Daniɛli 2:34 - Bibeli do fee

³⁴ Ŋɔi ì waa cɔ mii iyi à gbeu hee í koo í to waati iyi kuta gɔ í ga wa nɔ kù jɛ awɔi amanɛi í gaa wa. Kuta iyi í ga wau í naa í cã kutɛi mii iyi à gbe iyi bii gɔɛ ŋa í jɛ isɔ, nɔ bii gɔ ŋa mɔ í jɛ do amàu í lɛgɛ ŋa í nya fufuɛ.

Daniɛli 2:34 Iomraidhean Croise

Iri ku kɔ̃ 118:22

Kuta iyi woo ma ŋau à kɔ̀siu, nŋui í baa í jɛ kuta ku nɛ gbugbãi gontai icui ileu.

Ezai 28:16

Na ŋɔi í jɔ̀ Aɔ̃ Lafɛ̃ɛ í fɔ í ni, an jilɛ kutai icui ile Siɔ̃ɔ. Kutai iyi an jilɛò icui ileu kuta ku nɛ bɛɛrɛ gɔi iyi í nɛ gbugbã ntɔ ntɔ. Do nŋui an cɔò laakai nŋɛ. Inɛ iyi í dasim naanɛ, bɛɛbɛi nŋu mɔ á nɛ gbugbã dim dim.

Ezai 60:12

Ilɛ gɔ, walakɔ bomma gɔ iyi í kɔ̀ ku ceɛ icɛ fei, í nɛ ku kpa irii. Ilɛ dimi bɛɛbɛ ŋa aa na a tãi mam mam.

Ezai 8:9

I dɔ̃ anui igũ ŋa, amma zigiidai wa degbe ŋɛ. I sotĩ i gbɔ iŋɛ ilɛ ŋa iyi ì wa hee jĩijĩ ŋa. I ce sɔɔlui igũ ŋa, amma zigiidai wa degbe ŋɛ. Ntɔ ntɔ aa ce sɔɔlui igũu ŋa, amma de zigiidai wa degbe ŋɛ.

Ezekiɛli 32:28

Iŋɛ inɛi Ezibiti ŋa, aa ku ŋai nɔ a si ŋɛ do hai ce bango ŋa. Aa sũ ŋai do inɛ ŋa iyi à ku si igũu.

Ezekiɛli 47:5

Ŋɔi í wã agbãawɔ dubu akã má, amma n kaa n yɔkɔ n kua, domi inyiu í kɔ̃ wa í naa tengi bii í gbe inɛ ku wai. Inyiu í jĩisa hee inɛ kaa yɔkɔ ku kuaɛ.

Daniɛli 2:33

À ce bancakaɛ ŋai do isɔ ŋa. Kutɛɛ ŋa mɔ, à ce bii gɔ ŋai do isɔ ŋa, bii gɔ ŋa mɔ do amà.

Daniɛli 7:27

Waati bɛɛbɛ, hai bommau do gbugbãɛ do kulai bomma ŋa iyi à wa si andunyau fei, ti inɛi Ilaaɔ̃ ŋaui á jɛ. Bommau á maa wɛɛi hee do ajɔ fei, nɔ ilu gbugbã ŋau fei aa gbɔ ideɛi nɔ a maa cea icɛ.

Daniɛli 8:25

Do saabui bisiɛi á ya ba ku zambaò inɛ ŋa. Faaui á waa si idɔ, nɔ si waati iyi laakai ku sũ í wɛɛ ntɔ ntɔ, waati bɛɛbɛi á ce nfei zamaa nkpɔ nkpɔ. Á dedeò ija si gãmɛi ilaalui ilaalu ŋa. Amma ilaalui ilaalu ŋau á lɛgɛɛi, nɔ kaa jɛ do sobii inɛ kãma.

Zakari 12:3

Ajɔ nŋu, an jɔ̀ Zeruzalɛmu ku yɛa dimii andunya fei bɛi kuta kuwo gɔ. Inɛ ŋa iyi à bi a wuu fei aa mɛɛ ara nŋai. Nɔ dimii andunya fei á dede si iluui ajɔ.

Zakari 4:6

Nɔ í jɛɛm í ni, ide iyi Aɔ̃ Lafɛ̃ɛi lele do ilɛ í sɔ̃ Zorobabɛli, nŋu iyi wa ma kpasɛ̃ɛ wee. Í ni, kù jɛ do yiikoi amanɛ, kù nɔ kù jɛ do gbugbãɛi aa ceò icɛɛu. Amma do saabui hundem nii.

Matie 16:18

Amui ǹ wa n sɔ̃ɛ iyi awɔ Piɛɛi, waatɔ kuta. Si antaii kutaui an jilɛ igbɛm, nɔ baa iku takaɛ kaa yɔkɔ ku ganji igbɛu.

Laabaau jiida iyi Zãa í kɔ 1:13

A kù jɛ amai Ilaaɔ̃ ŋa do yaase bɛi à ya ce a bíò amu ŋa si andunya. Kù jɛ do idɔɔbii amanɛ ŋa, ti Ilaaɔ̃i.

Woo bɛ ŋa 4:11

Jesui kukɔu wa fãa iyi í ni, kuta iyi iŋɛ woo ma ŋa ì cau, nŋui í baa í jɛ kuta sintei icui ile.

Kɔrɛnti 2, 5:1

Arai í jɛ bi kuwa nwa si ilɛu ihɛ̃. Nɔ à mà bii ara nwa í ku, Ilaaɔ̃ í jilɛ nwa bi kuwa lele iyi nŋu takaɛ í ce, kù jɛ amanɛ. Bi kuwau á maa wɛɛi do ajɔ fei.

Ebɛɛ 9:24

À mà sãa sãa iyi Kirisi kù lɔ ile kumá iyi amanɛ ŋa à ce. Kù lɔ ile kumá iyi í jɔ bi kuwa ntɔ ntɔi Ilaaɔ̃u, amma í lɔi hee lele takaɛ nɔ nsɛi wa leekĩ si wajui Ilaaɔ̃ na iri nwa.

Piɛɛ 1, 2:7

Kutau, í nɛ bɛɛrɛ bi iŋɛ woo dasi Jesu naanɛ ŋa, amma hai dasi naanɛ ŋa à kɔ̀siɛ. Do nŋu fei, kukɔi idei Ilaaɔ̃ í ni, kuta iyi woo ma ŋa à kɔ̀si nŋui í na í jɛ kuta gbugbãi icui ile.

Kuyɛi Zãa 11:15

Si anyii nŋu, amaleka mɛɛjesiau í fã kãakãakĩɛ. Ŋɔi à gbɔ anu ku dɔ̃ nla nla gɔ ŋa lelei Aɔ̃ à ni, à sindoa Aɔ̃ Lafɛ̃ɛ nwa do inɛ iyi í cicau bommai andunyau, nɔ á jɛ bomma hee do ajɔ fei.

Kuyɛi Zãa 17:14

Aa ce igũ do ama angudãu, amma ama angudãu á jɛ ŋa igũ si na iyi í jɔ̀ í jɛ Lafɛ̃ɛi lafɛ̃ɛ ŋa nɔ í jɛ ilaalui ilaalu ŋa. Nɔ ilu naanɛ ŋa iyi Ilaaɔ̃ í kpe í cica, aŋaò ama angudãu aa jɛ igũ ajɔ.