Daniɛli 2:45 - Bibeli do fee

⁴⁵ Ide nŋui kuta iyi ì yɛ í ga wa hai si iri kuta iyi kù jɛ awɔi amanɛi í gaa wau wa fɔ. Kutau í cuku wai ku na ku lɛgɛ isɔu, do isɔ nkpau, do amàu, do isɔ fũfũu, do wurau ku nya fufu nŋa. Do yaase bɛɛbɛi Ilaaɔ̃ nla í bi ku jɔ̀ i mà mii iyi á na ku ce do waju. Alaɛu, kuyɛ gɔi iyi í jɛ ntɔ, nɔ kutusɛɛu mɔ, inɛ í nɛ ku dasi naanɛi.

Daniɛli 2:45 Iomraidhean Croise

Kusintii Andunya 41:26

Kɛtɛ kusĩa mɛɛje ŋau adɔ̃ meeje mbɛ. Iya sako jiida mɛɛjeu mɔ adɔ̃ mɛɛje mbɛ. Aŋa fei ala akãu mbɛ.

Kusintii Andunya 41:28

Faraɔ̃, si bɛi ǹ tako ǹ sɔ̃ɛu mbɛ, Ilaaɔ̃i wa nyisiɛ mii iyi nŋu á na ku ce.

Kusintii Andunya 41:32

Iyi í jɔ̀ awɔ Faraɔ̃ ì ce alau hee isɛ gbeeji, Ilaaɔ̃i í jilɔɔ bɛɛbɛ, kaa nɔ ku kpɛtɛ ku coo.

Samuɛli 2, 7:22

Ì la, awɔ Aɔ̃ Lafɛ̃ɛ, nɔ inɛ kãma kù jɛ saaɛ, nɔ Aɔ̃ mmu kãma kù wɛɛ má bii kù jɛ awɔ, si bɛi à sisi nwa ideɛ à gbɔɔ do itĩ nwa.

Bomma 1, 16:25

Aɔ̃ Lafɛ̃ɛ í la nɔ í to a cũu. Nŋui inɛ fei í nɛ ku mà bɛɛrɛɛ ku re iwɛ̃ ŋa.

Neemi 4:14

Bii ì gbɔ imui kuu ŋa, i ya tɔtɔɔ wa bi tu wa do ikpa bii ì gbɔɔu ŋa. Aɔ̃ Lafɛ̃ɛ nwa á ja nwa.

Neemi 9:32

Awɔ Aɔ̃ Lafɛ̃ɛ nwa, ì la nɔ ì nɛ gbugbã do amboe. Akabuu iyi ì dĩ do awau ì waa muu, nɔ ì nɛ araare nwa. Hai waatii ilaalui Asiri ŋau wa hee ku baa nnyi à wa si wahala awa do ilaalu nwa ŋa do inɛ ngbo nwa ŋa do woo wee nwa ŋa do walii nwa ŋa do bala nwa ŋa do zamaaɛ fei. Aɔ̃ Lafɛ̃ɛ, maà cɔ wahala nwa ŋau bɛi mii keeke.

Zɔɔbu 36:26

Ilaaɔ̃ í la nɔ a kù mà bɛi kulaɛu í to. A kaa ka yɔkɔ ka ce dooi kukpɔi adɔ̃ɛ ŋa.

Iri ku kɔ̃ 135:5

Ntɔ ntɔ ǹ mà iyi Aɔ̃ Lafɛ̃ɛ í la, nɔ Aɔ̃ Lafɛ̃ɛ nwai í wa si antaii iwɛ̃ baa yooma fei.

Iri ku kɔ̃ 145:3

Aɔ̃ Lafɛ̃ɛ, ì la nɔ ì to a maa cĩɛ. Kulaɛ kù nɛ kɔɔ.

Iri ku kɔ̃ 2:9

Ilɛ ŋau aa maa gbã ŋai do goloi isɔ nɔ aa lɛgɛ ŋai bɛi à ya lɛgɛ cakai amà.

Iri ku kɔ̃ 48:1

Iriu ihɛ̃ ti amai Kore ŋai.

Iri ku kɔ̃ 96:4

Aɔ̃ Lafɛ̃ɛ í la nɔ í to a cũu. Nŋui inɛ fei í nɛ ku ce njoɛ ku re iwɛ̃ ŋa.

Ezai 28:16

Na ŋɔi í jɔ̀ Aɔ̃ Lafɛ̃ɛ í fɔ í ni, an jilɛ kutai icui ile Siɔ̃ɔ. Kutai iyi an jilɛò icui ileu kuta ku nɛ bɛɛrɛ gɔi iyi í nɛ gbugbã ntɔ ntɔ. Do nŋui an cɔò laakai nŋɛ. Inɛ iyi í dasim naanɛ, bɛɛbɛi nŋu mɔ á nɛ gbugbã dim dim.

Daniɛli 2:24

Si anyii nŋu, Daniɛli í dede í bɔ bi Ariɔku, inɛ iyi ilaalu í na wooda í ni ku kpa woo mài Babilɔni ŋau, Daniɛli í bɛi í ni ku maà saasa ku kpa woo mài Babilɔni ŋau. Í sɔ̃ inɛɛu í ni, gbã i bɔɔm bi ilaaluu, amu an tusɛaa yaasei alaɛu.

Daniɛli 2:28

Amma lelei Aɔ̃, Ilaaɔ̃ í wa bɛ. Nŋui í ya fɔ yaasei asii ŋa, nɔ nŋui í jɔ̀ Nebukanɛsaa í mà mii ŋa iyi á na ku ce do waju. To, mii iyi ì yɛ si waati iyi ì waa sĩ njoou wee.

Daniɛli 2:29

Ilaalu lafɛ̃ɛ, si waati iyi ì waa sũ, ì ce lasabu ŋa si gãmɛi mii ŋa iyi á na ku ce do waju. Nɔ inɛ iyi í jɛ woo fɔ asii ŋau í jɔ̀ ì mà mii iyi á na ku ce.

Daniɛli 2:44

Si waatii ilaalu ŋau bɛ, Ilaaɔ̃ Lafɛ̃ɛi lele á jilɛ bomma gɔ iyi kaa ce nfe ajɔ kãma, nɔ kaa jɛ arui dimi mmu kãma gɔ má. Bommau á lɛgɛ bomma ŋa iyi à cuaa wa ŋau feii, nɔ ku kpa irii kuwɛɛ nŋa. Bommau á maa wɛɛi hee do ajɔ fei.

Daniɛli 8:25

Do saabui bisiɛi á ya ba ku zambaò inɛ ŋa. Faaui á waa si idɔ, nɔ si waati iyi laakai ku sũ í wɛɛ ntɔ ntɔ, waati bɛɛbɛi á ce nfei zamaa nkpɔ nkpɔ. Á dedeò ija si gãmɛi ilaalui ilaalu ŋa. Amma ilaalui ilaalu ŋau á lɛgɛɛi, nɔ kaa jɛ do sobii inɛ kãma.

Azee 2:22

An kɛkɛ bommai ilaalu ŋa nɔ an ce nfei gbugbã nŋa. An kɛkɛ sarɛti ku ce igũ ŋa do inɛ ŋa iyi à wa si inɔɛ ŋa. Nɔ acĩ ŋau do inɛ ŋa iyi à waa gũ ŋa ŋau aa cukui. Nɔ akã akã do taakubai aa kpaò njɛ.

Zakari 12:3

Ajɔ nŋu, an jɔ̀ Zeruzalɛmu ku yɛa dimii andunya fei bɛi kuta kuwo gɔ. Inɛ ŋa iyi à bi a wuu fei aa mɛɛ ara nŋai. Nɔ dimii andunya fei á dede si iluui ajɔ.

Malasi 1:11

Hai nunui daakɔ hee ku bɔ nunui alɛ inɛi andunya ŋa fei à mà bɛɛrɛm. À ya maa joom tuae ŋa bii fei, nɔ à ya maa ceem kuwee ŋa ku ba a nyisiò bɛɛrɛi irim. Do ntɔ inɛi andunya ŋa fei à mà bɛɛrɛm.

Matie 21:24

Ŋɔi Jesu í jɛ nŋa í ni, amu mɔ an bee ŋɛ ide gɔ. Bii ì yɔkɔ ì jɛɛm ŋa, amu mɔ an sɔ̃ ŋɛ inɛ iyi í nam kpãa ǹ wa n ceò mii ŋau ihɛ̃.

Matie 24:35

Lele do ilɛ fei á na ku tã, amma idem ŋa a kaa tã pai.

Luku 17:20

Ŋɔi Farisi ŋau à bee Jesu à ni, ajɔ yoomai Ilaaɔ̃ á na ku jɛ bommaɛ. Ŋɔi í jɛ nŋa í ni, Ilaaɔ̃ kaa jɛ bommaɛ do yaase bɛi inɛ ŋa aa yɔɔ.

Wooda ku kɔsi 10:17

domi ntɔ ntɔ, nŋui í jɛ Aɔ̃ Lafɛ̃ɛ iyi í nɛ gbugbã í re iwɛ̃ ŋa fei, nɔ nŋui í jɛ Lafɛ̃ɛi lafɛ̃ɛ ŋa, nŋui í la, í nɛ gbugbã nɔ nŋui inɛ ŋa à nɛ a ce njoɛ. Bi tɛɛ, inɛ gɔ kù re inɛ gɔ, nɔ ci ya gba amua iyi kù jɛ dee dee.

Kuyɛi Zãa 1:19

Na nŋu, kɔ iyi ì yɛ, iyi wa ce nsɛi do iyi á na ku ce si anyiɛ.

Kuyɛi Zãa 19:17

Nɔ ǹ yɛ amaleka gɔ má wa leekĩ si inunu. Nɔ í dɔ̃ anu wa kpe yɛi ŋa iyi à waa fo hee lelei Aɔ̃ fei wa ni, i naa i tɔtɔɔ i jɛ jingau nlai Ilaaɔ̃ ŋa.

Kuyɛi Zãa 4:1

Si anyii nŋu bɛ, si kuyɛ ǹ yɛ gambo gɔ í cĩ lelei Aɔ̃. Inɛ iyi í tako í bam ide ku fɔ wo, nŋu iyi imuɛ í yɛ bɛi ti kãakãakĩ, í bam ide ku fɔ má í ni, gũ wa ihɛ̃ n nyisiɛ mii iyi á na ku naa si anyiɛ.