nɔ awa fei ka yɔɔ ajɔ ajɔ.

Ezai 44:25

Nyindai mii ŋa iyi ilu faau ŋa à fɔ ideɛ, amui ǹ ya n ganji ku ce, nɔ amui ǹ ya n fɔtɔtɔi lasabui woo ce alisi ŋa, nɔ amui ǹ ya n jɔ̀ ilu laakai ŋa a nyi do anyi, nɔ ǹ ya n jɔ̀ kumà nŋa ku baa ku jɛi bɛi idei sũmu.

Ezekiɛli 13:17

Awɔ amanɛ, koo ba inaaboi Izirɛli ŋa iyi à waa ce walii do lasabui idɔ nŋau ide ku fɔ i sɔ̃ ŋa laalɔ iyi à waa ce.

Ezekiɛli 13:19

Ì waa bɛjɛ irim ŋai si wajui inɛm ŋa na sɔnda keeke. Ì ya maa sɔa inɛm ŋau ibo ŋai nɔ à ya dasi ŋɛ naanɛ. Ì ya kpa inɛ ŋa iyi i kù nɛ i kpa ŋai nɔ i jɔ̀ inɛ ŋa iyi i kù nɛ i jɔ̀ a wɛɛ ŋa.

Ezekiɛli 13:6

Kuyɛ ŋa iyi à ya maa ceu, lasabui idɔ nŋai nɔ ide nŋa fei iboi. À ya maa ni amu Aɔ̃ Lafɛ̃ɛi ǹ ba aŋa ide ku fɔ wa. Wee kù jɛ amui ǹ bɛ ŋa. Do nŋu fei, à waa cɔ kpãai n jɔ̀ ide nŋa ŋau ku ce.

Daniɛli 2:16

Ŋɔi Daniɛli í dede í bɔ bi ilaaluu nɔ í tɔɔɛ í ni ku muaa nŋu waati si bii nŋu á naa ku sisiaa yaasei alaɛu.

Daniɛli 2:21

Nŋui í ya kpaasi waati ŋa do mii ŋa iyi à waa ce fei. Nŋui í ya kɛkɛ ilaalu ŋa, nɔ nŋui í ya nyi ku jilɛ ŋa má. Nŋui í ya muaa ilu laakai ŋa laakai jiida, nɔ nŋui í ya jɔ̀ ilu bisi ŋa a ba kumà.

Daniɛli 2:8

Ŋɔi ilaaluu í nyi í sisi í fɔ má í ni, ntɔ ntɔ, ǹ mà iyi ì waa bi i ba i ya waati ŋai si na iyi í jɔ̀ ì gbɔ mii iyi ǹ dasi idɔ n ce ŋa.

Daniɛli 3:15

Bɛbɛi i jɔ̀ i wɛɛò sɔɔlu ŋa. Waati iyi aa na i gbɔ anu ku dɔ̃i kuu ŋa, do ti yee, do ti gitaa, to ti mɔɔlɔ, do ti kundigi, hee do jĩnɛi iri ku kɔ̃ dimi ikã ikã ŋa iyi à gbe ŋau fei, i sɛɛbata i tɔɔ iwɛ̃ iyi ǹ jɔ̀ à ce do wurau ŋa. Bii ì kɔ̀ ku tɔɔɛ ŋa, tengi bɛ gbakã, aa so ŋɛi a sɔsi ŋɛ si inɔ ina nla nlau. Nɔ waati bɛɛbɛ, iwɛ̃ yoomai á yɔkɔ ku nya ŋɛ hai si awɔm.

Daniɛli 5:28

PAASINIU bɛ mɔi í jɛ mii gɔ iyi à kpɛ̃. Aa kpɛ̃a inɛi Mɛɛdi ŋa do inɛi Pɛɛsi ŋa bommaɛui.

Daniɛli 7:25

Inɛ nŋui á na ku maa fɔaa Ilaaɔ̃ iyi í wa leleu ide sãmi ŋa, nɔ ku jɔ̀ inɛ ŋa iyi à jɛ inɛɛ ŋau a ba wahala. Á nɛ lasabui nŋu ku kpaasi waati ŋa do wooda ŋa, nɔ a so inɛi Ilaaɔ̃ ŋau a daa si awɔ zakai adɔ̃ mɛɛta do bubu.

Kɔrɛnti 2, 2:17

A kù jɛ bɛi inɛ gɔ ŋa iyi à waa sisi idei Ilaaɔ̃ na fia. Amma si na iyi í jɔ̀ Ilaaɔ̃i í bɛ wa wa, nŋui í jɔ̀ à waa fɔ ide dee dee na anu akã iyi à ce do Kirisi, kù jɛ do muafiti.