Daniɛli 2:37 - Bibeli do fee

³⁷ Ilaalu, awɔi ì la ì re ilaalu ŋa fei. Ilaaɔ̃ Lafɛ̃ɛi leleui í jɔ̀ ì jɛ bomma, nɔ í muuɛ gbugbã do bɛɛrɛ.

Daniɛli 2:37 Iomraidhean Croise

Ilaalu 2, 25:28

Ŋɔi í baa ide ku fɔ do jiida ku jɛ, nɔ í coo ilu bɛɛrɛ í re ilaalu ŋa iyi í mu aru wa aŋaò ŋa à wa Babilɔni bɛ fei.

Bomma 2, 36:23

Aɔ̃ Lafɛ̃ɛi lele í daam bommai ilɛ ŋau fei si awɔ amu Sirusi ilaalui Pɛɛsi, nɔ í cicam n teese n maa nŋu kpasɛ̃ ilui Zeruzalɛmu si ilɛi Zudaa. Si inɔ nŋɛ, iŋɛ iyi ì jɛ inɛɛ ŋa fei, à waa kpe ŋɛ i nyi Zeruzalɛmu ŋa. Nɔ Aɔ̃ Lafɛ̃ɛ nŋɛ ku wɛɛ do iŋɛ.

Ɛsidarasi 1:2

Aɔ̃ Lafɛ̃ɛi lele í daam bommai ilɛ ŋau fei si awɔ amu Sirusi ilaalui Pɛɛsi, nɔ í cicam n teese n maa nŋu kpasɛ̃ ilui Zeruzalɛmu si ilɛi Zudaa.

Ɛsidarasi 7:12

Amu Aatakusɛɛsi ilaalui ilaalu ŋa, ǹ kɔɛ tiau ihɛ̃ wai Ɛsidarasi awɔ woo wee do woo mà woodai Aɔ̃ Lafɛ̃ɛi lele.

Iri ku kɔ̃ 62:11

I maà jɔ̀ naanɛ nŋɛ ku wa si gbugbã ku taa inɛ ŋa. I maà jɔ̀ lasabu nŋɛ ku wa si ile ŋa. Baa bii amani nŋɛ í la wa kɔ̃ɔsi i maà jɔ̀ lasabu nŋɛ fei ku wa si bɛ.

Mɔnda ŋa 8:15

Do saabum nii ilaalu ŋa à jɛ bomma, nɔ amanlu ŋa à waa jilɛa inɛ ŋa wooda ŋa iyi à jɛ dee dee.

Ezai 10:8

Bɛi í ni wee. Bɛɛrɛi inɛ ngboi soogem ŋa kù to bɛɛrɛi ilaalu ŋaui?

Ezai 47:5

Buba, maà fɔ ide kãma nɔ i koo i manji si ilu kuku, domi ì kua bɛɛrɛi abonlu ku jɛɛ si gãmɛi bomma ŋa.

Zeremi 28:14

Nɔ Zeremi í nyi í ni má, Aɔ̃ Lafɛ̃ɛi lele do ilɛ, nŋu iyi í jɛ Lafɛ̃ɛi inɛi Izirɛli ŋa í ni, an dasi zuugui isɔ si kɔ̃ɔi inɛi ilɛ ŋau ihɛ̃ fei ku ba a sũa Nebukanɛsaa ilaalui Babilɔniu iri ilɛ nɔ a maa ceaa icɛ. Nɔ an jɔ̀ hee do mɛɛmui sako ŋa fei a sũaa iri ilɛi.

Zeremi 34:1

Nebukanɛsaa ilaalui Babilɔniu í bɔ igũ si ilui Zeruzalɛmu do si ilui Zudaa ŋa. Í kooi do soogeɛ ŋa fei, do soogei ilɛ ŋa iyi nŋu takaɛ í kãmia ŋau fei. Ŋɔi Aɔ̃ Lafɛ̃ɛ í ba Zeremi ide ku fɔ í ni,

Ezekiɛli 26:7

Ntɔ ntɔ, amu Aɔ̃ Lafɛ̃ɛ ǹ wa n fɔi si gãmɛi inɛi Tii ŋa iyi an jɔ̀ Nebukanɛsaa ilaalui Babilɔni iyi í re ilaalu ŋa fei ku naa siɛ wa hai do ikpa awɔi njɛi kpãai inunu. Á naai do acĩ ŋa do sarɛtii igũ ŋa do masa ŋa do sooge ŋa nkpɔ nkpɔ.

Daniɛli 1:2

Ŋɔi Aɔ̃ Lafɛ̃ɛ í so Zoakimu ilaalui Zudaau í daa si awɔ, nɔ í jɔ̀ í so mbɔi jĩnɛ ŋa iyi à jɛ ti kpasɛ̃i Ilaaɔ̃u mɔ í nɛò. Nebukanɛsaa í mu ŋai í nɛò ŋa Babilɔni. Nɔ jĩnɛ ŋa iyi í so ŋau mɔ, í koo í dasi ŋai tengi bii amani ŋa à wa si inɔ ilei iwɛ̃ɛ ŋau.

Daniɛli 2:31

Ilaalu, mii iyi ì yɛ wee. Mii nla nla gɔ iyi à gbei ì yɛ wa leekĩ si wajuɛ. Mii nɔu wa daana ntɔ ntɔ hee wa mu ijuɛ, nɔ í nɛ zigiida.

Daniɛli 2:44

Si waatii ilaalu ŋau bɛ, Ilaaɔ̃ Lafɛ̃ɛi lele á jilɛ bomma gɔ iyi kaa ce nfe ajɔ kãma, nɔ kaa jɛ arui dimi mmu kãma gɔ má. Bommau á lɛgɛ bomma ŋa iyi à cuaa wa ŋau feii, nɔ ku kpa irii kuwɛɛ nŋa. Bommau á maa wɛɛi hee do ajɔ fei.

Daniɛli 4:19

awɔ ilaalu mbɛ. Awɔ iyi ì na ì la nɔ ì nɛ gbugbã, nɔ kulaɛu wa bɔ ku lu lelei Aɔ̃, awɔi gbugbãɛ í bɔ hee si kɔɔ ŋa si andunyau.

Daniɛli 4:22

Aa leleɛi hai si inɔi amanɛ ŋa, nɔ aa koo i wai si inɔi mɛɛmui sako ŋa. Fɔfɔi aa ya maa jɛ bɛi kɛtɛ ŋa. Ikpãi á ya maa tontoo siɛ wa hai lele, nɔ bɛɛbɛi aa maa wɛɛ hee ku bɔ adɔ̃ mɛɛje. Bii adɔ̃ mɛɛjeu bɛ í koo í tã, aa mà iyi Ilaaɔ̃ iyi í wa leleui í jɛ Lafɛ̃ɛi bommai amanɛ ŋa, nɔ bommau nŋui í ya na inɛ iyi í bi.

Daniɛli 4:25

Ide ŋa iyi Daniɛli í sɔ̃ ilaalu Nebukanɛsaau, fei ndɛɛ í na í baa.

Daniɛli 4:3

Ǹ na woodai ǹ ni a jɔ̀ woo mài Babilɔni ŋau fei a naa wa bi titom ku ba a tusɛɛm yaasei ala iyi ǹ ceu ihɛ̃.

Daniɛli 4:32

Baa do iyi inɛi andunya ŋa à kpɔ fei, a kù to nkãma si wajuɛ. Hunde ŋa iyi à wa lele hee do amanɛ ŋa iyi à wa si ilɛ ihɛ̃, bɛi í bii í ya ce nŋa. Inɛ kãma kù wɛɛ iyi á jɛ ku kɔ̀ ide si wajuɛ, nɔ inɛ kãma kaa jɛ ku beeɛ ku ni, mii ì waa ce bɛ.

Daniɛli 4:34

Na ŋɔi í jɔ̀ nsɛi bɛbɛi, amu Nebukanɛsaa ǹ wa n cĩ ilaalu iyi í wa lelei Aɔ̃u, ǹ wa n fɔ kulaɛ, nɔ ǹ mà bɛɛrɛɛ. Mii iyi wa ce waati kãma fei, í ya cooi si ntɔ nɔ í ya jɛ dee deei. Nɔ si gbugbãɛ, inɛ ŋa iyi à waa nɛ do faau, á yɔkɔ ku kaye gbugbã nŋa.

Daniɛli 5:18

[Ŋɔi Daniɛli í sɔ̃ɔ í ni,] ilaalu, Ilaaɔ̃ iyi í wa hee leleu í jɔ̀ Nebukanɛsaa baaɛu í jɛ ilaalu nla nla. Í nɛ amboe nɔ í nɛ bɛɛrɛ nla nla.

Daniɛli 7:14

Inɛ iyi à naaò wau, à naa gbugbã do bɛɛrɛ do yiikoi ilaalu. Nɔ zamaa fei do dimi fei do fee fei à lɔsi icɛ ku ceaa. Gbugbãɛ á maa wɛɛi hee do ajɔ fei, kaa nɛ kɔɔ, nɔ bommaɛ kaa cuku pai.

Ozee 8:10

Baa do iyi à cea inɛi ilɛ mmu ŋau amua ŋa, an tɔtɔɔ ŋai, nɔ kaa kpɛ mɔm aa ba ijuukpã na aso iyi ilaalu do amai ilaalu ŋau aa kãa nŋa.

Matie 6:13

Maà ti i jɔ̀ ka dasi kulɛlɛ, amma nya wa hai si awɔi Seetam. [Domi awɔi ì nɛ bomma do gbugbã do amboe hee do ajɔ fei. Ami.]

Laabaau jiida iyi Zãa í kɔ 19:11

Ŋɔi Jesu í jɛaa í ni, i kaa nɛ gbugbã kãma sim, bii kù jɛ Ilaaɔ̃i í naɛ wa. Nŋui í jɔ̀ inɛ iyi í dasim si awɔɛ, dulum dɛɛ í re baa tɛɛ.

Kuyɛi Zãa 17:14

Aa ce igũ do ama angudãu, amma ama angudãu á jɛ ŋa igũ si na iyi í jɔ̀ í jɛ Lafɛ̃ɛi lafɛ̃ɛ ŋa nɔ í jɛ ilaalui ilaalu ŋa. Nɔ ilu naanɛ ŋa iyi Ilaaɔ̃ í kpe í cica, aŋaò ama angudãu aa jɛ igũ ajɔ.

Kuyɛi Zãa 19:16

Si ibɔɛ do si itãɛ à kɔ iriɛ à ni, Ilaalui ilaalu ŋa do Lafɛ̃ɛi lafɛ̃ɛ ŋa.

Kuyɛi Zãa 4:11

awɔ Ilaaɔ̃ Lafɛ̃ɛ nwa, awɔi ì to i nɛ amboe do bɛɛrɛ do gbugbã, domi awɔi ì taka mii fei. Si idɔɔbiɛi ì taka ŋa nɔ à wɛɛ.

Kuyɛi Zãa 5:12

À dɔ̃ anu à waa ni, ama angudã iyi à ceò kuweeu wo í to ku ba yiiko do amani do kumà do gbugbã do bɛɛrɛ do amboe do saabu.