Daniɛli 2:40 - Bibeli do fee

⁴⁰ Si anyii nŋu, bomma mɛɛsia gɔ á naa, nɔ á nɛ gbugbãi bɛi isɔ. Do yaase bɛi isɔ í ya cuku si mii ku lɛgɛɛ ku nya fufu fei, do yaase bɛɛbɛi bommau mɔ á lɛgɛ bomma ŋa iyi à cuaa wau ku nya fufu nŋa.

Daniɛli 2:40 Iomraidhean Croise

Zɔɔbu 9:17

Nŋui í nɔ wa kpãm iju jiida jiida, í jɔ̀ wahalam ŋa wa kɔ̃ɔsi si ngbɛ.

Zeremi 15:12

Isɔ á yɔkɔ ku cɛ isɔi awɔ njɛi kpãai inunu walakɔ isɔ danya?

Daniɛli 2:33

À ce bancakaɛ ŋai do isɔ ŋa. Kutɛɛ ŋa mɔ, à ce bii gɔ ŋai do isɔ ŋa, bii gɔ ŋa mɔ do amà.

Daniɛli 2:39

Si anyiɛ, bomma mmu gɔ á naa iyi kaa toɛ do gbugbã. Si anyiɛ, bomma mɛɛtasia gɔ á naa, nŋui á jɛ bɛi isɔ nkpau, nɔ á fangaai si andunya fei.

Daniɛli 2:41

Nɔ do yaase bɛi ì yɛ kutɛɛ do amaasɛɛ, gɔgɔ ŋa à jɛ do amà, nɔ gɔgɔ ŋa mɔ à jɛ do isɔu, bɛɛbɛi bommau bɛ mɔ á na ku kpɛ̃, amma ngɔgɔ á gbeaa iyi á jɛ gbugbãi isɔ, domi ì waa yɔɔ iyi isɔu í yɔgɛɛ do amài.

Daniɛli 7:7

Si anyiɛ, si kuyɛ ŋa iyi ǹ ce idũu, ǹ yɛ mɛɛmu mɛɛsia kugaabu gɔ iyi á mu inɛ njo, nɔ gbugbãɛ í ce dimi ikã ntɔ ntɔ. Inyíɛ ŋa do isɔi à coo nla nla. Í ya ŋɔ inɛi nɔ ku ga mii iyi í ba fei. Mii iyi kù waa ŋɔ, í ya tɛɛsɛɛi do kutɛɛ ŋa kú lɛgɛɛ. Inɛ nŋu í nya ikã do mɛɛmu sinte mɛɛta ŋau, nɔ í nɛ ngo mɛɛwa.

Daniɛli 8:24

Gbugbãɛ á la ku maa kooi, amma kaa jɛ hai si nŋu takaɛi gbugbãu wa naa. Á ce nfei mii ŋai do gbugbã nla nla. Mii iyi í dasi idɔ nŋu ku ce fei, á cooi. Á kpa ilu gbugbã ŋa, nɔ bɛɛbɛ mɔi á kpa inɛi Ilaaɔ̃ ŋau mɔ.

Daniɛli 9:26

Si anyii adɔ̃ mɛɛje ikɔ kita do minjiu, aa kpa inɛ gɔ iyi à nya ikã, nɔ inɛ gɔ kaa kɔòɛ. Inɛ ngbo gɔ mɔ á na ku naa do soogeɛ ŋa ku ce nfei iluu do ile kumáu. Idɔɔkɔ̃i Ilaaɔ̃ de á na ku naa si inɛ ngbou ku ce nfeɛ. Amma á maa ce igũi hee ku maa ku, nɔ á ce nfei mii ŋai bɛi à tako à fɔ à jilɔɔu.

Amɔsu 1:3

Aɔ̃ Lafɛ̃ɛ í ni, dulum dii inɛi ilui Damasi ŋa í la. Na nŋu, an jɔ̀ ijuukpã ku ba ŋai ntɔ ntɔ, domi aŋai à tɛɛsɛ inɛi Galaadi ŋa, nɔ à ce nfe nŋa do isɔ ku gbe anu ŋa.

Laabaau jiida iyi Zãa í kɔ 11:48

Bii à jɔ̀ wa ce bɛɛbɛ wa koo inɛ fei á na ku dasiɛ naanɛ. Nɔ inɛi Romu ŋa aa naa a lɛgɛ kpasɛ̃i Ilaaɔ̃, nɔ a ko dimi nwa.