Daniɛli 2:47 - Bibeli do fee

⁴⁷ Ŋɔi ilaaluu í sɔ̃ Daniɛli má í ni, ntɔ ntɔ, Aɔ̃ Lafɛ̃ɛ nŋɛ í re iwɛ̃ ŋa fei. Nŋui í jɛ Lafɛ̃ɛi ilaalu ŋa, nɔ nŋu akãi í ya jɔ̀ inɛ ku gbɔ yaasei asii ŋa, domi ì yɔkɔ ì tusɛɛm yaasei idei asiiu ihɛ̃.

Daniɛli 2:47 Iomraidhean Croise

Kusintii Andunya 41:39

Ŋɔi í sɔ̃ Zozɛfu í ni, si bɛi Ilaaɔ̃ í nyisiɛ fei ndɛɛu, inɛ gɔ kù wɛɛ iyi í nɛ bisi do laakai bii kù jɛ awɔ má.

Ilaalu 2, 5:15

Ŋɔi Naama í nyi wa bi waliiu nŋu do inɛ ŋa iyi à waa tooɛ ŋau fei. Iyi í to wa, ŋɔi í koo í leekĩ wajuɛ nɔ í ni, bɛbɛi ǹ mà iyi iwɛ̃ kãma gɔ kù nɛ gbugbã bɛi Ilaaɔ̃ Lafɛ̃ɛi inɛi Izirɛli ŋa iyi í wa ilɛi Izirɛli. Nsɛi, ǹ wa n tɔɔɛi, i gba amua iyi ǹ wa n naɛ.

Zɔɔbu 12:19

Nŋui í ya jɔ̀ a mu woo wee ŋa mɔ aru a maa nɛò ŋa kutɛ ngbɛ, nɔ ku kɛkɛ bomma iyi í wɛɛu.

Iri ku kɔ̃ 136:2

I saabu Ilaaɔ̃ nŋu iyi í re iwɛ̃ ŋa, domi kubiɛ í ya maa wɛɛi hee do ajɔ fei.

Iri ku kɔ̃ 136:3

I saabu Aɔ̃ Lafɛ̃ɛi lafɛ̃ɛ ŋa, domi kubiɛ í ya maa wɛɛi hee do ajɔ fei.

Iri ku kɔ̃ 72:11

Ilaalu ŋau fei aa sɛɛbatai si wajuɛ, nɔ dimi ŋau fei aa sũa iri ilɛi,

Iri ku kɔ̃ 82:1

Iriu ihɛ̃ ti Azafui. Ilaaɔ̃ í wa si inɔi inɛɛ ŋa, nɔ wa kiiti si aninii inɛi lelei Aɔ̃ ŋa, í ni,

Iri ku kɔ̃ 96:4

Aɔ̃ Lafɛ̃ɛ í la nɔ í to a cũu. Nŋui inɛ fei í nɛ ku ce njoɛ ku re iwɛ̃ ŋa.

Ezekiɛli 26:7

Ntɔ ntɔ, amu Aɔ̃ Lafɛ̃ɛ ǹ wa n fɔi si gãmɛi inɛi Tii ŋa iyi an jɔ̀ Nebukanɛsaa ilaalui Babilɔni iyi í re ilaalu ŋa fei ku naa siɛ wa hai do ikpa awɔi njɛi kpãai inunu. Á naai do acĩ ŋa do sarɛtii igũ ŋa do masa ŋa do sooge ŋa nkpɔ nkpɔ.

Daniɛli 11:36

Mii iyi ilaaluu í bii á ce. Á so araɛ lele, á maa tɔɔ fufu si iwɛ̃ ŋau fei, nɔ á maa fɔ ide hai nɛ yaase ŋa si gãmɛi Ilaaɔ̃ nŋu iyi í jɛ irii mii fei. Mii iyi wa ce fei, á maa nɛi hee idɔɔkɔ̃i Ilaaɔ̃ koo dedeò. Waati bɛɛbɛi Ilaaɔ̃ á ce mii iyi í dasi idɔ ku ceu.

Daniɛli 2:19

Ŋɔi Ilaaɔ̃ í sɔ̃ Daniɛli yaasei alau si kuyɛ iyi í ce idũ. Ŋɔi Daniɛli í saabu Ilaaɔ̃ Lafɛ̃ɛi leleu.

Daniɛli 2:22

Nŋui í ya sisia inɛ mii iyi í jĩisa nɔ wa manji. Nŋui í mà mii iyi í wa si ilu kuku, nɔ bi titɛɛi inya kumá í wa.

Daniɛli 2:28

Amma lelei Aɔ̃, Ilaaɔ̃ í wa bɛ. Nŋui í ya fɔ yaasei asii ŋa, nɔ nŋui í jɔ̀ Nebukanɛsaa í mà mii ŋa iyi á na ku ce do waju. To, mii iyi ì yɛ si waati iyi ì waa sĩ njoou wee.

Daniɛli 2:29

Ilaalu lafɛ̃ɛ, si waati iyi ì waa sũ, ì ce lasabu ŋa si gãmɛi mii ŋa iyi á na ku ce do waju. Nɔ inɛ iyi í jɛ woo fɔ asii ŋau í jɔ̀ ì mà mii iyi á na ku ce.

Daniɛli 2:30

Bii í sɔ̃ amu yaasei alau, kù jɛ si na iyi í jɔ̀ laakaii amu í re ti inɛ ŋa iyi à wɛɛ si hunde fei, amma na i ba inɛ iyi á tusɛɛ yaaseɛi nɔ i mà mii iyi í jɔ̀ zigiɛ wa da.

Daniɛli 2:37

Ilaalu, awɔi ì la ì re ilaalu ŋa fei. Ilaaɔ̃ Lafɛ̃ɛi leleui í jɔ̀ ì jɛ bomma, nɔ í muuɛ gbugbã do bɛɛrɛ.

Daniɛli 3:15

Bɛbɛi i jɔ̀ i wɛɛò sɔɔlu ŋa. Waati iyi aa na i gbɔ anu ku dɔ̃i kuu ŋa, do ti yee, do ti gitaa, to ti mɔɔlɔ, do ti kundigi, hee do jĩnɛi iri ku kɔ̃ dimi ikã ikã ŋa iyi à gbe ŋau fei, i sɛɛbata i tɔɔ iwɛ̃ iyi ǹ jɔ̀ à ce do wurau ŋa. Bii ì kɔ̀ ku tɔɔɛ ŋa, tengi bɛ gbakã, aa so ŋɛi a sɔsi ŋɛ si inɔ ina nla nlau. Nɔ waati bɛɛbɛ, iwɛ̃ yoomai á yɔkɔ ku nya ŋɛ hai si awɔm.

Daniɛli 3:28

Ŋɔi Nebukanɛsaa í ni, ka saabu Ilaaɔ̃ Lafɛ̃ɛi Sadaaki, do Mesaaki do Abɛdi-Nego iyi í bɛ inɛ gɔ wa í naa í faaba woo ce icɛɛ ŋa, domi à dasiɛ naanɛ, nɔ à kɔ̀ ku jirima woodai amu ilaalu, nɔ à jɛsi aŋa a ba ijuukpã do iyi aŋa aa koo a tɔɔ iwɛ̃ gɔ nɔ a fũsi Ilaaɔ̃ Lafɛ̃ɛ nŋa awɔ.

Daniɛli 3:29

Nsɛi bɛbɛi, wooda iyi ǹ wa n na wee. Woodau í kã inɛ baa yooma fei, do zamaa fei, do inɛi ilɛ ŋa fei do fee dimi ikã ikã ŋa fei. Inɛ iyi á fɔ ide ku maa yaako Ilaaɔ̃ Lafɛ̃ɛi Sadaaki do Mesaaki do Abɛdi-Nego bɛbɛi, aa bububu lafɛ̃ɛi nɔ a lɛgɛ ileɛ ku baa ku ce timtim, domi iwɛ̃ gɔ kù wɛɛ iyi á yɔkɔ ku faaba inɛ bɛi nŋu má.

Daniɛli 4:17

Ì yɛ jĩi nla nla gɔ iyi í na í nɛ gbugbã ntɔ ntɔ. Jĩi nɔu í gboka hee wa bɔ ku lu lelei Aɔ̃, nɔ inɛi andunya ŋa fei à ba à waa yɔɔ.

Daniɛli 4:25

Ide ŋa iyi Daniɛli í sɔ̃ ilaalu Nebukanɛsaau, fei ndɛɛ í na í baa.

Daniɛli 4:32

Baa do iyi inɛi andunya ŋa à kpɔ fei, a kù to nkãma si wajuɛ. Hunde ŋa iyi à wa lele hee do amanɛ ŋa iyi à wa si ilɛ ihɛ̃, bɛi í bii í ya ce nŋa. Inɛ kãma kù wɛɛ iyi á jɛ ku kɔ̀ ide si wajuɛ, nɔ inɛ kãma kaa jɛ ku beeɛ ku ni, mii ì waa ce bɛ.

Daniɛli 5:11

Inɛ gɔ í wa si bommaɛ ihɛ̃ iyi í nɛ iwɛ̃ jiida ŋa. Waati iyi baaɛ í wɛɛ si hunde, bi lafɛ̃ɛi à ba inya kumá do kumà, do laakai iyi í jɛ dimi akã do ti iwɛ̃ jiida ŋa. Na ŋɔi í jɔ̀ baaɛ ilaalu Nebukanɛsaa í soo í jɛ inɛ ngboi woo ce alisi ŋa do woo ce dobu dobu ŋa do inɛi Kaladee ŋa do inɛ ŋa iyi à ya mà yaasei leleaɔ̃ ŋa.

Amɔsu 3:7

Ntɔ ntɔ Aɔ̃ Lafɛ̃ɛ kaa ce ngɔgɔ iyi kù sɔ̃ walii woo ce icɛɛ ŋa si asii titã.

Kɔrɛnti 1, 14:25

Nɔ lasabuɛ á fita gbugbã, nɔ ku gulɛ ku tɔɔ Ilaaɔ̃ ku ni, ntɔi, Ilaaɔ̃ í wa si anini nŋɛ.

Wooda ku kɔsi 10:17

domi ntɔ ntɔ, nŋui í jɛ Aɔ̃ Lafɛ̃ɛ iyi í nɛ gbugbã í re iwɛ̃ ŋa fei, nɔ nŋui í jɛ Lafɛ̃ɛi lafɛ̃ɛ ŋa, nŋui í la, í nɛ gbugbã nɔ nŋui inɛ ŋa à nɛ a ce njoɛ. Bi tɛɛ, inɛ gɔ kù re inɛ gɔ, nɔ ci ya gba amua iyi kù jɛ dee dee.

Timɔtee 1, 6:15

Ilaaɔ̃, nŋu iyi í jɛ icui inɔ didɔ̃ fei, á jɔ̀ ajɔu ku to wa si waatiɛ. Nŋu akã lege legei í nɛ yiiko si mii fei, nŋui í jɛ ilaalui ilaalu ŋa, do Lafɛ̃ɛi lafɛ̃ɛ ŋa.

Zozue 22:22

ntɔ ntɔ Aɔ̃ Lafɛ̃ɛ í wɛɛ, í nɔ í mà mii iyi í jɔ̀ à ce bɛɛbɛ. Nɔ inɛi Izirɛli ŋau fei aa na a mà. Bii í jɛ à waa kɔ̀ ide si wajui Aɔ̃ Lafɛ̃ɛi, bii í nɔ í jɛ taale nla nla gɔi à ce si wajui Aɔ̃ Lafɛ̃ɛ, hai nnyi ku maà jɔ̀ kuwɛɛ nwa ku bɔ waju má.

Kuyɛi Zãa 17:14

Aa ce igũ do ama angudãu, amma ama angudãu á jɛ ŋa igũ si na iyi í jɔ̀ í jɛ Lafɛ̃ɛi lafɛ̃ɛ ŋa nɔ í jɛ ilaalui ilaalu ŋa. Nɔ ilu naanɛ ŋa iyi Ilaaɔ̃ í kpe í cica, aŋaò ama angudãu aa jɛ igũ ajɔ.

Kuyɛi Zãa 19:16

Si ibɔɛ do si itãɛ à kɔ iriɛ à ni, Ilaalui ilaalu ŋa do Lafɛ̃ɛi lafɛ̃ɛ ŋa.