Daniɛli 2:44 - Bibeli do fee

⁴⁴ Si waatii ilaalu ŋau bɛ, Ilaaɔ̃ Lafɛ̃ɛi lele á jilɛ bomma gɔ iyi kaa ce nfe ajɔ kãma, nɔ kaa jɛ arui dimi mmu kãma gɔ má. Bommau á lɛgɛ bomma ŋa iyi à cuaa wa ŋau feii, nɔ ku kpa irii kuwɛɛ nŋa. Bommau á maa wɛɛi hee do ajɔ fei.

Daniɛli 2:44 Iomraidhean Croise

Kusintii Andunya 49:10

Batai bomma kaa fita hai si dimii Zudaa. Akpai bommau á maa wɛɛa tɔkuɛ ŋa hee Siloo koo toò wa. Nŋui zamaa á sũa iri ilɛ.

Samuɛli 2, 7:13

Nŋui á na ku ma ileu do irim, nɔ an jɔ̀ kitãi bommaɛ ku ba gbugbã hee do ajɔ fei.

Samuɛli 2, 7:16

Inɛi kpasɛ̃ɛ gɔi á ya jɛ bomma waati kãma fei. Nɔ bommaɛ á maa nɛ gbugbãi hee do ajɔ fei.

Iri ku kɔ̃ 145:13

Bommaɛ, bomma gɔi iyi á maa wɛɛ hee do ajɔ fei. Nɔ gbugbãi bommaɛu á maa wɛɛi hee si tɔku do tɔku ŋa fei. Aɔ̃ Lafɛ̃ɛ, awɔ ilu naanɛi si kuwãɛ ŋa fei. Ì ya nyisi kubiɛi si mii ŋa iyi ì waa ce fei.

Ezai 60:12

Ilɛ gɔ, walakɔ bomma gɔ iyi í kɔ̀ ku ceɛ icɛ fei, í nɛ ku kpa irii. Ilɛ dimi bɛɛbɛ ŋa aa na a tãi mam mam.

Ezekiɛli 37:25

Aa bubai si ilɛ iyi ǹ na Zakɔbu woo ce icɛm nɔu tengi bii bala nŋa ŋa à bubau. Aa wa bɛi do ama nŋa ŋa do tɔku nŋa ŋa hee do ajɔ fei. Davidi woo ce icɛm nii á jɛ ilaalu nŋa do ajɔ fei.

Daniɛli 2:28

Amma lelei Aɔ̃, Ilaaɔ̃ í wa bɛ. Nŋui í ya fɔ yaasei asii ŋa, nɔ nŋui í jɔ̀ Nebukanɛsaa í mà mii ŋa iyi á na ku ce do waju. To, mii iyi ì yɛ si waati iyi ì waa sĩ njoou wee.

Daniɛli 2:34

Ŋɔi ì waa cɔ mii iyi à gbeu hee í koo í to waati iyi kuta gɔ í ga wa nɔ kù jɛ awɔi amanɛi í gaa wa. Kuta iyi í ga wau í naa í cã kutɛi mii iyi à gbe iyi bii gɔɛ ŋa í jɛ isɔ, nɔ bii gɔ ŋa mɔ í jɛ do amàu í lɛgɛ ŋa í nya fufuɛ.

Daniɛli 2:35

Ŋɔi anu akã, isɔu do amàu do isɔ nkpau do isɔ fũfũu do wurau, fei ndɛɛ í baa í ce fufu, hee fufu iyi wa ce í soo wa nɛò bɛi fɔfɔ ŋa iyi fufu í ya so ku maa nɛò waati iyi à waa fɛ amaajɛ ŋa hee inɛ kaa yɛ baa tuubaɛ mɔm. Amma kuta iyi í naa í lɛgɛ mii iyi à gbeu, í baa í ce iri kuta nla nla, nɔ í gba andunyau fei.

Daniɛli 2:37

Ilaalu, awɔi ì la ì re ilaalu ŋa fei. Ilaaɔ̃ Lafɛ̃ɛi leleui í jɔ̀ ì jɛ bomma, nɔ í muuɛ gbugbã do bɛɛrɛ.

Daniɛli 2:43

Iyi bɛ í nyi wa nyisi mái iyi ilaalu ŋa aa ya gbɔsi njɛi si tuubai abɔdɔ̃ ŋa, amma akabuu nŋa ŋa kaa ya nɛ gbugbã bɛi isɔ do amà a kaa yɔkɔ a dĩ si njɛ.

Daniɛli 4:3

Ǹ na woodai ǹ ni a jɔ̀ woo mài Babilɔni ŋau fei a naa wa bi titom ku ba a tusɛɛm yaasei ala iyi ǹ ceu ihɛ̃.

Daniɛli 4:34

Na ŋɔi í jɔ̀ nsɛi bɛbɛi, amu Nebukanɛsaa ǹ wa n cĩ ilaalu iyi í wa lelei Aɔ̃u, ǹ wa n fɔ kulaɛ, nɔ ǹ mà bɛɛrɛɛ. Mii iyi wa ce waati kãma fei, í ya cooi si ntɔ nɔ í ya jɛ dee deei. Nɔ si gbugbãɛ, inɛ ŋa iyi à waa nɛ do faau, á yɔkɔ ku kaye gbugbã nŋa.

Daniɛli 6:26

Si anyiɛ, ilaalu Dariusi í kɔa zamaau fei, do dimi fei, do fee ŋa iyi à wa si andunyau fei. Nɔ í ni, laakai ku sũ nla nla ku wɛɛ do iŋɛ.

Daniɛli 6:27

Si anyii nŋu, nɔ Dariusi í ni má, wooda iyi ǹ wa n jilɛ wee. Si bommam nɔu, inɛ fei í nɛ ku mà bɛɛrɛi Ilaaɔ̃ Lafɛ̃ɛi Daniɛlii nɔ ku ya maa jirimaɛ, domi nŋui í jɛ Ilaaɔ̃ iyi í wɛɛ nɔ á maa wɛɛi hee do ajɔ fei. A kaa ce nfei bommaɛ ajɔ kãma, nɔ gbugbãɛu á maa wɛɛi kaa nɛ kɔɔ.

Daniɛli 7:27

Waati bɛɛbɛ, hai bommau do gbugbãɛ do kulai bomma ŋa iyi à wa si andunyau fei, ti inɛi Ilaaɔ̃ ŋaui á jɛ. Bommau á maa wɛɛi hee do ajɔ fei, nɔ ilu gbugbã ŋau fei aa gbɔ ideɛi nɔ a maa cea icɛ.

Daniɛli 8:25

Do saabui bisiɛi á ya ba ku zambaò inɛ ŋa. Faaui á waa si idɔ, nɔ si waati iyi laakai ku sũ í wɛɛ ntɔ ntɔ, waati bɛɛbɛi á ce nfei zamaa nkpɔ nkpɔ. Á dedeò ija si gãmɛi ilaalui ilaalu ŋa. Amma ilaalui ilaalu ŋau á lɛgɛɛi, nɔ kaa jɛ do sobii inɛ kãma.

Misee 4:7

An jɔ̀ inɛ ŋa iyi à ba kumɛɛ à waa sukutɛ ŋau, a fita si. Inɛ ŋa iyi à waa jɛ inɛ njoo si ilɛ mmu, an jɔ̀ a baa a jɛ inɛ ŋa iyi ilɛ nŋa í nɛ gbugbã. Nɔ amu Aɔ̃ Lafɛ̃ɛi an jɛ ilaalu nŋa hai waati bɛɛbɛ hee do ajɔ fei si iri kutai Siɔ̃ɔ.

Azee 2:22

An kɛkɛ bommai ilaalu ŋa nɔ an ce nfei gbugbã nŋa. An kɛkɛ sarɛti ku ce igũ ŋa do inɛ ŋa iyi à wa si inɔɛ ŋa. Nɔ acĩ ŋau do inɛ ŋa iyi à waa gũ ŋa ŋau aa cukui. Nɔ akã akã do taakubai aa kpaò njɛ.

Azee 2:7

An na n yaga dimii ŋau feii nɔ n jɔ̀ a ko amani jiida nŋa ŋa a naaò wa kpasɛ̃m bɛ. Nɔ do yaase bɛɛbɛi an kɔ̃ kpasɛ̃u do bɛɛrɛ. Amu Aɔ̃ Lafɛ̃ɛi lele do ilɛi ǹ fɔ bɛɛbɛ.

Matie 28:18

Ŋɔi Jesu í sɛkɛɛ si ŋa wa í ni, yiikoi lele do ti ilɛ fei à nam nii.

Laabaau jiida iyi Zãa í kɔ 12:34

Ŋɔi zamaau í sɔ̃ɔ í ni, à gbɔ si tiai wooda nwa ŋa iyi inɛ iyi Ilaaɔ̃ í cicau á maa wɛɛi hee do ajɔ fei. Bɛirei í ce ì waa ni kù nɛ bɛi á ce iyi a kù so Amai Amanɛ hai ilɛ a kɔaɛ lele. Yooi í jɛ Amai Amanɛu.

Ebɛɛ 12:28

Na nŋu, ka saabu Ilaaɔ̃ domi à nɛ bomma iyi kaa yaya nɔ ka tɔɔɛ si bɛi í bi nɔ ka mà bɛɛrɛɛ ka jirimaɛ.

Kuyɛi Zãa 11:15

Si anyii nŋu, amaleka mɛɛjesiau í fã kãakãakĩɛ. Ŋɔi à gbɔ anu ku dɔ̃ nla nla gɔ ŋa lelei Aɔ̃ à ni, à sindoa Aɔ̃ Lafɛ̃ɛ nwa do inɛ iyi í cicau bommai andunyau, nɔ á jɛ bomma hee do ajɔ fei.