Daniɛli 2:3 - Bibeli do fee

³ Ŋɔi ilaaluu í sɔ̃ ŋa í ni, alai ǹ ce, nɔ alau í jɔ̀ ǹ biti ntɔ ntɔ. Na nŋu, ǹ wa n bi i sisiim yaasei alau ŋa.

Daniɛli 2:3 Iomraidhean Croise

Kusintii Andunya 40:8

Ŋɔi à jɛaa à ni, à laalai nɔ wee a kù ba inɛ iyi á tusɛ nwa yaaseɛ. Ŋɔi Zozɛfu í bee ŋa má í ni, kù jɛ Ilaaɔ̃i í ya tusɛ yaasei mii fei ba. Na nŋu, i sisiim ala nŋɛ ŋau wa.

Kusintii Andunya 41:15

Ŋɔi Faraɔ̃ í sɔ̃ɔ í ni, ǹ laalai, nɔ inɛ gɔ kù yɔkɔ ku tusɛɛm alau. Amma ǹ gbɔ à ni bii à sisiɛ ala ì ya yɔkɔ i sɔ̃ inɛ yaaseɛ.

Kusintii Andunya 41:8

Iyi iju í má daadaakɔu idɔi Faraɔ̃ kù sũ. Í kpe woo ce alisi ŋa do ilu bisi ŋa iyi à wa Ezibiti bɛ fei. Í sisi nŋa alaɛ ŋau, amma baa inɛ akã nŋa kù yɔkɔ ku mà yaasei ala ŋau.

Daniɛli 2:1

Nebukanɛsaa í ce ala si adɔ̃ minjisiai bomma ku jɛɛ. Alau í jɔ̀ í biti ntɔ ntɔ hee njoo í nya siɛ.

Daniɛli 4:5

Hee do ankãanyii Daniɛli nŋu iyi à ya nyi a kpe Bɛlitasaa má si yaasei kukpei iwɛ̃m í na í naa bi titom. Daniɛliu inɛ nŋu njɛ í nɛ iwɛ̃ jiida ŋa. Ŋɔi ǹ sisiaa alau.