Daniɛli 2:46 - Bibeli do fee

⁴⁶ Ŋɔi ilaalu Nebukanɛsaa í sɛɛbata hee ilɛ si wajui Daniɛli, nɔ í ni a cea nŋu kuwee ŋa nɔ a joa tuae ku dɔ̃ inunu ŋa nŋu ku saabuò Daniɛli.

Daniɛli 2:46 Iomraidhean Croise

Ɛsidarasi 6:10

Si bɛɛbɛi aa yɔkɔ a cea Ilaaɔ̃ nŋu iyi í taka lele kuwee iyi í nɛ inunu didɔ̃ nɔ a cea amu ilaaluu do amam ŋa kutɔɔ si kuwɛɛ nwa.

Daniɛli 3:5

Waati iyi aa gbɔ anu ku dɔ̃i kuu ŋa fei, do ti yee, do ti gitaa, do ti mɔɔlɔ, do ti kundigi hee do ti jĩnɛi iri ku kɔ̃ ikã ikã fei, aa sɛɛbata ŋai i tɔɔ iwɛ̃ iyi à ce do wura iyi ilaalu Nebukanɛsaa í jɔ̀ à gũu.

Daniɛli 3:7

Na nŋu, waati iyi inɛ ŋa à gbɔ anu ku dɔ̃i kuu, do ti yee, do ti gitaa, do ti mɔɔlɔ, do ti kundigi hee do ti jĩnɛi iri ku kɔ̃ ikã ikã ŋau bɛ fei, zamaau fei, do dimi fei, do fee ikã ikã ŋau fei, à ya sɛɛbata a tɔɔ mii iyi à ce do wura iyi ilaalu í jɔ̀ à gũui.

Daniɛli 8:17

Ŋɔi í naa kɔkɔi tengi bii ǹ wau. Waati iyi wa naa, zigim í dai ntɔ ntɔ nɔ ǹ sɛɛbata si wajuɛ. Ŋɔi í sɔ̃m í ni, awɔ amanɛ, gbɔ yaasei kuyɛu ihɛ̃. Kuyɛu ihɛ̃, idei waatii iri ku kpai andunyai wa fãa.

Kuwee 26:31

An lɛgɛ ilu nŋɛ ŋai a kpɔò bomma, ile bi kuwee nŋɛ ŋau mɔ a gbe ngbɛ, nɔ inunui tuae nŋɛ ŋau kaa dɔ̃ɔm si má.

Luku 17:16

Waati iyi í to wa bi Jesu nɔ í sɛɛbata si wajuɛ wa saabuɛ. Wee mɔkɔu inɛi Samarii.

Woo bɛ ŋa 10:25

Iyi Piɛɛ wa bi ku lɔ inɔ kpasɛ̃u ŋɔi Kɔɔnɛi í bɔ ku koɛ. Nɔ í koo í sɛɛbata si wajuɛ.

Woo bɛ ŋa 14:13

Wee ilei iwɛ̃ iyi à ya kpe Zusiu í wa hai do angulei bi ku lɔi iluu wa. Ŋɔi inɛ ŋa à koo à dɛ kɛtɛ kombo ŋa wa nɔ à ce booda do kokoi jĩi ŋa à da nŋa si kɔ̃ɔ. Nɔ woo weei Zusiu í naaò ŋa wa andɛ koofai iluu. Nŋu do inɛ ŋau fei à waa bi a cea woo bɛ ŋau kuwee.

Woo bɛ ŋa 28:6

Ŋɔi inɛ ŋau à waa cɔɔ mà araɛ á na ku wu walakɔ mà á na ku ku. Amma à kpɛ bɛ nɔ nkãma kù ce nɔ à kpaasi ide à ni inɛɛu ihɛ̃ iwɛ̃ nla nla gɔi.

Kuyɛi Zãa 11:16

Waati bɛɛbɛi inɛ ngbo kɔnfia do mɛɛ ŋa iyi à waa buba si kitãi bomma nŋa si wajui Ilaaɔ̃u à sɛɛbata à waa tɔɔɛ

Kuyɛi Zãa 19:10

Ŋɔi ǹ sɛɛbata ku ba n tɔɔɛ, amma í ni, maà ce bɛɛbɛ. Amu mɔ woo ce icɛi bɛi awɔ do bɛi kpaasiɛ ŋa iyi à waa mu ide ntɔ iyi Jesu í nyisi wau. Tɔɔ Ilaaɔ̃. Ide ntɔ iyi Jesu í nyisi wau nŋui í jɛ icui idei walii fei.

Kuyɛi Zãa 22:8

Amu Zãa ǹ gbɔ ideu ihɛ̃, nɔ ǹ yɛ mii ŋau. Iyi ǹ gbɔɔ nɔ ǹ yɔɔ ǹ tã, ŋɔi ǹ sɛɛbata si wajui amaleka iyi í nyisim fei ndɛɛu ku ba n tɔɔɛ.