Daniɛli 2:32 - Bibeli do fee

³² Irii mii iyi à gbeu, à cooi do wura alala. À ce gɛndɛɛ do ikpaɛ ŋa mɔi do isɔ nkpa. Inɔɛ do itãɛ ŋa mɔ, do isɔ nkpa.

Daniɛli 2:32 Iomraidhean Croise

Ezai 14:4

aa maa kɔ̃ iri ŋai si gãmɛi ilaalui Babilɔniu i maa ni, woo taa inɛ gbugbãu kù wɛɛ má. Gbugbã ku taa inɛ ŋau í leekĩ.

Zeremi 51:7

Babilɔni í yɛi wo si awɔi Aɔ̃ Lafɛ̃ɛ bɛi kɔɔfui wura si bii atɛ̃ í wa si iyi wa kpa inɛi ilɛ ŋau fei. Inɛi ilɛ ŋau à mɔ atɛ̃ vɛ̃ɛu, na ŋɔi í jɔ̀ ide nŋa kù waa too kpãa má.

Daniɛli 2:33

À ce bancakaɛ ŋai do isɔ ŋa. Kutɛɛ ŋa mɔ, à ce bii gɔ ŋai do isɔ ŋa, bii gɔ ŋa mɔ do amà.

Daniɛli 4:22

Aa leleɛi hai si inɔi amanɛ ŋa, nɔ aa koo i wai si inɔi mɛɛmui sako ŋa. Fɔfɔi aa ya maa jɛ bɛi kɛtɛ ŋa. Ikpãi á ya maa tontoo siɛ wa hai lele, nɔ bɛɛbɛi aa maa wɛɛ hee ku bɔ adɔ̃ mɛɛje. Bii adɔ̃ mɛɛjeu bɛ í koo í tã, aa mà iyi Ilaaɔ̃ iyi í wa leleui í jɛ Lafɛ̃ɛi bommai amanɛ ŋa, nɔ bommau nŋui í ya na inɛ iyi í bi.

Daniɛli 4:30

Nɔ tengi bɛ gbakã, bɛɛbɛi ideu í ce. À leleɛi í fita hai si inɔi amanɛ ŋa, nɔ fɔfɔi í ya maa ŋɔ bɛi kɛtɛ ŋa. Ikpã í ya naai hai lele ku jɔ̀ araɛ kú cɔ̀. Iriɛ í wu nto ŋai bɛi ntoi kungbã. Nɔ cikãawɔɛ do cikãasɛɛ ŋa mɔ à sɔi bɛi ti yɛi ŋa.

Daniɛli 5:28

PAASINIU bɛ mɔi í jɛ mii gɔ iyi à kpɛ̃. Aa kpɛ̃a inɛi Mɛɛdi ŋa do inɛi Pɛɛsi ŋa bommaɛui.

Kuyɛi Zãa 17:4

Abou wa dasi jĩnɛ nkpa jiida gɔ dimi iyi ilaalu ŋa à ya dasi, nɔ wa dasi booda ŋa iyi à ce do wura do kuta ku nɛ fia gɔ ŋa do lɛgɛ fũfũ bii fei. Wa mu kɔɔfui wura si awɔ si bii mii laalɔ do riisii sakara ku ceɛ wa kɔ̃.