Daniɛli 2:35 - Bibeli do fee

³⁵ Ŋɔi anu akã, isɔu do amàu do isɔ nkpau do isɔ fũfũu do wurau, fei ndɛɛ í baa í ce fufu, hee fufu iyi wa ce í soo wa nɛò bɛi fɔfɔ ŋa iyi fufu í ya so ku maa nɛò waati iyi à waa fɛ amaajɛ ŋa hee inɛ kaa yɛ baa tuubaɛ mɔm. Amma kuta iyi í naa í lɛgɛ mii iyi à gbeu, í baa í ce iri kuta nla nla, nɔ í gba andunyau fei.

Daniɛli 2:35 Iomraidhean Croise

Zɔɔbu 6:17

À ya gbɛi sukui koko. Anu akãi à ya gbɛ bii inya gbãai inunu í naa si ŋa.

Iri ku kɔ̃ 103:16

Waati iyi fufu í naa siɛ, ci ya wɛɛ má. Nɔ tengi bii í tako í wau, a ci ya mà agbɛu má.

Iri ku kɔ̃ 22:27

Ilu are ŋa aa ba a jɛ hee a yo. Inɛ ŋa iyi à waa dɛdɛ Aɔ̃ Lafɛ̃ɛ, aa maa wɛɛi do ajɔ fei nɔ a maa saabuɛ.

Iri ku kɔ̃ 37:10

Í gbe waati keeke ilu inɔ kukã kãma kaa wɛɛ má. Aa dɛdɛ ŋa ntɔ ntɔ i kaa yɛ baa inɛ akã.

Iri ku kɔ̃ 37:36

Waati iyi ǹ na ǹ too do bɛ kù wa bɛ má. Ǹ dɛdɛɛ amma n kù yɔɔ.

Iri ku kɔ̃ 46:9

I naa i cɔ icɛ iyi Aɔ̃ Lafɛ̃ɛ í ce ŋa. Tɔtɔ ku fɔ iyi í ce si ilɛ.

Iri ku kɔ̃ 66:4

Inɛi ilɛ ŋa fei aa sɛɛbatai si wajuɛ nɔ a maa cĩɛ. Ntɔ ntɔ inɛi ilɛ ŋau fei aa maa kɔ̃ irii a maa saabuɛ. Kusĩmi.

Iri ku kɔ̃ 86:9

Dimi ŋa iyi ì taka fei aa naa a sɛɛbatai si wajuɛ, nɔ a maa naɛ bɛɛrɛ.

Ezai 11:9

A kaa ya cea njɛ laalɔ hee má jɛ a ce asɔɔi ngɔgɔ má si iri kuta iyi à nya ikã í jɛ ti Aɔ̃ Lafɛ̃ɛu. Si ilɛu fei inɛ ŋa aa mà Aɔ̃ Lafɛ̃ɛi, nɔ kumàɛu á kɔ̃i si ilɛ fei bɛi inyi í ya kɔ̃ tenku.

Ezai 8:9

I dɔ̃ anui igũ ŋa, amma zigiidai wa degbe ŋɛ. I sotĩ i gbɔ iŋɛ ilɛ ŋa iyi ì wa hee jĩijĩ ŋa. I ce sɔɔlui igũ ŋa, amma zigiidai wa degbe ŋɛ. Ntɔ ntɔ aa ce sɔɔlui igũu ŋa, amma de zigiidai wa degbe ŋɛ.

Daniɛli 2:44

Si waatii ilaalu ŋau bɛ, Ilaaɔ̃ Lafɛ̃ɛi lele á jilɛ bomma gɔ iyi kaa ce nfe ajɔ kãma, nɔ kaa jɛ arui dimi mmu kãma gɔ má. Bommau á lɛgɛ bomma ŋa iyi à cuaa wa ŋau feii, nɔ ku kpa irii kuwɛɛ nŋa. Bommau á maa wɛɛi hee do ajɔ fei.

Ozee 13:3

Na nŋu, aa yɛi bɛi kudũi ijĩi daakɔ walakɔ bɛi ikpã iyi í ya wɔ. Aa yɛi bɛi fɔfɔ iyi fufu í so wa nɛò walakɔ bɛi cua iyi wa fangaa.

Misee 4:13

Iŋɛ inɛi Siɔ̃ɔ ŋa, i dede i tɛɛsɛ mbɛɛ nŋɛ ŋau ŋa. An jɔ̀ i ba gbugbã ŋai bɛi kɛtɛ ŋa iyi à nɛ ngo ku nɛ gbugbã bɛi isɔ, do kɔwe ku nɛ gbugbã bɛi isɔ nkpa. Dimi nkpɔ ŋau fei aa tɛɛsɛ ŋa ŋai. Aa ko amani nŋa ŋau feii ŋa, nɔ amu iyi ǹ jɛ Aɔ̃ Lafɛ̃ɛi ilɛu fei, amui aa jilɛa ŋa.

Zakari 12:3

Ajɔ nŋu, an jɔ̀ Zeruzalɛmu ku yɛa dimii andunya fei bɛi kuta kuwo gɔ. Inɛ ŋa iyi à bi a wuu fei aa mɛɛ ara nŋai. Nɔ dimii andunya fei á dede si iluui ajɔ.

Kuyɛi Zãa 11:15

Si anyii nŋu, amaleka mɛɛjesiau í fã kãakãakĩɛ. Ŋɔi à gbɔ anu ku dɔ̃ nla nla gɔ ŋa lelei Aɔ̃ à ni, à sindoa Aɔ̃ Lafɛ̃ɛ nwa do inɛ iyi í cicau bommai andunyau, nɔ á jɛ bomma hee do ajɔ fei.

Kuyɛi Zãa 12:8

Nɔ Misɛli do amalekaɛ ŋa à jɛ ŋa igũ. Nɔ à kɔ̀ akandamau do amalekaɛ ŋa a wa lele bɛ má.

Kuyɛi Zãa 20:11

Si anyii nŋu, ŋɔi ǹ yɛ kitãi bomma nla fũfũ gɔ do inɛ iyi wa buba si antaiɛ. Nɔ ilɛ do lele à sa hai si wajuɛ, nɔ a kù yɛ gɔgɔ nŋa gɔ má.