Daniɛli 2:4 - Bibeli do fee

⁴ Ŋɔi inɛi Kaladee ŋau à jɛaa do feei Arameɛ̃ɛ à ni, hunde sisɔ kú jɛ titɛɛ awɔ ilaalu. Sɔ̃ awa woo ce icɛɛ ŋau alaɛu wa ka gbɔ, nɔ ka sisiɛ yaaseɛ.

Daniɛli 2:4 Iomraidhean Croise

Kusintii Andunya 31:47

Nɔ Labãa í ni, kuta ŋau ihɛ̃ iyi à timbi nnyi ku jɛ sɛɛdai awaɛ. Nŋui í jɔ̀ í kpe inyau Yegaa-Sahaduta, nɔ Zakɔbu í kpoo Galeɛdi.

Kusintii Andunya 41:8

Iyi iju í má daadaakɔu idɔi Faraɔ̃ kù sũ. Í kpe woo ce alisi ŋa do ilu bisi ŋa iyi à wa Ezibiti bɛ fei. Í sisi nŋa alaɛ ŋau, amma baa inɛ akã nŋa kù yɔkɔ ku mà yaasei ala ŋau.

Ilaalu 1, 1:25

Adonia wee í koo í ce kuwee do kɛtɛ kombo ŋa nnyi do mɛɛmu ku nɛ ikpo ŋa do angudã do iwo nkpɔ nkpɔ, nɔ í kpe amai ilaalu ŋau fei ku jɛ do inɛ ngboi sooge ŋau, do Abiataa woo weeu. Nɔ wee à jɛ à waa mɔ si wajuɛ à wasi ku ni, hundei ilaalu Adonia ku sɔ.

Ilaalu 1, 1:31

Ŋɔi Baseba í sɛɛbata si wajui ilaaluu, nɔ í ni, hundei ilaaluu ku sɔ do ajɔ fei.

Ilaalu 2, 18:26

Ŋɔi Eliakimu amai Hilikiya do Sebuna do Yoa à sɔ̃ inɛ iyi í jɛ inɛ ngboi soogei Asiri ŋau à ni, à waa tɔɔɛi, ba wa ide ku fɔ do feei Arameɛ̃ɛ aa ka gbɔ. Maà ba wa ide ku fɔ do feei inɛi Zudaa ŋau si wajui inɛ ŋa iyi à wa si antaii bindiu ihɛ̃.

Ɛsidarasi 4:7

Si anyii nŋu si waati iyi Aatakusɛɛsi í na í jɛ ilaalui Pɛɛsi, Biselamu do Miteredaa do Tabɛli do kpaasi nŋa ŋa iyi à gbe à ceaa tia wa. À kɔ tiaui do feei Arameɛ̃ɛ do si yaasei kukɔ nŋa.

Neemi 2:3

Amma do nŋu fei ǹ jɛa ilaaluu ǹ ni, Ilaaɔ̃ ku muɛ hunde sisɔ. Bɛirei n kaa n ce n wu, bii ilu bii à si balam ŋa í kpɔò bomma nɔ gamboɛ ŋau à jo.

Ezai 36:11

Ŋɔi Eliakimu do Sebuna do Yoa à sɔ̃ inɛ iyi í jɛ inɛ ngboi soogei Asiri ŋau à ni, à waa tɔɔɛi, ba wa ide ku fɔ do feei Arameɛ̃ɛ aa ka gbɔ. Maà ba wa ide ku fɔ do feei inɛi Zudaa ŋau si wajui inɛ ŋa iyi à wa si antaii bindiu ihɛ̃.

Ezai 44:25

Nyindai mii ŋa iyi ilu faau ŋa à fɔ ideɛ, amui ǹ ya n ganji ku ce, nɔ amui ǹ ya n fɔtɔtɔi lasabui woo ce alisi ŋa, nɔ amui ǹ ya n jɔ̀ ilu laakai ŋa a nyi do anyi, nɔ ǹ ya n jɔ̀ kumà nŋa ku baa ku jɛi bɛi idei sũmu.

Daniɛli 1:4

Inɛ ŋa iyi í ni a naaò wa ŋau, awaasũ ŋa iyi a kù nɛ leebu si ara nŋa ŋai aa jɛ, nɔ a jɛ mɔkɔ kusĩa ŋa, nɔ a jɛ inɛ ŋa iyi à kɔ̃ò laakai, nɔ a jɛ inɛ ŋa iyi à nɛ kumà nɔ à nɛ bisi, ku ba a ya yɔkɔ a maa ce icɛ inɔ kabai ilaalu, nɔ a kɔ ŋa si feei inɛi Kaladee ŋa ku fɔ. Aa kɔ ŋa si kukɔɛ do kukaɛ feii.

Daniɛli 2:7

Ŋɔi à jɛ isɛ gbeejisia má à ni, ilaalu, sɔ̃ awa woo ce icɛɛ ŋau alaɛu wa ka gbɔ, nɔ ka sisiɛ yaaseɛ.

Daniɛli 3:9

À koo à sɔ̃ ilaalu Nebukanɛsaa à ni, hunde sisɔ kú jɛ titɛɛ ilaalu.

Daniɛli 4:19

awɔ ilaalu mbɛ. Awɔ iyi ì na ì la nɔ ì nɛ gbugbã, nɔ kulaɛu wa bɔ ku lu lelei Aɔ̃, awɔi gbugbãɛ í bɔ hee si kɔɔ ŋa si andunyau.

Daniɛli 4:7

Waati iyi ǹ wa n sũ si antaii daayim, mii iyi ǹ yɛ wee. Ǹ yɛ jĩi nla nla gɔ wa leekĩ si aninii ilɛ.

Daniɛli 4:9

Jĩi nɔu, wuaɛ ŋa à sĩa, nɔ isoɛ ŋa à kpɔ bɛi inɛ fei á ba iyi á jɛ. Si abɛɛ bɛi mɛɛmui sako ŋa à ya sũ, nɔ si amaawɔɛ ŋaui yɛi ŋa à ya de. Mii ilu hunde fei, bi tɛɛ bɛi à ya ba sɔnda nŋa.

Daniɛli 5:10

Iyei ilaaluu í gbɔ anu ku dɔ̃i amaɛ do ti akawe nlaɛ ŋau. Ŋɔi í lɔ wa ile bii à waa ce jingauu nɔ í ni, hunde sisɔ kú jɛ ti ilaalu hee do ajɔ fei. Maà jɔ̀ lasabuɛ ŋau ku da zigiɛ, nɔ i maà jɔ̀ wajuɛ ku kpaasi.

Daniɛli 5:8

Ŋɔi woo mà ŋau fei à lɔ wa, amma a kù yɔkɔ a kù cio kukɔu hee má jɛ a tusɛɛa ilaaluu yaaseɛ.

Daniɛli 6:21

Waati iyi wa maai si anui isau, ŋɔi í wasi Daniɛli ku kpe do imui inɔ kufɔ. Nɔ í bee Daniɛli í ni, Daniɛli woo ce icɛi Ilaaɔ̃ ilu hunde, Ilaaɔ̃ Lafɛ̃ɛɛ iyi ì waa cea icɛ do himmau, í yɔkɔ í faabaɛ hai si gɛlɛi muusu nla ŋau?

Daniɛli 6:6

Ŋɔi inɛ ŋau à ni, a kaa ka ba nkãma si bii aa ka yɛò taalei Daniɛli, í gbe ka dɛdɛ baa ide akã gɔ si woodai Ilaaɔ̃ Lafɛ̃ɛɛi.

Daniɛli 6:7

Ŋɔi inɛ ngbo minji ŋau do akawei kukpɛ̃i ilɛ ŋau à bɔ bi ilaaluu nɔ à sɔ̃ɔ à ni, ilaalu Dariusi, hunde sisɔ kú jɛ ti awɔ ilaalu hee do ajɔ fei.

Matie 21:9

Inɛ ŋa iyi à waa cua Jesu do inɛ ŋa iyi à waa tooɛ fei à wasi ku dɔ̃ anu à waa ni, tɔkui Davidi, à waa saabuɛ. Aɔ̃ Lafɛ̃ɛ ku weeɛ, awɔ iyi ì waa naa do iriɛ. Ka saabu Ilaaɔ̃ hee lele.

Samuɛli 1, 10:24

Ŋɔi Samuɛli í sɔ̃ zamaau í ni, i cɔ, inɛ iyi Aɔ̃ Lafɛ̃ɛ í cicau wee. Si zamaau ihɛ̃ inɛ kãma kù yɛ bɛi nŋu. Ŋɔi aŋa fei à dɔ̃ anu à waa ni, Ilaaɔ̃ ku jɔ̀ hundeɛ ku sɔ.