Daniɛli 2:39 - Bibeli do fee

³⁹ Si anyiɛ, bomma mmu gɔ á naa iyi kaa toɛ do gbugbã. Si anyiɛ, bomma mɛɛtasia gɔ á naa, nŋui á jɛ bɛi isɔ nkpau, nɔ á fangaai si andunya fei.

Daniɛli 2:39 Iomraidhean Croise

Ezai 44:28

Amui ǹ fɔ si gãmɛi Sirusi ǹ ni, woo degbe iyi ǹ cicai. Nŋui á jɔ̀ mii ŋa iyi ǹ bi fei ku ce. Nŋui á na wooda, ku jɔ̀ a teese a ma ilui Zeruzalɛmu, nɔ a teese a ma kpasɛ̃i Aɔ̃ Lafɛ̃ɛu.

Daniɛli 10:20

Ŋɔi í beem í ni, ì mà mii iyi í jɔ̀ ǹ naa bi tɛɛ? Ǹ naa ku sɔ̃ɛ bɛi tia si bii à kɔ ntɔu wa dɔ̃i. Do nŋu fei, an nyi n ce igũ mái do amaleka iyi í jɛ woo degbei Pɛɛsiu. Waati iyi an nɛ ikpa bɛ, amaleka iyi í jɛ woo degbe ilɛi Gɛrɛsiu á to wa. Nɔ inɛ kãma ci ya sobim si mbɛɛ minji ŋau bɛ ku ba ku ja, í gbe Misɛli woo degbe inɛi Izirɛli ŋa nŋu akã.

Daniɛli 2:32

Irii mii iyi à gbeu, à cooi do wura alala. À ce gɛndɛɛ do ikpaɛ ŋa mɔi do isɔ nkpa. Inɔɛ do itãɛ ŋa mɔ, do isɔ nkpa.

Daniɛli 2:38

Nŋui í so amanɛ ŋa do mɛɛmui sako ŋa do yɛi ŋa í daaɛ si awɔ ku ba aŋa fei à maa sũɛ iri ilɛ tengi bii à wa fei. Awɔi ì jɛ iri iyi à ce do wura alalau.

Daniɛli 2:40

Si anyii nŋu, bomma mɛɛsia gɔ á naa, nɔ á nɛ gbugbãi bɛi isɔ. Do yaase bɛi isɔ í ya cuku si mii ku lɛgɛɛ ku nya fufu fei, do yaase bɛɛbɛi bommau mɔ á lɛgɛ bomma ŋa iyi à cuaa wau ku nya fufu nŋa.

Daniɛli 7:23

Ŋɔi inɛɛu í sɔ̃m í ni, mɛɛmu mɛɛsiau bɛ, bomma mɛɛsia iyi á naa si ilɛ mbɛ, nɔ inɛ nŋu á nya ikãi do bomma mmu ŋa iyi à gbe si ilɛ ihɛ̃ fei. Bomma inɛ nŋu, mii iyi í wa si andunyau fei, á jɔɔi. Á tɛɛsɛ mii feii ku lɛgɛ ŋa do kutɛɛ, nɔ ku ga ŋa.

Daniɛli 8:20

Angudã kombo iyi ì yɛ í nɛ ngo minjiu bɛ, ilaalui Mɛɛdi do ti Pɛɛsi mbɛ.

Daniɛli 8:21

Iwo kombo ku nɛ ntou bɛ mɔ, ilaalui Gɛrɛsi mbɛ. Ngo nla nla iyi í wa si afei ijuɛu mɔ, ilaalu sinteu mbɛ.

Zakari 6:3

nɔ acĩ fũfũ gɔ ŋa mɔ à waa fa mɛɛtasiau, nɔ acĩ bati bati gɔ ŋa mɔ à waa fa mɛɛsiau.

Zakari 6:6

Nɔ í ni má, acĩ dũdũ ŋau à waa fa sarɛti akãi à waa bɔò ikpa awɔ njɛi kpãai inunu, acĩ fũfũ ŋau à waa too ŋa, nɔ acĩ bati bati ŋau mɔ à waa bɔ ikpa awɔ cangai kpãai inunu.