Daniɛli 2:48 - Bibeli do fee

⁴⁸ Si anyiɛ, ilaaluu í so Daniɛli lele, nɔ í ceaa amuai amani nkpɔ nkpɔ. Nɔ í so ilɛi Babilɔniu í naa ku jɛ inɛ ngboɛ, nɔ í soo kú jɛ inɛ ngbo iyi í wa antaii woo mài Babilɔni ŋau fei.

Daniɛli 2:48 Iomraidhean Croise

Samuɛli 2, 19:32

Baazilai inɛi Galaadi í naa hai Rogelimu koo leekĩa Davidi hee icei Zuudɛ̃ɛ.

Ilaalu 2, 5:1

Naama inɛ ngboi soogei ilɛi Siri ŋau í nɛ bɛɛrɛ si wajui ilaalu nɔ ilaaluu í buu ntɔ ntɔ. Nɔ í jɛ ilu jirima nla nla, domi do saabuɛi Aɔ̃ Lafɛ̃ɛ í jɔ̀ inɛi Siri ŋa à jɛ igũ. Amma mɔkɔu do gbugbãɛ do kaasãanɛɛ fei wa ce bɔ̃ɔi batai ara.

Zɔɔbu 1:3

Í nɛ angudã dubu mɛɛje si gaaɛ do kpookpo dubu mɛɛta do kɛtɛ ku ce icɛ dubu akã do gbankɛlɛ zãu cĩɔ miiu do woo ce icɛ ŋa nkpɔ nkpɔ si inɔ kpasɛ̃ɛ. Nŋui í nɛ amani í re inɛi ilɛi ideɛ ŋa fei.

Zeremi 5:5

Bɛbɛi bi inɛ ngbo ŋai an bɔ n sɔ̃ ŋa ide, domi ngu ŋa a mà kpãai Ilaaɔ̃ ku too do woodai Aɔ̃ Lafɛ̃ɛ nŋa. Amma aŋa mɔ, aŋaò ŋa fei akãi. Tilasi do anu akã iyi í wa si gãmɛ nŋa do Aɔ̃ Lafɛ̃ɛ nŋau fei, à daai.

Daniɛli 2:6

Amma bii ì sɔ̃m alam nɔu, nɔ ì tusɛɛm yaaseɛ ŋa, aa ba amani ŋa do amua ŋa do bɛɛrɛ nla nla hai bi tom ŋa. Iŋɛ de i sisiim alau do yaaseɛ wa ŋa.

Daniɛli 3:1

Ilaalu Nebukanɛsaa í jɔ̀ à yɔ wura à cea do iwɛ̃ gɔ. Kugbokaɛ í wɛɛi agbãawɔ kita, kucĩɛ mɔ agbãawɔ mɛɛfa. Nɔ í jɔ̀ à koo à gũu si lɔɔmai Dura si kukpɛ̃i ilɛi Babilɔniu.

Daniɛli 3:12

To, Zuifu ŋa iyi ì so inɛ ngbo ku jɛi kukpɛ̃i ilɛi Babilɔni ì daa si awɔ ŋau, Sadaaki do Mesaaki do Abɛdi-Nego, a kù saalu woodaɛu. À kɔ̀ ku tɔɔ iwɛ̃ɛ ŋau, nɔ a kù tɔɔ mii iyi ì ce do wura ì jɔ̀ à gũu.

Daniɛli 3:30

Si anyii nŋu, ilaaluu í jɔ̀ icɛi Sadaaki do Mesaaki do Abɛdi-Nego í gũ lele í kɔ̃ɔsi. Í so ŋai í jilɛ ŋa si inya ilu bɛɛrɛ ŋa si ilɛi Babilɔni.

Daniɛli 4:6

Ŋɔi ǹ sɔ̃ɔ ǹ ni, Bɛlitasaa awɔ inɛ ngboi woo ce alisi ŋau, ǹ mà iyi iwɛ̃ jiida ŋa à wa siɛ. Idei asii kãma kaa muɛ biti. Na nŋu, tusɛɛm yaasei ala iyi ǹ ceu bɛ wa.

Daniɛli 4:9

Jĩi nɔu, wuaɛ ŋa à sĩa, nɔ isoɛ ŋa à kpɔ bɛi inɛ fei á ba iyi á jɛ. Si abɛɛ bɛi mɛɛmui sako ŋa à ya sũ, nɔ si amaawɔɛ ŋaui yɛi ŋa à ya de. Mii ilu hunde fei, bi tɛɛ bɛi à ya ba sɔnda nŋa.

Daniɛli 5:11

Inɛ gɔ í wa si bommaɛ ihɛ̃ iyi í nɛ iwɛ̃ jiida ŋa. Waati iyi baaɛ í wɛɛ si hunde, bi lafɛ̃ɛi à ba inya kumá do kumà, do laakai iyi í jɛ dimi akã do ti iwɛ̃ jiida ŋa. Na ŋɔi í jɔ̀ baaɛ ilaalu Nebukanɛsaa í soo í jɛ inɛ ngboi woo ce alisi ŋa do woo ce dobu dobu ŋa do inɛi Kaladee ŋa do inɛ ŋa iyi à ya mà yaasei leleaɔ̃ ŋa.

Daniɛli 5:16

Nɔ ǹ gbɔ à ni ì ya gbɔ yaasei mii ŋa iyi à gaabu fei nɔ ì ya ba iwɔi ide kugaabu ŋa mɔ fei. To, nsɛi bii í jɛ aa yɔkɔ i ciom kukɔu ihɛ̃ nɔ i tusɛɛm yaaseɛ, aa daɛ si ibɔ kusĩa ŋa, nɔ a daɛ si sabai wura si kɔ̃ɔ, nɔ si bommai ilɛu, inya mɛɛtasiau, titɛɛi á jɛ.

Daniɛli 5:29

Ŋɔi gbakã Bɛlisasaa í ni a daa Daniɛli si ibɔ kusĩau, nɔ a daa si sabai wura, nɔ a naa inya mɛɛtasiai bommai ilɛu.

Daniɛli 5:7

Ŋɔi í dɔ̃ anu do gbugbã, nɔ í na wooda í ni a kpea nŋu woo ce dobu dobu ŋau wa do inɛi Kaladee ŋau do woo mà yaasei leleaɔ̃ ŋau. [Waati iyi woo mà ŋau à to wa,] nɔ í sɔ̃ ŋa í ni, inɛ baa yooma iyi í yɔkɔ í cio kukɔu ihɛ̃, nɔ í tusɛɛm yaaseɛ, ibɔ kusĩa ŋai an daa si, nɔ n daa si sabai wura si kɔ̃ɔɛ, nɔ inya mɛɛtasia si bommau, titɛɛi á jɛ.

Daniɛli 8:27

Ŋɔi amu Daniɛli, ǹ kua gbugbã ajɔ nkpɔ nkpɔ nɔ ǹ ce bɔ̃ɔ. Si anyiɛ, nɔ ǹ dede ǹ wa n cea ilaalu wũaɛ ŋa. Ǹ cukui hee ilɛ na kuyɛu, domi n kù gbɔ yaaseɛ.

Kuka 24:11

Bɛbɛi, sinda i koo i nɛ ideɛ. Ǹ wã n gbaɛ do bɛɛrɛi wo nɔ n ceɛ mii jiida ŋa, amma wee Aɔ̃ Lafɛ̃ɛ í jɔ̀ i kaa baa má.

Samuɛli 1, 17:25

Nɔ à waa ni, ì yɛ mɔkɔu ihɛ̃ ŋa? Í fita wai na ku nyaanyi wa. Inɛ iyi í yɔkɔ í kpaa, ilaalu á muaa amani bututu nɔ á so ama mudɛ̃ɛɛ ku muaa ku jɛ aboɛ, nɔ ku jɔ̀ inɛi kpasɛ̃ɛ ŋa fei a nɛ ara nŋa nɔ kàa tilasi ŋa si nkãma má.

Samuɛli 1, 2:8

Awɔi ì ya dede kãma iyi í cuku ilɛ, nɔ ì ya nya ilu are hai si inɔ goo bi ku dikã mii riisi ŋa. Nɔ ì ya jɔ̀ a buba do inɛ nla ŋa, nɔ ì ya jɔ̀ a nɛ bɛɛrɛ. Awɔi ì jilɛ icui ilɛ, nɔ si antaiɛi ì lesi andunya.

Samuɛli 1, 25:2

Mɔkɔ ilu amani nla nla gɔ í wa Maɔ̃ɔ. Í nɛ angudã dubu mɛɛta (3.000) do iwo dubu akã (1.000). Ikoɛ í wa kɔkɔi ilui Kaamɛli, nɔ ajɔ nŋu gɔ mɔkɔu í bɔ Kaamɛli ntoi angudãɛ ŋa ku ja.