Daniɛli 2:31 - Bibeli do fee

³¹ Ilaalu, mii iyi ì yɛ wee. Mii nla nla gɔ iyi à gbei ì yɛ wa leekĩ si wajuɛ. Mii nɔu wa daana ntɔ ntɔ hee wa mu ijuɛ, nɔ í nɛ zigiida.

Daniɛli 2:31 Iomraidhean Croise

Ezai 13:11

Aɔ̃ Lafɛ̃ɛ í ni, an kpã inɛi andunya ŋa ijui na inɔ kukã nŋa, inɛ laalɔ ŋau mɔ, an kpã ŋa ijui na kurara nŋa ŋa. An leekĩ faaui inɛ ŋa iyi à waa so ara nŋa hee leleui, nɔ n kaye inɛ ŋa iyi faau nŋa í jɔ̀ à waa kpã kpaasi ŋa ijuu.

Ezekiɛli 28:7

an jɔ̀ inɛ njoo ŋa iyi à gaabu hee í caa a naa siɛ. Aa naa a bɛjɛ mii ŋa iyi ì ce do laakai jiidaɛu do taakuba nɔ bɛɛrɛɛu ku tã.

Daniɛli 2:36

Ala iyi awɔ ilaalu ì ceu mbɛ. Bɛbɛi, aa ka tusɛ yaaseɛ wa.

Daniɛli 2:37

Ilaalu, awɔi ì la ì re ilaalu ŋa fei. Ilaaɔ̃ Lafɛ̃ɛi leleui í jɔ̀ ì jɛ bomma, nɔ í muuɛ gbugbã do bɛɛrɛ.

Daniɛli 3:1

Ilaalu Nebukanɛsaa í jɔ̀ à yɔ wura à cea do iwɛ̃ gɔ. Kugbokaɛ í wɛɛi agbãawɔ kita, kucĩɛ mɔ agbãawɔ mɛɛfa. Nɔ í jɔ̀ à koo à gũu si lɔɔmai Dura si kukpɛ̃i ilɛi Babilɔniu.

Abakuku 1:7

Inɛ ŋau bii ì yɛ ŋa zigiɛ í ya dai ntɔ ntɔ. Si lasabu nŋa mii iyi à bii à ya jilɛ.

Matie 4:8

Si anyii nŋu, Seetam í bɔò Jesu hee antaii iri kuta nla gɔ má nɔ í nyisiɛ bommai andunya fei do amboe nŋa.

Luku 4:5

Nɔ Seetam í bɔòɛ hee antaii iri kuta gɔ, í nyisiɛ bommai andunya fei si iju kãmɛɛ.